വിപിനെ കല്യാണം കഴിച്ചപ്പോൾ എല്ലാരും പരിഹസിച്ചു! പ്രായം ആയിരുന്നു എല്ലാര്ക്കും വിഷയം; എന്നാൽ തകർക്കാൻ കഴിയാത്ത ഒരു ശക്തി ഇവർക്കിടയിലുണ്ട്

Authored byഋതു നായർ | Samayam Malayalam | Updated: 25 Apr 2025, 11:19 am

നീ ഇല്ലാതെ എൻ ജീവിതം ധന്യമാകില്ല! നീ നെറുകയിൽ അണിഞ്ഞ സിന്ദൂരം എന്നെന്നും തിളങ്ങട്ടെ സൂര്യനെ പോലെ! മീര വാസുദേവനെ സംബന്ധിച്ചിടത്തോളം ഈ വരികൾ വളരെ അർത്ഥവത്താണ്. നീ ആണ് എനിക്ക് എല്ലാം എന്നാണ് മീരക്ക് ഒപ്പം ചേർന്നുനിന്നൊരു മനോഹര ചിത്രം പങ്കുവച്ചുകൊണ്ട് അടുത്തിടെ വിപിൻ കുറിച്ചത്. ഇപ്പോൾ ജീവിതം തുടങ്ങിയിട്ട് ഒരു വർഷം ആയുള്ളൂവെങ്കിലും ഏറെ മാറ്റങ്ങൾ ഇരുവരുടെയും ലൈഫിൽ ഉണ്ടായി.
വിപിന് ഒപ്പം ഭയങ്കര ഹാപ്പിയാണ് മീര. മീരക്ക് ഒപ്പമുള്ള ഓരോ നിമിഷവും അതി സുന്ദരം എന്നാണ് വിപിനും പറയുക. ഇരുവരും തമ്മിലുള്ള വിവാഹവാർത്ത പുറത്തുവന്നപ്പോൾ ഇവർക്ക് ഒപ്പം പ്രവർത്തിക്കുന്നവർ വരെ പരിഹസിച്ചു. അധികകാലം മുൻപോട്ട് പോകില്ലെന്ന് പറഞ്ഞവരും ഉണ്ട്. എന്നാൽ തങ്ങളുടെ ജീവിതം മാതൃകയാക്കി അവർക്ക് മുൻപിൽ ഏറെ സന്തോഷത്തോടെ കഴിയുകയാണ് ഇവർ. ഇപ്പോൾ ഷൂട്ടിങ് തിരക്കുകളിൽ നിന്നെല്ലാം ഒഴിഞ്ഞുകൊണ്ട് യാത്രക്കായി സമയം കണ്ടെത്തുകയാണ് രണ്ടാളും .

രാമേശ്വരം യാത്രയുടെ സുന്ദരനിമിഷങ്ങൾ ആസ്വദിക്കുന്നു. വിപിനെ വിവാഹം കഴിച്ചപ്പോൾ ഏറെ ആളുകൾ പരിഹസിച്ചത് ഇവരുടെ പ്രായമായിരുന്നു. എന്നാൽ തകർക്കാൻ കഴിയാത്ത ഒരു ശക്തി ഇവർക്കിടയിലുണ്ട് എന്ന് ഈ ബന്ധത്തിൽ നിന്നും വ്യക്തമാണ്.

സീ കേരളത്തിലെ മധുര നൊമ്പരക്കാറ്റ് സീരിയലിലെ നായികയാണ് ഇപ്പോൾ മീര. കുടുംബവിളക്കിലെ സുമിത്ര എന്ന കഥാപത്രത്തിനു ശേഷം മീര അവതരിപ്പിക്കുന്ന ശക്തമായ കഥാപാത്രമാണ്. ഇമ്പം സിനിമയിലും മികച്ച വേഷം മീര കൈകാര്യം ചെയ്തിരുന്നു. കുടുംബവിളക്ക് പരമ്പരയിലെ സുമിത്ര എന്ന കഥാപാത്രത്തേക്കാൾ സ്ട്രോങ്ങ് ആയിരുന്നു മീര. ഇതേ പരമ്പരയിലെ കാമറാമാൻ ആയിരുന്നു വിപിൻ . പരസ്പരം ഏറെ മനസിലാക്കി വിവാഹം.

ALSO READ: റിലേഷൻ നിലനിർത്താൻ എല്ലാം ഉപേക്ഷിച്ചു! കടക്കെണിയില്‍ ഇരിക്കേണ്ട അവസ്ഥ ഇല്ലാണ്ടായത് സുപ്രിയ വന്നതുകൊണ്ട്; മാതൃകയായി ഇവർ
കഴിഞ്ഞവർഷം ഏപ്രില്‍ 21-നായിരുന്നു മീരയുടെയും വിപിന്റെയും വിവാഹം. കോയമ്പത്തൂരിലെ ക്ഷേത്രത്തിലെ ചടങ്ങുകള്‍ക്കുശേഷം ഇരുവരും വിവാഹം ഔദ്യോഗികമായി രജിസ്റ്റര്‍ ചെയ്തു. അടുത്ത കുടുംബാംഗങ്ങളും സുഹൃത്തുക്കളും മാത്രം പങ്കെടുത്ത ചടങ്ങ്. ഇതിന് പിന്നാലെ മീര വിവാഹ ചിത്രങ്ങളും വീഡിയോയും ഇന്‍സ്റ്റഗ്രാമില്‍ പങ്കുവെച്ചതോടെയാണ് ആരാധകര്‍ വാര്‍ത്തയറിഞ്ഞതും.

2019 മുതല്‍ ഒന്നിച്ച് ജോലി ചെയ്ത് വരികയായിരുന്നു ഞാനും വിപിനും. ഒരു വര്‍ഷമായി ഞങ്ങള്‍ പ്രണയത്തിലായിരുന്നു. ഇനിയുള്ള യാത്രകള്‍ ഒന്നിച്ച് എന്നുമായിരുന്നു അന്ന് മീര പറഞ്ഞത്. കോയമ്പത്തൂരില്‍ വെച്ചായിരുന്നു രജിസ്റ്റര്‍ വിവാഹം നടത്തിയത്. വിവാഹ ചിത്രങ്ങള്‍ ഇരുവരും പങ്കുവെച്ചിരുന്നു. മീര മൂന്നാമതും വിവാഹിതയായപ്പോള്‍ തന്നെ രൂക്ഷ വിമര്‍ശനങ്ങളുമായി ചിലരെത്തിയിരുന്നു. മീരയോ വിപിനോ ഇതൊന്നും ഗൗനിച്ചിരുന്നില്ല.