ശരിക്കും നന്ദിയുണ്ട്, മൂന്ന് സംസ്ഥാന പുരസ്‌കാരങ്ങളുമായി നയന്‍; നേരിട്ട് വരാതിരുന്നത് എന്തുകൊണ്ട്?

ഇതിനോടകം ലേഡി സൂപ്പര്‍സ്റ്റാര്‍ എന്ന പദവി ഉറപ്പിച്ചതാണ് നയന്‍താര . വെറും ഗ്ലാമര്‍ നായിക എന്നതിനപ്പുറം, അഭിനയ സാധ്യതകളുള്ള മികച്ച വേഷങ്ങള്‍ ചെയ്തതിന്റെ പേരിലും, നിര്‍മിച്ചു എന്നതിന്റെ പേരിലും ആ വിളിക്ക് തീര്‍ച്ചയായും നയന്‍താര അര്‍ഹിക്കുന്നതുമാണ്. ഇപ്പോഴിതാ ഒറ്റയടിക്ക് മൂന്ന് സംസ്ഥാന പുരസ്‌കാരങ്ങള്‍ ലഭിച്ച സന്തോഷം പങ്കുവച്ച് നയന്‍താര എത്തിയിരിക്കുന്നു.

2016 മുതല്‍ 2022 വരെയുള്ള സംസ്ഥാന പുരസ്‌കാരങ്ങള്‍ തമിഴ്‌നാട് സര്‍ക്കാര്‍ പ്രഖ്യാപിച്ചതുംം, ആറ് വര്‍ഷത്തെ മികച്ച നടിമാരില്‍ അഞ്ച് പേരും മലയാളികളാണ് എന്നതും കേരളക്കര ഏറെ ആഘോഷിച്ച വാര്‍ത്ത കൂടെയാണ്. 2017 ലെ മികച്ച നടിക്കുള്ള പുരസ്‌കാരമാണ് ആരം എന്ന ചിത്രത്തിലൂടെ നയന്‍താരയ്ക്ക് ലഭിച്ചത്. പിന്നെ ഏതാണ് രണ്ട് പുരസ്‌കാരം?

Also Read: ഭര്‍ത്താവ് മരിച്ച സ്ത്രീയാണ്, ഒരുപാട് നെഗറ്റീവ് കേള്‍ക്കുമ്പോള്‍ കുറച്ച് കാര്യങ്ങള്‍ രേണുവിന് ശ്രദ്ധിക്കാം എന്ന് പ്രിയങ്ക

മികച്ച നടി മാത്രമല്ല, മികച്ച നിര്‍മാതാവ് കൂടെയാണ് നയന്‍. റൗഡി പിക്‌ചേഴ്‌സിന്റെ നെട്രിക്കണ്ണ്, കോഴങ്കള്‍ എന്നീ ചിത്രങ്ങള്‍ക്ക് മികച്ച സിനിമയ്ക്കുള്ള പുരസ്‌കാരങ്ങളും ലഭിച്ചിരുന്നു. അങ്ങനെ മൂന്ന് പുരസ്‌കാരങ്ങളുമായി നില്‍ക്കുന്ന ചിത്രങ്ങളാണ് നയന്‍താര പങ്കുവച്ചിരിയ്ക്കുന്നത്.

ആരം എന്ന ചിത്രത്തിലെ അഭിനയത്തിന് സംസ്ഥാന പുരസ്‌കാരം നല്‍കിയ തമിഴ്‌നാട് സര്‍ക്കാറിനോട് എന്റെ ആത്മാര്‍ത്ഥമായ നന്ദി അറിയിക്കുന്നു. ദ റൗഡി പിക്‌ചേഴ്‌സ് എന്ന ഞങ്ങളുടെ പ്രൊഡക്ഷന്‍ ഹൗസിന്റെ നെട്രിക്കണ്ണിനും കോഴങ്കള്‍ക്കും പുരസ്‌കാരം നല്‍കിയതിനും നന്ദി- എന്നാണ് പുരസ്‌കാരങ്ങള്‍ക്കൊപ്പം നില്‍ക്കുന്ന ചിത്രങ്ങള്‍ക്കൊപ്പം നയന്‍താര കുറിച്ചിരിയ്ക്കുന്നത്.

Also Read: വാനിഷ് ആയത് പോലെ റീമ സെന്‍ എങ്ങോട്ടു പോയി? ഗ്ലാമര്‍ നായിക അഭിനയം നിര്‍ത്തിയതിന് കാരണം

അതേ സമയം ഫെബ്രുവരി 13 ന് നടന്ന സംസ്ഥാന പുരസ്‌കാരദാന ചടങ്ങില്‍ നയന്‍താര പങ്കെടുത്തിട്ടില്ല. കീര്‍ത്തി സുരേഷ്, മഞ്ജു വാര്യര്‍, അപര്‍ണ ബാലമുരളി, ലിജോ മോള്‍ അടക്കമുള്ള പുരസ്‌കാര ജേതാക്കള്‍ എല്ലാം സമ്മാനം വാങ്ങാന്‍ എത്തിയപ്പോഴും നയന്‍താരയുടെ അസാന്നിധ്യം ശ്രദ്ധിക്കപ്പെട്ടിരുന്നു. നാല് ദിവസങ്ങള്‍ക്ക് ശേഷം ഇന്നാണ് പുരസ്‌കാരം നല്‍കിയതിനുള്ള സന്തോഷ് അറിയിച്ച് നയന്‍ ഇന്‍സ്റ്റഗ്രാമില്‍ എത്തിയത്.