വിദേശ താരങ്ങൾ സ്വന്തം നാട്ടിലേക്ക് പറന്നു; ഐപിഎൽ 2025 പുനരാരംഭിച്ചാൽ തിരിച്ചെത്തുമോ താരങ്ങൾ? ആരാധകർ ആശങ്കയിൽ

Edited byഅനുഷ ഗംഗാധരൻ | Samayam Malayalam | Updated: 11 May 2025, 9:06 am

ഇന്ത്യ പാകിസ്താൻ അതിർത്തി സംഘർഷത്തെ തുടർന്ന് ഇന്ത്യൻ പ്രീമിയർ ലീഗ് 2025 സീസൺ ഒരാഴ്ചത്തേക്ക് നിർത്തിവെച്ചിരുന്നു. ധർമ്മശാലയിൽ പഞ്ചാബ് കിങ്‌സ് - ഡൽഹി ക്യാപിറ്റൽസ് മത്സരം ആദ്യ ഇന്നിങ്സിന്റെ പതിനൊന്നാം ഓവറിൽ നിർത്തിവെക്കുകയായിരുന്നു.
വിരാട് കോഹ്ലി വിരമിച്ചാൽ കോളടിക്കുക ഈ മൂന്ന് ഇന്ത്യൻ താരങ്ങൾക്ക്; ലിസ്റ്റിൽ തിരിച്ചുവരവിന് കാത്തിരിക്കുന്ന താരവും
ഇതോടെ താരങ്ങളും സ്റ്റാഫുകളും ഒരുപോലെ ഭയന്നു എന്നാണ് ബിസിസിഐ അറിയിച്ചത്. ഇത്തരത്തിൽ ഇന്ത്യ പാക് സംഘർഷാവസ്ഥ വളർന്നു വരുന്ന സാഹചര്യത്തിൽ ബിസിസിഐ താൽകാലികമായി ഐപിഎൽ നിർത്തിവെക്കുകയായിരുന്നു.

ടൂർണമെന്റ് നിർത്തിവച്ചതോടെ വിവിധ ഫ്രാഞ്ചൈസികളിൽ നിന്നുള്ള താരങ്ങളും സപ്പോർട്ട് സ്റ്റാഫും അവരുടെ സ്വന്തം നാട്ടിലേക്ക് മടങ്ങാൻ തുടങ്ങി. ഇത്തവണ വിവിധ രാജ്യങ്ങളിൽ നിന്നുള്ള 62 കളിക്കാർ ഐപിഎല്ലിൽ പങ്കെടുക്കുന്നുണ്ടായിരുന്നു. ഇവരെല്ലാം സ്വന്തം നാട്ടിലേക്ക് മടങ്ങാൻ ഒരുങ്ങുകയാണ് എന്നാണ് അറിയാൻ സാധിച്ചത്. റോയൽ ചലഞ്ചേഴ്‌സ് ബെംഗളൂരുവിന്റെ വിദേശ താരങ്ങളായ ടിം ഡേവിഡ്, ലിയാം ലിവിംഗ്സ്റ്റൺ, ജേക്കബ് ബെഥേൽ, റൊമാരിയോ ഷെപ്പേർഡ്, ഫിൽ സാൾട്ട്, ജോഷ് ഹേസിൽവുഡ്, ലുങ്കി എൻഗിഡി, നുവാൻ തുഷാര എന്നിവർ അവരവരുടെ രാജ്യങ്ങളിലേക്ക് മടങ്ങി എന്ന് ആർസിബി തങ്ങളുടെ സോഷ്യൽ മീഡിയ പ്ലാറ്റ്ഫോമിൽ പോസ്റ്റ് ചെയ്‌തിരുന്നു.

"ഞങ്ങളുടെ കളിക്കാരും സ്റ്റാഫും സുരക്ഷിതമായി ബെംഗളൂരുവിലേക്ക് തിരിച്ചെത്തുകയും, അവിടെ നിന്ന് അവരവരുടെ നഗരങ്ങളിലേക്കും രാജ്യങ്ങളിലേക്കും മടങ്ങി" എന്നാണ് ആർസിബി ഒരു പ്രസ്താവനയിൽ പറയുന്നത്. വിദേശ സപ്പോർട്ട് സ്റ്റാഫിൽ ഹെഡ് കോച്ച് ആൻഡി ഫ്ലവർ, ബൗളിങ് കോച്ച് ആദം ഗ്രിഫിത്ത്, ക്രിക്കറ്റ് ഓപ്പറേഷൻസ് ഡയറക്ടർ മോ ബോബറ്റ്, ടീം ഫിസിയോ ഇവാൻ സ്പീച്ച്ലി, അനലിസ്റ്റ് ഫ്രെഡി വൈൽഡ് എന്നിവരും സ്വന്തം രാജ്യങ്ങളിക്ക് തിരിച്ചു എന്നും ആർസിബി അറിയിച്ചു.

മുംബൈ ഇന്ത്യൻസ് (എംഐ), കൊൽക്കത്ത നൈറ്റ് റൈഡേഴ്‌സ് (കെകെആർ) തുടങ്ങിയ ടീമുകളുടെ താരങ്ങളും സ്വന്തം നാട്ടിലേക്ക് മടങ്ങി എന്നാണ് റിപ്പോർട്ട്. അതേസമയ ലഖ്‌നൗ സൂപ്പർ ജയന്റ്‌സിന്റെ ചില വിദേശ താരങ്ങൾ ഇവിടെ തന്നെ തുടരാൻ സാധ്യത ഉണ്ട് എന്നും റിപ്പോർട്ട് ഉണ്ടായിരുന്നു.

അതേസമയം ഐപിഎൽ 2025 ഇനി എപ്പോൾ എവിടെ വെച്ച് പുനരാരംഭിക്കും എന്ന ആശങ്കയിലാണ് ബിസിസിഐ. ഇംഗ്ലണ്ട് ഒരു ഓഫർ മുന്നോട്ടുവെച്ചെങ്കിലും ബിസിസിഐ അതിൽ പ്രതികരണം അറിയിച്ചിട്ടില്ല. മാത്രവുമല്ല ഇന്ത്യയിൽ തന്നെ തുടരാൻ തീരുമാനിക്കുകയാണ് എങ്കിൽ എത്ര വിദേശ താരങ്ങൾ തിരിച്ചെത്തും എന്ന് ഉറപ്പിച്ചുപറയാനും സാധിക്കില്ല. ഈ ആശങ്ക ആരാധകരും സമൂഹമാധ്യമങ്ങളിലൂടെ റിപ്പോർട്ട് ചെയ്‌തിരിക്കാണ്.

ക്രിക്കറ്റ് ഓസ്ട്രേലിയ തങ്ങളുടെ താരങ്ങളെ തിരിച്ചയിക്കുമോ എന്നതിലാണ് കൂടുതൽ ആശങ്ക. എന്നാൽ ഇതുമായി ബന്ധപ്പെട്ട് ഔദ്യോഗിക റിപോർട്ടുകൾ ഒന്നും വന്നിട്ടില്ല. മാത്രവുമല്ല ഇന്ത്യ പാക് സംഘർഷം തുടരുന്നത് കൊണ്ട് വിദേശ രാജ്യങ്ങളിൽ എവിടെയെങ്കിലും വെച്ച് ഐപിഎൽ 2025 പുനരാരംഭിക്കാൻ ആണ് കൂടുതൽ സാധ്യത.