ശരിയായ സൂപ്പർമാനെ കണ്ടെത്താൻ കഴിഞ്ഞില്ലെങ്കിലോ എന്ന് ഞാൻ ഭയന്നു, എങ്ങനെ ഡേവിഡ് കോറൻസ്വെറ്റിനെ കണ്ടെത്തി എന്ന് ജെയിംസ് ​ഗൺ

Authored by: അശ്വിനി പി|Samayam Malayalam•7 Jul 2025, 7:15 pm

ഡിസി കോമിക്സിലെ പേരിട്ട കഥാപാത്രത്തെ അടിസ്ഥാനമാക്കി ജെയിംസ് ഗൺ രചനയും സംവിധാനവും നിർവഹിക്കുന്ന അമേരിക്കൻ സൂപ്പർ ഹീറോ ചിത്രമാണ് സൂപ്പർമാൻ . ഡിസി സ്റ്റുഡിയോസ് നിർമ്മിക്കുന്ന ഡിസി യൂണിവേഴ്‌സിലെ ആദ്യ ചിത്രവും സൂപ്പർമാൻ ഫിലിം സീരീസിൻ്റെ രണ്ടാമത്തെ റീബൂട്ടും ആയ സിനിമയില്‌‍ സൂപ്പർമാനായി എത്തുന്നത് ഡേവിഡ് കോറൻസ്വെറ്റ് ആണ്. എന്തുകൊണ്ട് ഡേവിഡ് കോറൻസ്വെറ്റ് തന്നെ തന്റെ സൂപ്പർമാനായി എന്ന് വെളിപ്പെടുത്തിയിരിക്കുകയാണ് ഇപ്പോൾ സംവിധായകൻ

മുപ്പതോളം ആളുകൾ ഓഡിൽഷന് പങ്കെടുത്തതിൽ നിന്നാണ് ഡേവിഡ് കോറൻസ്വെറ്റിനെ സൂപ്പർഹീറോ ആയി തിരഞ്ഞെടുക്കപ്പെട്ടത്രെ. കോറൻസ്വെറ്റ് യഥാർത്ഥ ജീവിതത്തിലും തന്റെ ഓൺ-സ്ക്രീൻ കഥാപാത്രത്തെപ്പോലെ നേർബുദ്ധിയുള്ളയാളാണെന്നും അതുകൊണ്ട് സെലക്ട് ചെയ്യുന്ന പ്രക്രിയ വളരെ എളുപ്പമായിരുന്നു എന്നും ഡിസി സ്റ്റുഡിയോസ് മേധാവി പറയുന്നു. ലൂയിസ് ലെയ്ൻ എന്ന നായിക കഥാപാത്രത്തെ അവതരിപ്പിക്കുന്നത് റേച്ചൽ ബ്രോസ്നാഹനാണ്.

Also Read: ഉയരങ്ങൾ കീഴടക്കി V, സെലീന ഗോമസിനെയും ബില്ലി ഐലിഷിനെയും പിന്നിലാക്കി ഇൻസ്റ്റഗ്രാമിൽ ഒന്നാം സ്ഥാനത്ത് ബിടിഎസ് താരം!

ഈ സൂപ്പർമാൻ ചിത്രം കാണുന്ന ആർക്കും ഡേവിഡ് കോറൻസ്വെറ്റ് എന്തുകൊണ്ട് സൂപ്പർമാൻ ആണ് എന്ന് മനസ്സിലാക്കാൻ പെട്ടന്ന് സാധിക്കും എന്നാണ് ജെയിംസ് ഗൺ പറയുന്നത്. എന്റെ സുഹൃത്ത് ടി വെസ്റ്റിന്റെ 'പേൾ' എന്ന ചിത്രത്തിലാണ് ഞാൻ ഡേവിഡിനെ ആദ്യമായി കണ്ടത്, അപ്പോൾ എനിക്ക് തോന്നി അയാൾ സൂപ്പർമാനായി ഓഡിഷൻ ചെയ്യണമെന്ന്. സാധാരണയായി ആളുകളെ ഓഡിഷൻ ചെയ്യുന്നത് കാസ്റ്റിംഗ് ഡയറക്ടർ ജോൺ പാപ്സിഡെറയ്ക്ക് അയച്ചുകൊടുക്കുന്ന സെൽഫ് ടേപ്പുകൾ വെച്ചാണ്. എനിക്ക് ആദ്യ റൗണ്ട് സെൽഫ് ടേപ്പുകൾ ലഭിച്ചപ്പോൾ, അതിൽ തന്നെ ലൂയിസ് ലെയ്നെയും സൂപ്പർ മാനെയും കണ്ടെത്താൻ സാദിച്ചു

മുപ്പത് പേരുടെ സെൽഫ് ടേപ്പുകളാണ് എനിക്ക് കാസ്റ്റിങ് ഡയരക്ടർ ആദ്യ റൗണ്ടിൽ അയച്ചിരുന്നത്. 30 സൂപ്പർമാൻമാരും 30 ലോയിസുകളും അതിലുണ്ടായിരുന്നു, ആദ്യത്തെ ദിവസം തന്നെ ലോയിസ് ആയി റേച്ചൽ ബ്രോസ്നാഹനെയും സൂപ്പർമാനായി ഡേവിഡ് കോറൻസ്വെറ്റിനെയും ഞാൻ തിരഞ്ഞെടുത്തു.

ലോയിസിനെ കണ്ടെത്താൻ എളുപ്പമായിരിക്കുമെന്ന് എനിക്കറിയാമായിരുന്നു, കാരണം ലോയിസിന് ശാരീരികമായ നിയന്ത്രണങ്ങൾ കുറവാണ്, അത്തംര ആകാരങ്ങളൊന്നും നോക്കേണ്ടതില്ല. എന്നാൽ സൂപ്പർമാൻ വളരെ പ്രത്യേകതയുള്ളതാണ്. ശരിയായ സൂപ്പർമാനെ കണ്ടെത്താൻ കഴിഞ്ഞില്ലെങ്കിലോ എന്ന് ഞാൻ ഭയന്നിരുന്നു. ഭാഗ്യവശാൽ, ആദ്യ ദിവസം തന്നെ ഡേവിഡിന്റെ സെൽഫ് ടേപ്പ് ഞാൻ കണ്ടു, അത് അതിശയകരമായിരുന്നു.


ആദ്യ രംഗത്തിൽ കോറൻസ്വെറ്റിന്റെ ശബ്ദം സൂപ്പർമാനോട് സാമ്യമുള്ളതാണെന്ന്. സൂപ്പർമാൻ ലോകത്തിലെ തന്റെ സ്ഥാനത്തെക്കുറിച്ച് ലോയിസുമായി തർക്കിക്കുന്ന ഒരു രംഗമുണ്ട്, അത് കോറന്ഡസ്വെറ്റ് വളരെ നന്നായി ചെയ്തു. സിനിമയിൽ ആ രംഗം കാണുമ്പോൾ അദ്ദേഹം എത്ര നല്ല നടനാണ് എന്ന് നിങ്ങൾ തിരിച്ചറിയും. സൂപ്പർമാനെപ്പോലെ ഡേവിഡ് കോറൻസ്വെറ്റ് യഥാർത്ഥ ജീവിതത്തിലും ഒരു നേർബുദ്ധിയുള്ളവനാണ്, അദ്ദേഹം പഴയ ജാസ് സ്റ്റാൻഡേർഡ് സംഗീതവും സ്വിംഗ് സംഗീതവുമാണ് കേൾക്കുന്നത്.