ശ്രീനിവാസന്റെ ആത്മാവ് ഇത് കണ്ട് സന്തോഷിക്കും; ഈ ചിത്രത്തിലേക്കൊന്ന് ശ്രദ്ധിച്ചു നോക്കൂ ; സ്നേഹവും മനുഷ്യബന്ധങ്ങളുടെ മൂല്യവും എല്ലാമുണ്ട്

ശ്രീനിവാസൻ - വിമല ദമ്ബതിമാരെക്കുറിച്ച് പ്രത്യേകമായൊരു ഇൻട്രോ മലയാളികളെ സംബന്ധിച്ച് ആവശ്യമില്ല. എന്നും പ്രേക്ഷകരുടെ ഹൃദയത്തിൽ നിറഞ്ഞുനിൽക്കുന്ന ഒരുപിടി കഥാപാത്രങ്ങളെ സമ്മാനിച്ച ശേഷം ആണ് ശ്രീനിയുടെ വിടവാങ്ങൽ. അപ്രതീക്ഷിതമായ അദ്ദേഹത്തിന്റെ മരണം ഇപ്പോളും പ്രിയപെട്ടവർക്ക് ഉൾക്കൊള്ളാൻ സാധിച്ചിട്ടില്ല. മരണശേഷം ആദ്യമായി വിനീത് ശ്രീനിവാസൻ അമ്മയുടെ കൈപിടിച്ചുവരുന്ന വിശേഷങ്ങൾ ആണ് സോഷ്യൽ മീഡിയയിൽ. ഏറെനാളുകൾക്ക് ശേഷം പൊതുവേദിയിൽ എത്തിയതാണ് വിമല. അമ്മയെ സ്നേഹത്തോടെ ചേർത്തുനിർത്തുമ്പോൾ ഒരായിരം അർത്ഥങ്ങൾ ഉണ്ട് ഈ നിമിഷത്തിന് എന്നും ആരാധകർ പറയുന്നു, ശ്രീനിവാസൻ സന്തോഷത്തിലാണ് ; അമ്മയെ കൈപിടിച്ച് കൊണ്ട് നടക്കാൻ രണ്ടാണ്മക്കളുണ്ടല്ലോ, അതും ഇനിയുള്ള കാലമത്രയും തികഞ്ഞ ആത്മാർത്ഥതയോടെ. ഇന്ന് വിനീത് അമ്മയെ ഇങ്ങനെ കൈപിടിച്ചു കൊണ്ട് നടക്കുന്നത് കണ്ടപ്പോൾ ഞാൻ ചുമ്മാ സങ്കൽപ്പിച്ചു നോക്കി, ഏതെങ്കിലും ഒരു ലോകത്തിരുന്ന് ഇത് കണ്ട് സന്തോഷിക്കുന്ന ശ്രീനിയേട്ടനെ പറ്റി.

ALSO READ: എനിക്ക് ആ കുട്ടിയെ ഇഷ്ടമായിരുന്നു പക്ഷേ അവൾ ലെസ്ബിയനായിരുന്നു; ഭയങ്കര സൗന്ദര്യമായിരുന്നു അവൾക്ക്; വീണ്ടും വൈറലായി വീഡിയോ

അമ്മയോട് ശുദ്ധ സ്നേഹമുള്ള രണ്ട് മക്കളാണ് ഒപ്പമുള്ളത് ഇനിയുള്ള തലമുറക്ക് കൂടി മാതൃകയാക്കാവുന്ന പലതും ആ മക്കളിൽ നിന്നു കൂടി കണ്ട് പഠിക്കാനുണ്ട് എന്നാണെനിക്ക് തോന്നുന്നത്. കാരണം സ്നേഹം പ്രവർത്തികളിലൂടെയാണ് ആ മക്കൾ പ്രകടമാക്കുന്നത്. കുടുംബ ബന്ധങ്ങൾ, പരസ്പര കരുതൽ, ആത്മാർത്ഥത എന്നിവ വരാനിരിക്കുന്ന തലമുറയിൽ സ്ഥിരമായി പകർന്നു നൽകാൻ ഇതൊക്കെ ധാരാളമാണ്.

അല്ലെങ്കിലും ഈ ചിത്രത്തിലേക്കൊന്ന് ശ്രദ്ധിച്ചു നോക്കൂ ; സ്നേഹവും മനുഷ്യബന്ധങ്ങളുടെ മൂല്യവും എല്ലാം അതിലുണ്ട്. അതെല്ലാം കണ്ട് നമുക്ക് തന്നെ സന്തോഷവും അനുഭവപ്പെടുന്നുണ്ട്. അപ്പോൾ പിന്നെ, ലോകത്തിന്റെ ഏതെങ്കിലും ഒരു കോണിൽ ഏതെങ്കിലും ഒരു അവസ്ഥയിൽ നിന്നു കൊണ്ട് ശ്രീനിവാസൻ ഇത് കാണുന്നതൊന്ന് സങ്കൽപ്പിച്ചു നോക്കിയേ ;അതേ ശ്രീനിവാസൻ സന്തോഷിക്കും; സോഷ്യൽ മീഡിയ എഴുത്തുകാരി അനു ചന്ദ്ര എഴുതി.