വിവാഹ മോചനം വലിയ വേദനയായിരുന്നു, അതിൽ നിന്ന് പുറത്തു കടക്കാൻ ജെനിഫർ ലോപസ് ചെയ്തുകൊണ്ടിരിയ്ക്കുന്നത്, ഇതാണ് നല്ലത്!

Authored by: അശ്വിനി പി|Samayam Malayalam•22 Aug 2025, 3:54 pm

അമേരിക്കൻ നടനും തിരക്കഥാകൃത്തുമായ ബെൻ അഫ്ലക്കുമായുള്ള വിവാഹ മോചനത്തിന് ശേഷം നടിയും ഗായികയുമായ ജെനിഫർ ലോപസ് ഇപ്പോൾ കൂടുതലും കരിയറിലേക്ക് ശ്രദ്ധ കേന്ദിരീകരിയ്ക്കുകയാണ്. 2021 ൽ ആയിരുന്നു ജെന്നിഫറിന്റെയും ബെന്നിന്റെയും പ്രണയ വിവാഹം. ഇരുവരും നല്ല ജോഡികളാണെന്നും മനോഹരമായി ജീവിക്കും എന്ന് ആരാധകർ പ്രതീക്ഷിച്ചുവെങ്കിലും 2024 ൽ ആ ബന്ധം അവസാനിച്ചു

ബെന്നുമായുള്ള വിവാഹ മോചനം ജെനിഫരിനെ വല്ലാതെ തളർത്തിയിരുന്നു. പക്ഷേ താരം തന്നെ സ്വയം ഒരു തിരക്കിലേക്ക് തള്ളിവിട്ടതോടെ ആ വിഷമത്തിൽ നിന്ന് പകുതിയോളം പുറത്തു കടക്കാൻ സാധിച്ചു എന്നാണ് അടുത്ത വൃത്തങ്ങൾ പറയുന്നത്. പാട്ടിലും അഭിനയത്തിലുമൊക്കെ കൂടുതൽ ഇൻവോൾവ് ചെയ്യാൻ തുടങ്ങി.

Also Read: 21 ആം വയസ്സിൽ മില്ലി ബോബി ബ്രൗൺ അമ്മയായി, കുഞ്ഞിനെ ദത്ത് എടുത്തു എന്ന സന്തോഷ വാർത്ത അറിയിത്ത് മില്ലിയും ജെയ്ക്കും

തന്റെ ആരാധകരുമായി നേരിട്ട് സംവദിക്കുന്നതും മറ്റുമായ കാര്യങ്ങൾ താൻ വളരെ അധികം ആസ്വദിക്കുന്നു എന്നാണ് ജെനിഫർ ലോപ്പസ് അടുത്തിടെ നൽകിയ ഒരു അഭിമുഖത്തിൽ പറഞ്ഞത്. അതിനൊപ്പം തന്റെ ഇരട്ടക്കുട്ടികൾക്കൊപ്പമുള്ള നിമിഷങ്ങളും നടിയെ സംബന്ധിച്ച് വലിയൊരു സ്ട്രസ്സ് റിലീസ് ആണ്.

ഞാൻ ഏറ്റവും ഇഷ്ടപ്പെടുന്ന കാര്യങ്ങൾ എന്തൊക്കെയാണോ അതിലാണ് ഇപ്പോൾ ഏറ്റവും അധികം സമയം ചെലവഴിക്കുന്നത് എന്ന് ഗായികയും നായികയുമായ ജെന്നിഫർ പറഞ്ഞിട്ടുണ്ട്. വേൾഡ് ടൂർ ഒക്കെയും അതിന്റ ഭാഗമാണ്.

Also Read: ഇങ്ങനെ സുന്ദരിയാരിക്കുന്നതിന്റെ കാരണം എന്റെ പുരുഷൻ തന്നെ! സൂര്യ തേജസ്സോടെ രാധിക; ജ്യോതികയുടെ വാക്കുകൾ കടമെടുത്ത് ഫാൻസ്‌

ബെന്നും താനും വളരെ മോശം അവസ്ഥയിലൂടെ കടന്ന് പോകുമ്പോഴായിരുന്നു ഏറ്റവുമൊടുവിൽ ചെയ്ത സിനിമയുടെ ഷൂട്ട് നടന്നത്. പക്ഷേ അന്നത്തെ അവസ്ഥയിൽ നിന്നെല്ലാം ഞാൻ ഇപ്പോൾ ഒരുപാട് മുന്നോട്ടുവന്നു കഴിഞ്ഞു. ജീവിതത്തിൽ സംഭവിച്ചതിനെല്ലാം ഞാനിപ്പോൾ വളരെ അധികം നന്ദിയുള്ളവളാണ്.
ലോപസ് കിസ്സ് ഓഫ് ദ സ്പൈഡർ വുമൺ ആണ് ജെനിഫർ ലോപസിന്റെ അടുത്ത ചിത്രം. ഒക്ടോബർ 10ന് സിനിമ തിയേറ്ററുകളിലെത്തും. അതിന്റെ പ്രമോഷൻ പരിപാടികളിലും ജെനിഫർ സജീവമാണ്