വിവാഹം കഴിഞ്ഞാൽ അല്ലേ ഒപ്പം കൂട്ടാനാകൂ! അപ്പോൾ വിവാഹ രജിസ്‌ട്രേഷൻ കഴിഞ്ഞെന്ന് കേട്ടതോ; സിബിന്റെ പ്രതികരണം

Authored by: ഋതു നായർ|Samayam Malayalam•25 May 2025, 8:13 am

സോഷ്യൽ മീഡിയ ഏറെ ആഘോഷിച്ച ഒരു വാർത്ത ആയിരുന്നു ബഡായി ആര്യ- ബിഗ് ബോസ് താരം സിബിൻ ബെഞ്ചമിന്റെയും വാർത്ത. ഒരു സമയത്ത് ഏറെ സൈബർ അറ്റാക്ക് വാങ്ങിയ ആര്യ പക്ഷേ പിന്നീട് തന്റെ നഷ്ടപ്പെട്ടുപോയ ഇമേജ് തിരിച്ചുപിടിച്ചിരുന്നു. എന്തിനെയും പോസിറ്റീവ് മാത്രം കാണുന്ന ആര്യയുടെ തുറന്നുപറച്ചിലുകൾ സോഷ്യൽ മീഡിയയിൽ ഏറെ വൈറലായിരുന്നു. ഒറ്റക്കുള്ള ജീവിതവും ഇടക്കുണ്ടായ പ്രണയതകർച്ചയും എല്ലാം അതിജീവിച്ചാണ് ആര്യ ബിസിനസ് രംഗത്ത് തന്റേതായ ഇടം നേടിയെടുത്തത്. ഒരു നടി ആങ്കർ എന്നതിലുപരി അറിയപ്പെടുന്ന ബിസിനസ് വുമൺ കൂടിയാണ് ആര്യ.

തീർത്തും അപ്രതീക്ഷിതമാണ് ആര്യയുടെ വിവാഹ അനൗൺസ്‌മെന്റ് തന്റെ ബെസ്റ്റ് ഫ്രണ്ടായിരുന്ന സിബിനുമായി താൻ വിവാഹിത ആകുന്നു എന്നാണ് ആര്യ വെളിപ്പെടുത്തിയത്, നിരവധി ആളുകൾ ആണ് ഇരുവർക്കും ആശംസകൾ നേർന്നുകൊണ്ട് എത്തിയതും. ആര്യയുടെ സുഹൃത്തുക്കളെ പോലെ ബന്ധുക്കളെ പോലെ സന്തോഷം ആരാധകർക്കും ഉണ്ടായിരുന്നു എന്നതാണ് വാസ്തവം. ആര്യക്കും സിബിനും ഇത് പുതു തുടക്കമാണ്. രണ്ടാളുടെയും ആദ്യ വിവാഹം ഡിവോഴ്സ് ചെയ്തിരുന്നു. കഴക്കൂട്ടം സബ് രജിസ്റ്റർ ഓഫീസിൽ വിവാഹരജിസ്ട്രേഷന്റെ ഭാഗമായി സമർപ്പിച്ച രേഖയും സമൂഹ മാധ്യമങ്ങളിൽ നിറഞ്ഞിരുന്നു. എന്നാൽ ഇതിനിടയിലാണ് നടിയും നർത്തകിയും ആയ നയന ജോസൻറെ വിവാഹം നടന്നത്. ചടങ്ങിൽ സിബിൻ ഒറ്റക്കാണ് എത്തിയത്.

ആര്യയെ എന്തുകൊണ്ട് കൂടെ കൂട്ടിയില്ല എന്ന് ഓൺലൈൻ ചാനലുകാർ സിബിനോട് ചോദിക്കുന്നത്. കല്യാണം കഴിഞ്ഞാൽ അല്ലെ കൂടെ കൂട്ടാൻ ആകൂ ആര്യ ഇപ്പോൾ ആര്യയുടെ വീട്ടിലാണ്. എന്നും സിബിൻ പറയുന്നു ഉടനെ അടുത്ത ചോദ്യമെത്തി അപ്പോൾ രജിസ്റ്റർ മാര്യേജിന്റെ രേഖകളോ എന്ന്. എന്നാൽ ഏയ് കഴിഞ്ഞിട്ടില്ല എന്നാണ് സിബിൻ മറുപടി നൽകിയത്.

ALSO READ: നക്ഷത്രമനയുടെ ഉടമ! കൊച്ചച്ഛന്റെ ഓർമ്മകളും; സ്നേഹയുമായി പ്രണയം വിവാഹം; എന്തിനും ഒപ്പം നിൽക്കുന്ന ആളെന്ന് പ്രകാശ് വർമ്മ

എന്നാൽ ഏറെ ദിവസങ്ങൾക്ക് മുൻപേ ആണ് സിബിന്റെയും ആര്യയുടെയും എന്ന പേരിൽ വിവാഹരജിസ്ട്രേഷൻ റെക്കോർഡ് സമൂഹ മാധ്യമങ്ങളിൽ പ്രചരിച്ചത്.

രേഖകൾ പ്രകാരം ആര്യയ്ക്ക് മുപ്പത്തിനാല് വയസും സിബിനു 33 വയസുമാണ് പ്രായം രണ്ടാളുടെയും മാര്യേജ് സ്റ്റാറ്റസ് ഡിവോഴ്സ്ഡ് എന്ന സൂചിപ്പിച്ചതും. എന്നാൽ ഇപ്പോൾ സിബിന്റെ വിവാഹം ഡിവോഴ്സ്ഡ് ആയിട്ടില്ല എന്ന രീതിയിലും പ്രചാരണം നടക്കുന്നുണ്ട്. എന്നാൽ വിവാഹരജിസ്ട്രേഷനിൽ കൃത്യമായി തന്നെ ഡിവോഴ്‌സ്ഡ് എന്ന് സിബിൻ സൂചിപ്പിച്ചിട്ടുണ്ട്.

ALSO READ: വീണയും വിജയും ഒന്നിച്ചു! സംരംഭക പ്രോപഞ്ചയുടെ സഹ സ്ഥാപക; പർവീനുമായുള്ള വിവാഹം; പുത്തൻ ചിത്രങ്ങൾ വിശേഷങ്ങൾ

ഇരുവരും ദീർഘകാലമായി സുഹൃത്തുക്കൾ ആയിരുന്നു. എല്ലാ പ്രതിസന്ധിഘട്ടത്തിലും ഒപ്പം ഉണ്ടായിരുന്ന ആള് ഇപ്പോൾ ജീവിതത്തിലേക്ക് പാർട്ണർ ആയി വരുന്ന സന്തോഷം ആര്യയും സിബിനും മറച്ചുവച്ചില്ല . ഇരുവരും പങ്കുവച്ച പോസ്റ്റിൽ അത്രയും അവരുടെ സന്തോഷം നിറഞ്ഞുനിന്നു. ഇത്രയും കാലം തന്റെ ജീവിതത്തിൽ എടുത്ത തീരുമാനങ്ങളിൽ പലതും തെറ്റായിരുന്നു എന്നാൽ ഇപ്പോൾ എന്റെ ചോക്കി എന്റെ ലൈഫിലേക്ക് വരുമ്പോൾ എന്റെ ജീവിതത്തിനു അർഥം ഉണ്ടാകുന്നു എന്നെ ഏറ്റവും മനസിലാക്കിയ ആളാണ് എന്റെ ചോക്കി എന്നും സിബിൻ പറഞ്ഞിരുന്നു.