വിവാഹത്തിന്റെ തൊട്ടു മുൻപുള്ള കുറച്ച് നിമിഷങ്ങൾ; സെലീന ​ഗോമസ് പങ്കുവച്ച ചിത്രങ്ങൾ

Authored by: അശ്വിനി പി|Samayam Malayalam•6 Oct 2025, 2:47 pm

സെലീന ഗോമസിന്റെയും ബെന്നി ബ്ലാങ്കോയുടെയും വിവാഹം ഗ്ലോബൽ മാധ്യമങ്ങൾ ഏറ്റെടുത്തതാണ്. അതീവ സുന്ദരിയായി സെലീന ഗോമസും, പെർഫക്ട് ലുക്കിൽ ബെന്നി ബ്ലാങ്കോയും എത്തിയ കല്യാണ ഫോട്ടോകൾ എല്ലാം വൈറലായിരുന്നു. കാത്തിരിപ്പിനൊടുവിൽ സംഭവിച്ച സ്വപ്നതുല്യമായ ചില നിമിഷങ്ങൾ ആരാധകരും ഏറ്റെടുത്തു

വിവാഹം കഴിഞ്ഞ് ഒരാഴ്ചയിലേറെ ആയെങ്കിലും, ഇപ്പോഴും ആ സ്വപ്ന ലോകത്തു നിന്നും പുറത്തു കടക്കാൻ ബെന്നി ബ്ലാങ്കോ യ്ക്കോ സെലീന ഗോമസിനോ സാധിച്ചിട്ടില്ല. അവർ ഇരുവരും ഇപ്പോഴും ആ മനോഹരമായ മുഹൂർത്തത്തിന് മുൻപുള്ള നിമിഷങ്ങൾ പങ്കുവച്ചുകൊണ്ടിരിയ്ക്കുകയാണ്. വിവാഹത്തിന്റെ ബിടിഎസ് ചിത്രങ്ങൾ നേരത്തെ ബെന്നി ബ്ലാങ്കോ തന്റെ ഇൻസ്റ്റഗ്രാമിൽ പങ്കുവച്ചിരുന്നു. ഇപ്പോഴിതാ സെലീന ഗോമസും

Also Read: മരിക്കാൻ ശ്രമിച്ചത് ഏഴ് തവണ; മതം മാറ്റം, വിവാഹ ബന്ധം, ഡിവോഴ്സ് ചെയ്യാത്തതിന് കാരണം എല്ലാം മോഹിനി തുറന്ന് പറയുന്നു

കല്യാണത്തിന് തൊട്ടുമുൻപുള്ള, ഒരുക്കങ്ങൾക്കിടയിലെ ചിത്രങ്ങളാണ് ഏറ്റവുമൊടുവിൽ സെലീന ഗോമസ് പങ്കുവച്ചിരിയ്ക്കുന്നത്. എന്റെ വിവാഹ ഉടമ്പടി എഴുതുന്നതു മുതൽ, എല്ലാരെക്കാളും നേരത്തെ അവിടേക്ക് എത്തുന്നത് വരെ - എന്ന അടിക്കുറിപ്പോടെയാണ് ചിത്രങ്ങൾ പങ്കുവച്ചിരിയ്ക്കുന്നത്. വിവാഹ ഒരുക്കങ്ങളും, സുഹൃത്തുക്കൾക്കും, പങ്കാളിക്കുമൊപ്പമെല്ലാം ചർച്ചകൾ നടത്തുന്നതും പ്ലാൻ ചെയ്യുന്നതുമൊക്കെയായ ഫോട്ടോകൾ പോസ്റ്റിൽ ഉൾപ്പെടുത്തിയിട്ടുണ്ട്.

Also Read: സ്ട്രോക്ക് വന്നു മാസങ്ങളായി! കാലുകൾ ഉയർത്തിവയ്ക്കാൻ പോലും പരസഹായം; കൈകൾ തളർന്നത് പോലെ; ഉല്ലാസിന്റെ ഹെൽത്ത്


Also Read: ആൺ ശരീരത്തിനുള്ളിലെ പെണ്ണ്, സാധാരണ ഒരു ട്രാൻസ്ജെന്റർ അല്ല അപ്സര സിജെ; ബിഗ് ബോസ് തമിഴിൽ മത്സരിക്കുന്ന ഈ മലയാളിയെ അറിയില്ലേ

2024 ൽ ആയിരുന്നു ഗായികയും നായിടുമായ സെലീന ഗോമസിന്റെയും ഗാനരചയിതാവും മ്യൂസിക് പ്രൊഡ്യൂസറുമൊക്കെയായ ബെന്നി ബ്ലാങ്കോയും തമ്മിലുള്ള വിവാഹ നിശ്ചയം കഴിഞ്ഞത്. രണ്ട് പേരും വർക്കുമായി ബന്ധപ്പെട്ട് തിരക്കുകളിൽ ആയതിനാൽ വിവാഹം നീണ്ടു പോകുകയായിരുന്നു. വിവാഹ നിശ്ചയത്തിലും വിവാഹത്തിലും വളരെ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തിരുന്നത്. ഇക്കഴിഞ്ഞ സെപ്റ്റംബർ 27 ന് ആയിരുന്നു ബെന്നി ബ്ലാങ്കോയുടെയും സെലീന ഗോമസിന്റെയും സ്വപ്ന തുല്യമായ വിവാഹം .