സംഗീതയ്ക്കും മക്കള്‍ക്കും 250 കോടി നല്‍കാന്‍ വിജയ് തയ്യാര്‍; അച്ഛന് എതിരെ കേസ് കൊടുത്തത് എന്തിന്?

ഇലക്ഷന്‍ കാലം അടുക്കുന്തോറും വിജയ് - സംഗീത വിവാഹ മോചന വാര്‍ത്തകള്‍ കൂടുതല്‍ ശക്തി പ്രാപിക്കുകയാണ്. വിജയ് യെ തകര്‍ക്കാന്‍ എതിര്‍ പാര്‍ട്ടിക്കാര്‍ക്ക് സംഗീതയുടെ വിവാഹ മോചനം ഒരു കാരണമായി എന്നാണ് പിന്തുണയ്ക്കുന്നവരുടെ വാദം. എന്നാല്‍ വിവാഹ മോചന കേസ് നല്‍കിയതിന് ശേഷം സംഗീത വിഷയത്തില്‍ പ്രതികരണം ഒന്നും നടത്തിയിട്ടില്ല. വിജയ് രാഷ്ട്രീയപരമായി കഴിഞ്ഞ ദിവസം സംസാരിച്ചുവെങ്കിലും വിവാഹ മോചനത്തെ കുറിച്ച് വാ തുറന്നില്ല.

എന്നാല്‍ ഏറ്റവുമൊടുവില്‍ പുറത്തുവരുന്ന റിപ്പോര്‍ട്ടുകള്‍ പ്രകാരം, സംഗീതയ്ക്കും മക്കള്‍ക്കും ജീവനാംശമായി 250 കോടി രൂപ നല്‍കാന്‍ വിജയ് തയ്യാറാണത്രെ. കോടതിക്ക് പുറത്ത് കേസ് ഒതുക്കാനാണ് ഇപ്പോള്‍ വിജയ് ശ്രമിക്കുന്നത്. അല്ലാത്ത പക്ഷം അത് ഇലക്ഷനെ ബാധിച്ചേക്കാം. കോടതിക്ക് പുറത്ത് കേസ് ഒതുക്കാനും, ഇത്തരം വിഷയങ്ങള്‍ മാധ്യമങ്ങള്‍ക്ക് മുന്നില്‍ ചര്‍ച്ചയാവാതിരിക്കാനും സംഗീത ശ്രമിച്ചിരുന്നതായി പെറ്റീഷനില്‍ പറയുന്നുണ്ട്. പക്ഷേ അതിന് വിജയ് സമ്മതിക്കാതെയായതോടെയാണ് കോടതിയെ സമീപിച്ചത്. ഇപ്പോള്‍ ഇലക്ഷന്‍ സമയവും ഇമേജിന് ഏറ്റ ഡാമേജും കാരണം വിജയ് കേസ് ഒതുക്കാന്‍ സമ്മതിക്കുകയായിരുന്നുവത്രെ.

Also Read: കുട്ടികള്‍, വീട്, താമസം, സിനിമ; കല്യാണത്തിന് ശേഷം എന്താണ് വിജയ് ദേവരകൊണ്ടയുടെയും രശ്മികയുടെയും പ്ലാന്‍?

നിലവില്‍ വിജയ്ക്ക് ആരാധകരും തന്നെ പിന്തുണയ്ക്കുന്ന രാഷ്ട്രീക്കാരും മാത്രമാണ് ഉള്ളത്. ഏറ്റവും ഒടുവിലത്തെ സിനിമയായ ജനനായകന്‍ റിലീസ് കാത്ത് പെട്ടിക്കകത്ത് തന്നെയാണ്. ചെന്നൈയിലെ ബംഗ്ലാവ് പോലുള്ള വീട്ടില്‍ വിജയ് തനിച്ചാണ്, മക്കള്‍ അമ്മയ്‌ക്കൊപ്പം ലണ്ടനില്‍. അച്ഛനും അമ്മയും മറ്റൊരു വീട്ടിലാണ്. വിജയ് മകനെ വീട്ടില്‍ നിന്ന് ഇറക്കിവിട്ടതാണ് എന്നും, അച്ഛനുമായി ജേസണ്‍ സഞ്ജയ്ക്ക് വലിയ ബന്ധമില്ല എന്നുമുള്ള റിപ്പോര്‍ട്ടുകള്‍ വരുന്നുണ്ട്. താന്‍ സംവിധാനം ചെയ്യുന്ന സിനിമയുമായി തിരക്കിലാണ് 25 കാരനായ സഞ്ജയ്.

വിജയ് യും അച്ഛന്‍ ചന്ദ്രശേഖറും തമ്മിലുള്ള പ്രശ്‌നം നേരത്തെ പരസ്യമായതാണ്. തന്റെ ആരാധകരെ അച്ഛന്‍ രാഷ്ട്രീയമായി ഉപയോഗിക്കുന്നു എന്ന് പറഞ്ഞ് 2021 ല്‍ വിജയ് കേസ് നല്‍കുകയും ചെയ്തിരുന്നു. അന്ന് അച്ഛനെതിരെ വിജയ് കേസ് നല്‍കിയത് വലിയ വാര്‍ത്തയായി. അതിന് ശേഷം അമ്മയുമായി മാത്രമേ വിജയ്ക്ക് ബന്ധമുണ്ടായിരുന്നുള്ളൂ. എന്നാല്‍ വിജയ് രാഷ്ട്രീയത്തിലേക്ക് ഇറങ്ങാന്‍ തീരുമാനിച്ചതിന് ശേഷം അച്ഛനുമായുള്ള പ്രശ്‌നങ്ങള്‍ അവസാനിപ്പിച്ചു. ഏറ്റവും അവസാനത്തെ സിനിമയുടെ ഓഡിയോ ലോഞ്ചില്‍ അമ്മയ്‌ക്കൊപ്പം അച്ഛന്‍ എസ്എ ചന്ദ്രശേഖറും പങ്കെടുത്തിരുന്നു