വെന്റിലേറ്റർ മാറ്റി, ശ്വാസം എടുത്തുതുടങ്ങി! ചില പ്രതികരണങ്ങൾ കിട്ടിത്തുടങ്ങി; രാജേഷിന്റെ ആരോഗ്യനില

Authored by: ഋതു നായർ|Samayam Malayalam•5 Sept 2025, 9:58 am

ഹൃദയാഘാതത്തെ തുടർന്ന് ചികിത്സയിൽ കഴിയുന്ന രാജേഷ് കേശവന്റെ ആരോഗ്യനിലയിൽ പ്രതീക്ഷാപരമായ മാറ്റങ്ങൾ. ലേക്ക് ഷോർ ആശുപത്രിയിൽ ഒരാഴ്ച ആയി ചികിത്സയിലാണ് രാജേഷ്. ആദ്യം വെന്റിലേറ്റർ സഹായത്തോടെയാണ് രാജേഷ് ജീവൻ നിലനിർത്തിയത്. എന്നാൽ ഇപ്പോൾ സ്വയം ശ്വാസം എടുക്കാൻ തുടങ്ങിയിട്ടുണ്ടെന്നാണ് ആശുപത്രി വൃത്തങ്ങൾ നല്കുന്ന സൂചന. സ്വയം ശ്വാസം എടുത്തുതുടങ്ങി വെന്റലിസ്റ്റർ മാറ്റി, നേരിയ പ്രതികരണങ്ങൾ രാജേഷ് നൽകി തുടങ്ങി. ഒടുവിലത്തെ മെഡിക്കൽ റിപ്പോർട്ട് പറയുന്നത്.

47 കാരനായ നടൻ രാജേഷ് കേശവിന്റെ ചികിത്സയിൽ പുരോഗതിയുണ്ട്. 2025 സെപ്റ്റംബർ 4-ന് മെഡിക്കൽ ബോർഡ് നടത്തിയ പരിശോധനയിൽ രാജേഷിന്റെ ബ്ലഡ് പ്രെഷർ സ്റ്റേബിൾ ആണ്. അദ്ദേഹത്തെ വെന്റിലേറ്റർ സഹായത്തിൽ നിന്ന് ഒഴിവാക്കി. അദ്ദേഹം സ്വയം ശ്വസിക്കാൻ തുടങ്ങിയിട്ടുണ്ട്. കഴിഞ്ഞ 48 മണിക്കൂറിനുള്ളിൽ, അദ്ദേഹം ചെറിയതെങ്കിലും തുടർച്ചയായ രീതിയിൽ വേദനയോടെ എങ്കിൽ കൂടിയും ചില പ്രതികരണങ്ങൾ കാട്ടിയിട്ടുണ്ട്.

ക്രിറ്റിക്കൽ കെയർ, കാർഡിയോളജി, ന്യൂറോളജി, ഗാസ്റ്റ്രോഎൻററോളജി, ഒഫ്താൽമോളജി വിഭാഗങ്ങളിലെ വിദഗ്ധ ഡോക്ടർമാർ ചേർന്നുള്ള സംഘം അദ്ദേഹത്തിന്റെ നില നിരീക്ഷിച്ചു കൊണ്ടിരിക്കുന്നു. രോഗിയുടെ ചികിത്സയ്ക്കും പരിപാലനത്തിനും ഏറ്റവും ഉയർന്ന നിലവാരം ഉറപ്പാക്കുകയും, കുടുംബത്തിന് പിന്തുണ നൽകുകയും ചെയ്യുന്നതിന് ആശുപത്രി പ്രതിജ്ഞാബദ്ധമാണ് എന്നും ബുള്ളറ്റിൻ റിപ്പോർട്ട് പറയുന്നു.

updating..