വെടിക്കെട്ടിനായി ഒഴിവാക്കിയത് 'പിസയും മട്ടനും'; യുവിയുടെ അഗ്രഷനും ലാറയുടെ ധൈര്യവുമുള്ള പതിനാലുകാരൻ, വൈഭവിനെ കുറിച്ച് ഡയറ്റീഷ്യൻ

Edited byഅനുഷ ഗംഗാധരൻ | Samayam Malayalam | Updated: 29 Apr 2025, 1:49 pm

ജയ്പ്പൂർ: ഗുജറാത്ത് ടൈറ്റൻസിനെതിരെയുള്ള മത്സരത്തിൽ ചരിത്രം കുറിച്ച വൈഭവ് സൂര്യവംശിയാണ് ഇന്ന് ക്രിക്കറ്റ് ലോകത്തെ താരം. ഈ പതിനാലുകാരനെ വാഴ്ത്തിപ്പാടുന്ന തിരക്കിലാണ് ഇതിഹാസങ്ങൾ പോലും. ഇന്നിപ്പോൾ വൈഭവ് സൂര്യവംശിയുടെ ഡയറ്റീഷ്യൻ മനീഷ് ഓജ ചില രസകരമായ കാര്യങ്ങൾ തുറന്നു പറഞ്ഞിരിക്കുകയാണ്.
ഇനി കളിമാറും; ഹോം - എവേ മത്സരങ്ങളുടെ എണ്ണം വർധിപ്പിക്കും; സുപ്രധാന വെളിപ്പെടുത്തൽ നടത്തി ബിസിസിഐ ചെയർമാൻകൃത്യമായ ഡയറ്റ് പിന്തുടരുന്ന വൈഭവ് തനിക്ക് ഏറ്റവും ഇഷ്ടമുള്ള ഭക്ഷണങ്ങൾ ക്രിക്കറ്റിനായി ഒഴുവാക്കി എന്നാണ് ഡയറ്റീഷ്യന്റെ വെളിപ്പെടുത്തൽ. വൈഭവിന് ഏറ്റവും കൂടുതുതാൽ ഇഷ്ടമുള്ള ഭക്ഷണമാണ് പിസയും മട്ടനും. എന്നാൽ ഈ രണ്ട് ഭക്ഷണവും ഫിറ്റ്നസിനായി വൈഭവിന് ഒഴിവാക്കേണ്ടി വന്നു. പതിനാലുകാരൻ സെഞ്ചുറി നേടി ചരിത്രം കുറിച്ചതിന് പിന്നാലെയാണ് ഈ കാര്യങ്ങൾ ഡയറ്റീഷ്യൻ മനീഷ് ഓജ പറയുന്നത്.
മത്സരത്തിനിടെ ക്ഷീണവും ദാഹവും അനുഭവപ്പെട്ടിട്ടും അതൊന്നും ഗൗരവത്തോടെ എടുക്കാതെ പന്ത് ബൗഡറി കടത്തുന്നതിൽ മാത്രമായിരുന്നു വൈഭവ് ശ്രദ്ധ കേന്ദ്രീകരിച്ചിരുന്നത് എന്നും അദ്ദേഹം പറഞ്ഞു. ടൈംസ് ഓഫ് ഇൻഡ്യനിക്ക് നൽകിയ അഭിമുഖത്തിലാണ് അദ്ദേഹം ഈ കാര്യങ്ങൾ പറഞ്ഞത്. മുൻ ഇന്ത്യൻ ക്രിക്കറ്റെർ യുവരാജ് സിങ്ങിന്റെയും ബ്രയാൻ ലാറയുടെയും സമ്മിശ്രമാണ് സൂര്യവംശി എന്നും അദ്ദേഹം പറയുന്നുണ്ട്. ബ്രയാൻ ലാറയെ പോലെ ഭയമില്ലാതെ ബാറ്റ് ചെയുകയും എന്നാൽ യുവിയെപോലെ അൽപ്പം അഗ്രഷനും സൂര്യവംശിയ്ക്ക് ഉണ്ട് എന്നാണ് അദ്ദേഹം ടൈംസ് ഓഫ് ഇന്ത്യയോട് പറഞ്ഞിരിയ്ക്കുന്നത്.

അതേസമയം കഴിഞ്ഞ മത്സരത്തിൽ ഒന്നിൽ കൂടുതൽ റെക്കോഡുകൾ കുറിച്ചാണ് പതിനാലുകാരനായ വൈഭവ് സൂര്യവംശി ക്രിക്കറ്റ് ചരിത്രത്തിൽ തന്റെ പേര് എഴുതി ചേർത്തിരിക്കുന്നത്. ഏറ്റവും വേഗത്തിൽ ഐപിഎല്ലിൽ സെഞ്ചുറി നേടുന്ന രണ്ടാമത്തെ താരം, ഐപിഎല്ലിൽ ഏറ്റവും സെഞ്ചുറി നേടുന്ന ഏറ്റവും പ്രായം കുറഞ്ഞ ഇന്ത്യക്കാരൻ, അങ്ങനെ റെക്കോഡുകൾ ഒന്നിനുപുറമെ ഒന്നായി വാരിക്കൂട്ടിയ വൈഭവ് സൂര്യവംശി തന്നെയായിരുന്നു ഗുജറാത്ത് ടൈറ്റൻസ് - രാജസ്ഥാൻ റോയൽസ് മത്സരത്തിന്റെ വിജയശില്പി.

37 പന്തിൽ നിന്ന് 7 ഫോറുകളും 11 കൂറ്റൻ സിക്സറുകളും അടങ്ങുന്ന മിന്നുന്ന ഇന്നിങ്സിൽ വൈഭവ് സൂര്യവംശി 101 റൺസ് നേടി. ഇതോടെയാണ് ടി20 ക്രിക്കറ്റിലും ഐപിഎല്ലിലും സെഞ്ചുറി നേടുന്ന ഏറ്റവും പ്രായം കുറഞ്ഞ കളിക്കാരനായി അദ്ദേഹം മാറിയത്.

ഗുജറാത്ത് ടൈറ്റൻസിനെതിരെ 35 പന്തിൽ നിന്നാണ് സൂര്യവംശി തന്റെ സെഞ്ച്വറി നേടിയത്. 2013 ലെ ഐപിഎല്ലിൽ പൂനെ വാരിയേഴ്‌സിനെതിരെ ക്രിസ് ഗെയ്‌ലിന്റെ 30 പന്തിൽ നിന്നുള്ള സെഞ്ചുറിക്ക് ശേഷം ഐപിഎല്ലിലെ ഏറ്റവും വേഗതയേറിയ രണ്ടാമത്തെ സെഞ്ചുറി കൂടിയാണിത്.