വീണ്ടും ഞെട്ടിച്ച് വിരാട് കോഹ്ലി, നേടിയത് കിടിലൻ ലോക റെക്കോഡ്; ഈ വമ്പൻ നേട്ടം കൈവരിക്കുന്ന ആദ്യ താരം

Curated by: ഗോകുൽ എസ്|Samayam Malayalam•24 May 2025, 12:26 am

2025 സീസൺ ഐപിഎല്ലിൽ പ്ലേ ഓഫ് ഉറപ്പിച്ചതിന് ശേഷം കളിച്ച ലീഗ് മത്സരത്തിൽ തോൽവിയേറ്റുവാങ്ങിയിരിക്കുകയാണ് റോയൽ ചലഞ്ചേഴ്സ് ബംഗളൂരു. ലക്നൗവിൽ സൺ റൈസേഴ്സ് ഹൈദരാബാദിന് എതിരെ നടന്ന മത്സരത്തിൽ 42 റൺസിന്റെ കനത്ത പരാജയമാണ് ആർ സി ബി നേരിട്ടത്. മത്സരത്തിൽ ആദ്യം ബാറ്റ് ചെയ്ത സൺ റൈസേഴ്സ് ഹൈദരാബാദ് 231/6 എന്ന‌ വമ്പ‌ൻസ്കോറാണ് നേടിയത്. ആർസിബിയുടെ മറുപടി 189 ൽഅവസാനിച്ചു.അതേ സമയം ഈ കളിക്കിടെ ഒരു കിടിലൻ ലോക റെക്കോഡിലെത്താൻ ആർസിബി സൂപ്പർ താരം വിരാട് കോഹ്ലിക്കായി. കൂറ്റൻ വിജയലക്ഷ്യം പിന്തുടർന്ന കളിയിൽ 25 പന്തിൽ നിന്ന് 43 റൺസായിരുന്നു വിരാട് കോഹ്ലി നേടിയത്.‌ ഒരു സിക്സറും ഏഴ് ഫോറുകളും കോഹ്ലിയുടെ ബാറ്റിൽ നിന്ന് പിറന്നു. ഇതോടെ ആർസിബിക്കായി കോഹ്ലി നേടിയ ഫോറുകളുടെ എണ്ണം 800 ലെത്തി. ഇതാണ് താരത്തെ ലോക റെക്കോഡിലേക്ക് നയിച്ചത്.

ടി20 യിൽ ഒരു ടീമിനായി 800 ഫോറുകൾ നേടുന്ന ലോകത്തെ ആദ്യ താരമെന്ന നേട്ടമാണ് കോഹ്ലിക്ക് സ്വന്തമായത്. 2008 ലെ പ്രഥമ സീസൺ ഐപിഎല്ലിൽ ആർസിബിക്കായി അരങ്ങേറ്റം കുറിച്ച കോഹ്ലി, ടീമിന് ഒപ്പമുള്ള പതിനെട്ടാം സീസണിലാണ് 800 ഫോറുകളെന്ന നാഴികക്കല്ലിൽ എത്തിയത്.


ഈ സീസണിൽ കിടിലൻ ഫോമിലാണ് വിരാട് കോഹ്ലി എന്നതും ശ്രദ്ധേയം. 12 കളികളിൽ നിന്ന് 60.89 ബാറ്റിങ് ശരാശരിയിൽ 548 റൺസാണ് 2025 സീസൺ ഐപിഎല്ലിൽ കോഹ്ലി നേടിയത്. നിലവിൽ ഈ സീസണിലെ റൺ വേട്ടയിൽ ആറാമതാണ് ഈ ആർസിബി ഓപ്പണർ.

