വിരമിക്കുമോ എന്ന ചോദ്യത്തിന് ഉത്തരവുമായി ചെന്നൈ നായകൻ എംഎസ് ധോണി; അഭ്യൂഹങ്ങൾക്ക് വിരാമം

Edited byഅനുഷ ഗംഗാധരൻ | Samayam Malayalam | Updated: 8 May 2025, 9:40 am

ഇന്ത്യൻ പ്രീമിയർ ലീഗ് 2025 സീസണിൽ കഴിഞ്ഞ ദിവസം കൊൽക്കത്ത നൈറ്റ് റൈഡേഴ്സും ചെന്നൈ സൂപ്പർകിങ്‌സും തമ്മിൽ നടന്ന മത്സരത്തിൽ എംഎസ് ധോണി നയിക്കുന്ന ചെന്നൈ രണ്ട് വിക്കറ്റിന് ജയം സ്വന്തമാക്കി. ധോണിയുടെ മിന്നൽ സ്റ്റമ്പിങ്ങും ഒരു സൂപ്പർ സിക്‌സറും കാണാൻ സാധിച്ചതോടെ സിഎസ്കെ ആരാധകർ സന്തോഷത്തിലാണ്.
അഭിഷേക് ശർമയുടെ വെടിക്കെട്ടിന്റെ റെക്കോഡ് തകർത്ത് ചെന്നൈയുടെ സർപ്രൈസ് താരം; ആദ്യ കളിയിൽ വമ്പൻ നേട്ടം
അതേസമയം തന്റെ വിരമിക്കിൽ അഭ്യൂഹങ്ങൾക്ക് മറുപടി നൽകിയിരിക്കുകയാണ് ചെന്നൈ നായകൻ. 2026 ഐപിഎൽ സീസൺ ചെന്നൈക്കായി കളിക്കാൻ എംഎസ് ധോണി ഉണ്ടാകുമെന്നും അതല്ല ഇത് അദ്ദേഹത്തിന്റെ അവസാന സീസൺ ആണ് എന്ന് തുടങ്ങിയ അഭ്യൂഹങ്ങൾ നിറഞ്ഞിരുന്നു. എന്നാൽ അതിനുള്ള മറുപടി ഇപ്പോൾ എംഎസ് ധോണി തന്നെ നൽകുകയാണ്.

"എനിക്ക് ( എംഎസ് ധോണിയ്ക്ക് ) ലഭിച്ച സ്നേഹവും വാത്സല്യവും ഒരിക്കലും മറക്കാൻ കഴിയാത്തതാണ്, എനിക്ക് 43 വയസ്സായി, ഞാൻ ക്രിക്കറ്റ് കളിക്കാൻ തുടങ്ങിയിട്ട് ഒരുപാട് കാലമായി. എന്റെ അവസാന വർഷം എപ്പോഴാണെന്ന് അറിയില്ല, വർഷത്തിൽ 2 മാസം മാത്രമേ ഞാൻ കളിക്കാറുള്ളൂ എന്നത് വസ്തുതയാണ്. ഈ ഐ‌പി‌എൽ കഴിഞ്ഞാൽ, എന്റെ ശരീരത്തിന് ഈ തരത്തിലുള്ള സമ്മർദ്ദം താങ്ങാൻ കഴിയുമോ എന്ന് കാണാൻ ഞാൻ പരിശ്രമിക്കേണ്ടതുണ്ട്. ഇപ്പോൾ (വിരമിക്കൽ) തീരുമാനിക്കൽ ഒന്നുമില്ല, പക്ഷേ എല്ലായിടത്തും എനിക്ക് ലഭിക്കുന്ന സ്നേഹവും വാത്സല്യവും മികച്ചതാണ്," എന്ന് ധോണി പറഞ്ഞു.ഇതോടെ വിരമിക്കൽ സംശയങ്ങൾക്ക് ഒരു ഉത്തരം ലഭിച്ചിരിക്കുകയാണ്. അതേസമയം കഴിഞ്ഞദിവസം ടോസ് നേടിയ കൊൽക്കത്ത നൈറ്റ് റൈഡേഴ്‌സ് ബാറ്റിങ് തിരഞ്ഞെടുക്കുകയായിരുന്നു. മികച്ച രീതിയിൽ ബാറ്റ് ചെയ്യാൻ കൊൽക്കത്തയുടെ ബാറ്റ്‌സ്മാന്മാർക്ക് സാധിച്ചു എങ്കിലും കൊൽക്കത്തയുടെ ഓപ്പണർമാർക്ക് അതിന് സാധിച്ചില്ല. ഇത് ഒരു പടുകൂറ്റൻ സ്കോർ ഉയർത്താം എന്ന കൊൽക്കത്തയുടെ പ്രതീക്ഷക്ക് മങ്ങലേല്പിച്ചു.

കൊൽക്കത്തയുടെ നായകൻ അജിൻക്യ രഹാനെയാണ് കൊൽക്കത്തക്കായി ഏറ്റവും കൂടുതൽ റൺസ് നേടിയത്. 33 പന്തിൽ 48 റൺസാണ് താരം സ്വന്തമാക്കിയത്. നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 179 റൺസ് നേടി കൊൽക്കത്ത മുന്നോട്ടുവെച്ച ലക്ഷ്യം രണ്ട് പന്ത് ബാക്കി നിൽക്കെ ചെന്നൈ മറികടന്നു. ചെന്നൈക്കായി ഇറങ്ങിയ പുതിയ താരം ഉർവിൽ പട്ടേലാണ് ഏറ്റവും മികച്ച പ്രകടനം കാഴ്ചവെച്ചത്. 11 പന്തിൽ 31 റൺസ് നേടാൻ സാധിച്ചു. 4 സിക്സറുകളാണ് താരം കഴിഞ്ഞ ദിവസം പറത്തിയത്.