വീട്ടിൽ ഇരുന്ന 3 മാസങ്ങൾ! പ്രാർത്ഥനയിലും ലൈഫ് സ്റ്റൈലിലും കൂടുതൽ ശ്രദ്ധ; ജീവിതത്തോട് അങ്ങേയറ്റം ആർത്തിയുള്ള മനുഷ്യന്റെ തിരിച്ചുവരവെന്ന് ഫാൻസ്‌

Authored by: ഋതു നായർ|Samayam Malayalam•19 Aug 2025, 4:48 pm

സോഷ്യൽ മീഡിയ നിറയെ മമ്മുക്കയ്ക്ക് വേണ്ടിയുള്ള പോസ്റ്റുകൾ ആണ്. മമ്മൂട്ടിയേക്കുറിച്ച് വൈകാരികമായ പോസ്റ്റുമായി നിർമാതാവ് എസ്. ജോർജ് രംഗത്തുവന്നതോടെയാണ് കൂടുതൽ താരങ്ങളും ആരാധകരും അദ്ദേഹത്തിന്റെ തിരിച്ചുവരവ് ആഘോഷിച്ചുകൊണ്ടുള്ള വാക്കുകൾ പങ്കിടുന്നത്. എല്ലാ ഋതുക്കളുടെയും കുലപതി... സ്നേഹത്തിന്റെ ഒരു കടൽ! നിങ്ങളുടെ തിരിച്ചുവരവിനായി കാത്തിരിക്കുകയായിരുന്നു. ഇപ്പോൾ ഞങ്ങളുടെ മനസ്സ് നിറഞ്ഞു. എന്നിങ്ങനെ നീളുന്നു കമന്റുകൾ. ഓരോ കമന്റുകളിലും തങ്ങളുടെ താര രാജാവിനോടുള്ള സ്നേഹം ആത്മാർത്ഥത ഒക്കെയും കാണാം. ഒരു പക്ഷേ മൂന്നുമാസമായി അവർ കാത്തിരുന്നതും ഈ സന്തോഷ വാർത്ത കേൾക്കാൻ ആകും

മമ്മുക്ക നിങ്ങളോടുള്ള ഞങ്ങളുടെ സ്നേഹത്തെ വർണ്ണിക്കാൻ വാക്കുകൾ പോരാ. ദൈവിക അനുഗ്രഹമുള്ള ആളാണ് നിങ്ങൾ, നിങ്ങൾ കൂടുതൽ ശക്തമായി തിരിച്ചുവരുമെന്ന് ഞങ്ങൾക്ക് എപ്പോഴും അറിയാമായിരുന്നു. ഭാവിയിൽ നിങ്ങൾക്ക് ഇനിയും എണ്ണമറ്റ അത്ഭുതങ്ങൾ ഉണ്ടാക്കാൻ സാധിക്കട്ടെ എന്നാണ്ആരാധകർ പറയുന്നത്

മൂന്ന് മാസത്തോളം വീട്ടിൽ തന്നെ ഇരുന്ന നാളുകൾ. ആദ്യമായിട്ട് ആകും മമ്മുക്ക ഒരുപക്ഷേ ഒരു ഷൂട്ടിങ് സ്ഥലത്തുനിന്നും മാറി ഇത്രയും കാലം നിലനിൽക്കുന്നത്. റിപ്പോർട്ടുകൾ ശരിയെങ്കിൽ കഴിഞ്ഞ മൂന്നുമാസത്തോളമായി കുടുംബവും ആയി സ്വസ്ഥമായി ഇരിക്കുകയായിരുന്നു അദ്ദേഹം. പ്രാർത്ഥനയും ദൈനം ദിന ചൈര്യകളും ചികിത്സയും ഒക്കെ നോക്കി ഇരുന്ന കാലം ആയിരുന്നു അത്..