ബെംഗളുരുവിനെ എറിഞ്ഞ് തകർത്ത് ഹൈദരാബാദ്; ഇതോടെ പോയിന്റ് ടേബിളിൽ മൂന്നാമതായി ആർസിബി
അതേ സമയം ടി20 യിൽ ഒരു ടീമിനായി കൂടുതൽ ഫോറുകൾ നേടുന്ന കളിക്കാരിൽ രണ്ടാം സ്ഥാനത്തുള്ളത് ഇംഗ്ലണ്ട് താരം ജെയിംസ് വിൻസാണ്. ഇംഗ്ലീഷ് ടീമായ ഹാമ്പ്ഷെയറിനായി 694 ഫോറുകളാണ് ജെയിംസ് വിൻസ് നേടിയത്. ഇംഗ്ലണ്ട് ടീമായ നോട്ടിങ്ഹാം ഷെയറിന് വേണ്ടി 563 ഫോറുകൾ നേടിയ അലക്സ് ഹെയിൽസ്, മുംബൈ ഇന്ത്യൻസിന് വേണ്ടി 550 ഫോറുകൾ നേടിയ രോഹിത് ശർമ, 529 ഫോറുകൾ നേടിയ ലൂക്ക് റൈറ്റ് എന്നിവരാണ് ഈ ലിസ്റ്റിൽ യഥാക്രമം രണ്ട് മുതൽ മൂന്ന് വരെ സ്ഥാനങ്ങളിൽ.

റോയൽ ചലഞ്ചേഴ്സ് ബംഗളൂരു - സൺ റൈസേഴ്സ് ഹൈദരാബാദ് മത്സരം ഇങ്ങനെ:

മത്സരത്തിൽ ടോസ് നേടിയ ആർസിബി, ഹൈദരാബാദിനെ ബാറ്റിങ്ങിന് അയക്കുകയായിരുന്നു. ഓപ്പണർമാരായ അഭിഷേക് ശർമയും, ട്രാവിസ് ഹെഡും ചേർന്ന് വെടിക്കെട്ട് തുടക്കമാണ് അവർക്ക് നൽകിയത്. ആദ്യ നാലോവറിൽ സ്കോർ 50 കടന്നു. അഭിഷേക് ശർമ 17 പന്തിൽ 34 റൺസും, ഹെഡ് 10 പന്തിൽ 17 റൺസും നേടി പുറത്തായി. മൂന്നാം നമ്പരിൽ ബാറ്റ് ചെയ്ത ഇഷാൻ കിഷന്റെ കിടിലൻ ഇന്നിങ്സ് സൺ റൈസേഴ്സ് ഹൈദരാബാദിനെ കൂറ്റൻ സ്കോറിലേക്ക് നയിച്ചു. 48 പന്തിൽ ഏഴ് ഫോറുകളും അഞ്ച് സിക്സറുകളുമടക്കം 94 റൺസ് നേടിയ ഇഷാൻ പുറത്താകാതെ നിന്നു.

ലക്‌നൗവിന്റെ ഏകന ക്രിക്കറ്റ് സ്റ്റേഡിയം എങ്ങനെ ആർസിബിയുടെ ഹോം ഗ്രൗണ്ടായി?
കൂറ്റൻ വിജയലക്ഷ്യം പിന്തുടർന്ന ആർസിബിക്ക് ഓപ്പണർമാരായ വിരാട് കോഹ്ലിയും ഫിലിപ് സാൾട്ടും ചേർന്ന് കിടിലൻ തുടക്കം നൽകി.ആദ്യ വിക്കറ്റിൽ ഏഴ് ഓവറിൽ 80 റൺസാണ് അവർ അടിച്ചത്. കോഹ്ലി 25 പന്തിൽ 43 റൺസെടുത്തും, ഫിൽ സാൾട്ട്, 32 പന്തിൽ 62 റൺസെടുത്തും പുറത്തായി. പതിനാറാം ഓവറിൽ രജത് പാട്ടിദാറിന്റെ വിക്കറ്റ് നഷ്ടമായതിന് ശേഷം ആർസിബിയുടെ ‌കഷ്ടകാലം തുടങ്ങി. പിന്നീട് തകർച്ചയിലേക്ക് വീണ അവർ 189 റൺസിന് ഓളട്ടായി.