ശരിക്കുമൊരു ഡിസ്നി രാജകുമാരിയെയാണ് ഞാൻ വിവാഹം ചെയ്തത്; കല്യാണത്തിന് ശേഷമുള്ള ചിത്രങ്ങളുമായി ബെന്നി ബ്ലാങ്കോ

Authored by: അശ്വിനി പി|Samayam Malayalam•29 Sept 2025, 4:18 pm

കഴിഞ്ഞ രണ്ട് ദിവസമായി സോഷ്യൽ മീഡിയയിൽ നിറഞ്ഞു നിൽക്കുന്ന വിശേഷമാണ് ഗായികയും നടിയുമായ സെലീന ഗോമസിന്റെയും മ്യൂസിക് പ്രൊഡ്യൂസർ ബെന്നി ബ്ലാങ്കോയുടെയും വിവാഹം. ഇക്കഴിഞ്ഞ സെപ്റ്റംബർ 27 നായികുന്നു ലളിതവും സുന്ദരവുമായ ആ വിവാഹം. വിവാഹത്തിന്റെ മനോഹരമായ ചിത്രങ്ങൾ എല്ലാം സെലീന ഗോമസ് തന്റെ സോഷ്യൽ മീഡിയയിൽ പങ്കുവച്ചിരുന്നു. ഇന്നലെ, ഞായറാഴ്ച നടന്ന വിവാഹ സത്കാരത്തിന്റെ ചിത്രങ്ങളും പുറത്തുവരുന്നു

ഇപ്പോഴിതാ, വിവാഹത്തിന്റെ ചില ബിഹൈന്റ് ദ സീൻ ചിത്രങ്ങൾ പങ്കുവച്ച് എത്തിയിരിക്കുകയാമ് ബെന്നി ബ്ലാങ്കോ . കല്യാണ ചിത്രങ്ങളെല്ല, മറിച്ച് അധികമാരും ശ്രദ്ധിക്കാത്ത കല്യാണത്തിന് ശേഷമുള്ള ഏതാനും മനോഹര നിമിഷങ്ങളാണ് ബെന്നി ബ്ലാങ്കോ പങ്കുവച്ചിരിയ്ക്കുന്നത്.

Also Read: എന്റെ മക്കളെ ഒരിക്കലും ഞാൻ ഇതിന് വേണ്ടി നിർബന്ധിക്കില്ല; അജിത്തിന്റെ തുറന്നു പറച്ചിൽ, മകളുടെ പുതിയ ഫോട്ടോകൾ വൈറലാവുന്നു

അതിലൊരു ചിത്രത്തിൽ വിവാഹ വേഷത്തിൽ സോഫയിൽ ഇരുന്ന് ഇരുവരും ഫോണിൽ നോക്കുന്നതായി കാണാം, മറ്റൊരു ചിത്രം രണ്ടു പേരുടെയും എൻഗേജ് മോതിരം അണിഞ്ഞ കൈകളാണ്, ഒരുമിച്ച് കിടക്കുന്ന ഒരു ഫോട്ടോയും പങ്കുവച്ചിട്ടുണ്ട്. ശരിക്കും ഞാനൊരു ഡിസ്നി രാജകുമാരിയെയാണ് വിവാഹം ചെയ്തത് എന്ന ക്യാപ്ഷനോടെയാണ് ബെന്നി ബ്ലാങ്കോ ചിത്രങ്ങൾ പങ്കുവച്ചിരിയ്ക്കുന്നത്.

Also Read: അവർ എന്നെ ഒഴിവാക്കിയതല്ലേ ഇനി അവർ തന്നെ വിളിക്കട്ടെ അപ്പൊ പോകാം; ടോപ് സിംഗറിൽ നിന്നും ഞാൻ ഒഴിവായതല്ലെന്നും എംജി

ആശംസകളും സ്നേഹവും അറിയിച്ച് നിരവധി കമന്റുകളാണ് ചിത്രത്തിന് താഴെ വരുന്നത്. അതെ നിങ്ങൾ രണ്ടു പേരും ശരിക്കും രാജകുമാരനും രാജകുമാരിയുമാണ് എന്ന് ആരാധകർ പറയുന്നു. വെളുത്ത ഗൗണിൽ അതീവ സുന്ദരിയായിരുന്നു വിവാഹ വേഷത്തിൽ സെലീന ഗോമസ്. സിംപിളി ബ്യൂട്ടിഫുളായിരുന്നു ഇരുവരുടെയും വിവാഹ ചിത്രങ്ങൾ


കഴിഞ്ഞ വർഷം ഡിസംബറിലാണ് ഇരുവരുടെയും വിവാഹ നിശ്ചയം കഴിഞ്ഞത്. എന്നാൽ തിരക്കുകൾ കാരണം വിവാഹം മാസങ്ങൾ നീണ്ടു പോയി. അവസാനം സെപ്റ്റംബറിൽ രണ്ടു പേരും വിവാഹത്തിന് വേണ്ടി തയ്യാറാവുകയും, സ്വപ്ന തുല്യമായ ആ നിമിഷത്തിന് വേണ്ടി ഒരുങ്ങുകയുമായിരുന്നു.