മഞ്ജുവാര്യരും മോഹൻലാലും മമ്മുക്കക്ക് അത്രയും പ്രിയപ്പെട്ട ഓരോ ആളുകളും ഈ വരവിനെ ഹൃദയം നിറഞ്ഞുകൊണ്ടാണ് സ്വീകരിച്ചത്. ടൈഗർ എന്ന വിളിയോട് കൂടി മഞ്ജുവും മുഖത്തൊരു ചുംബനം നൽകികൊണ്ട് മോഹൻലാലും പോസ്റ്റുകൾ പങ്കിട്ടെത്തിയപ്പോൾ, എല്ലാവരുടെയും പ്രാർത്ഥനാകളേക്കാൾ ആധുനിക ചികിത്സ രീതിയും ഈ വരവിനെ സ്വാധീനിച്ചു എന്ന് പറയുന്നവരും കുറവല്ലല്ല. രാജാവ് തിരിച്ചെത്തി. അദ്ദേഹത്തെ സ്നേഹിച്ച എല്ലാവർക്കും, അദ്ദേഹത്തിനുവേണ്ടി പ്രാർത്ഥിച്ച എല്ലാവർക്കും...!അദ്ദേഹത്തിനുവേണ്ടി പ്രാർത്ഥിച്ച എല്ലാവർക്കും വളരെ നന്ദി.
വീണ്ടും സ്വാഗതം, എന്റെ മെഗാസ്റ്റാർ- എന്നിങ്ങനെ നീളുകയാണ് പോസ്റ്റുകളും കമന്റുകളും.

ഞാനിതാ തിരിച്ചെത്തി .......നിനക്കായി പൂമ്പട്ടു വിരിക്കുന്നു വാടാത്ത പ്രതീക്ഷകള്‍
എന്‍ കൊച്ചു സങ്കല്പത്തിന്‍ മുന്തിരി തണലിങ്കല്‍....... "വീണ്ടും അങ്ങു വന്നെത്തിയല്ലോ; എന്ന വരികളോടെയാണ് എഴുത്തുകാരി ശാരദക്കുട്ടി ഈ വാർത്ത ഏറ്റെടുത്തത്.

നടനും മമ്മൂട്ടിയുടെ അടുത്ത സുഹൃത്തുമായ ശ്രീരാമൻ പങ്കിട്ട പോസ്റ്റ് വായിക്കാം

ALSO READ: കേരളത്തിന്റെ കുഞ്ഞമ്മ എന്ന് വിളിച്ചു കേൾക്കുന്നതിൽ ദുഖമില്ല! ആ കുട്ടിക്ക് എന്നെ എന്ത് വേണമെങ്കിലും വിളിക്കാം

നിന്നെ ഞാൻ കൊറേ നേരായീലോ വിളിക്കണ് ? നീ വളരെ ബിസി ആണ് ആണ് ലേ?
"ബിസിആയിട്ട് പൊക്കോണ്ടിരിയ്ക്കായിരുന്നു ഓട്ട്രഷേല് .ഇതിൻ്റെ സൗണ്ട് കാരണം ഫോണടിച്ചത് അറിഞ്ഞില്ല. "
കാറോ ?
"ഡ്രൈവൻ വീട്ടിപ്പോയി. ഇന്ദുചൂഡൻ് സ് പ്രദർദശനത്തിന് വന്നതാ. അത് കഴിഞ്ഞ് , അമൃതേം കഴിഞ്ഞേ ചെറുവത്താനിക്ക് പോവാമ്പറ്റു.
അപ്പ അവൻ പോയി..''
ഡാ ഞാൻ വിളിച്ചതെന്തിനാന്ന് ചോദിക്ക്.. .നീ
" എന്തിനാ?"
അവസാനത്തെ ടെസ്റ്റും പാസ്സായട
"ദാപ്പോവല്യേ കാര്യം ?ങ്ങള് പാസ്സാവുംന്ന് എനിക്ക് നേരത്തെ അറിയാമായിരുന്നു. "
നീയ്യാര് പടച്ചോനോ?
"ഞാൻ കാലത്തിനു മുമ്പേ നടക്കുന്നവൻ. ഇരുളിലും വെളിച്ചത്തിലും മഴയിലും വെയിലിലും വടിയോ കുടയോ ഇല്ലാതെ സഞ്ചരിക്കുന്നവൻ"
...........
"എന്താ മിണ്ടാത്ത്. ?
ഏതു നേരത്താ നിന്നെ വിളിക്കാൻ തോന്നിയത് എന്ന് ചിന്തിക്കുകയായിരുന്നു ഞാൻ.

യാ ഫത്താഹ്
സർവ്വ ശക്തനായ തമ്പുരാനേ
കാത്തു കൊള്ളണേ !