സഞ്ജു തിരിച്ചെത്തുമോ? സൂര്യവംശിയുടെ ബാറ്റിൻ്റെ ചൂടറിയുമോ ദൈവത്തിന്റെ പോരാളികൾ, മുംബൈയും രാജസ്ഥാനും നേർക്കുനേർ

Edited byഅനുഷ ഗംഗാധരൻ | Samayam Malayalam | Updated: 30 Apr 2025, 4:04 pm

ജയ്പ്പൂർ: ആരാധകരെ അക്ഷരാർത്ഥത്തിൽ ഞെട്ടിച്ച രണ്ട് ടീമുകളാണ് മുംബൈ ഇന്ത്യൻസും രാജസ്ഥാൻ റോയൽസും. ഈ സീസണിലും പോയിന്റ് പട്ടികയിൽ താഴെത്തട്ടിൽ തുടരേണ്ടി വരും എന്ന് ഏവരും വിധിയെഴുതിയ ടീം ആണ് മുംബൈ ഇന്ത്യൻസ്. എന്നാൽ മുംബൈയുടെ മുൻ നായകൻ രോഹിത് ശർമയുടെ കിടിലൻ ഇന്നിങ് നൽകിയുള്ള തിരിച്ചുവരവ് ടീമിന് പുതുജീവൻ നൽകി.
ആദ്യ നാലിൽ ഇടംപിടിക്കാൻ പഞ്ചാബ്, ഹോം ഗ്രൗണ്ടിൽ ജയം സ്വന്തമാക്കാൻ ചെന്നൈ; ടീമുകൾ നേരിടുന്ന വെല്ലുവിളികൾ എന്തൊക്കെ?പലപ്പോഴം ജയം ഉറപ്പിച്ച മത്സരം തോൽവിക്ക് വഴങ്ങേണ്ടി വന്ന രാജസ്ഥാൻ റോയൽസും ഗംഭീര തിരിച്ചുവരവ് നടത്തിയിരിക്കുകയാണ്. പതിനാല്അകാരന്റെ ബാറ്റിങ് വിസ്ഫോടനത്തിലൂടെയാണ് രാജസ്ഥാൻ വിജയ വഴിയിലേക്ക് തിരിച്ചെത്തിയത്. എന്നാൽ പ്ലേ ഓഫിൽ കടക്കണം എങ്കിൽ ഇനിയുള്ള മത്സരങ്ങളിൽ ഒന്ന് പോലും തോൽക്കാൻ പാടില്ല. അങ്ങനെയെങ്കിൽ മാത്രമേ പ്ലേ ഓഫ് സാധ്യത നിലനിൽക്കുകയുള്ളു.
ഐപിഎൽ പതിനെട്ടാം പതിപ്പിൽ ഇനി ഏറ്റുമുട്ടുന്നത് ഈ ടീമുകൾ തമ്മിലാണ്. രാജസ്ഥാൻ റോയൽസ് - മുംബൈ ഇന്ത്യൻസ് നടക്കുന്നത് രാജസ്ഥാന്റെ ഹോം ഗ്രൗണ്ടിൽ വെച്ചാണ്. ഈ മത്സരത്തിൽ ഇരു ടീമുകളും നേരിടുന്ന പ്രധാന വെല്ലുവിളിയും ടീമുകളുടെ പ്ലേയിങ് ഇലവൻ സാധ്യതയും പരിശോധിക്കാം

രാജസ്ഥാൻ റോയൽസ് നേരിടുന്ന പ്രധാന വെല്ലുവിളി

ഏറ്റവും മികച്ച ബൗളർമാർ ഉള്ള ടീം ആണ് മുംബൈ ഇന്ത്യൻസ്. മുംബൈയുടെ ഈ കുന്തമുനയെ തന്നെയാണ് രാജസ്ഥാൻ റോയൽസ് ഭയക്കേണ്ടതും. കഴിഞ്ഞ മത്സരത്തിൽ ജയിക്കാൻ സാധിച്ചത് വൈഭവ് സൂര്യവംശിക്കും യശസ്വി ജയ്‌സ്വാളിനും ലോങ്ങ് റൺ ലഭിച്ചതുകൊണ്ട് മാത്രമാണ് എന്ന് പറയുന്നതിലും തെറ്റിൽ. ഈ രണ്ട് വിക്കറ്റുകൾ നേരത്തെ വീണുകഴിഞ്ഞാൽ മുംബൈയ്ക്ക് കാര്യങ്ങൾ കൂടുതൽ എളുപ്പമാകും. സഞ്ജു സാംസൺ പരിക്കിൽ നിന്ന് മുക്തനായിട്ടില്ല എന്ന റിപ്പോർട്ട് ആണ് ഏറ്റവും ഒടുവിലായി ലഭിക്കുന്നത്. അതുകൊണ്ടു ഈ മത്സരവും താരത്തിന് നഷ്ടമാകാനാണ് സാധ്യത കൂടുതൽ.

മുംബൈ ഇന്ത്യൻസ് നേരിടുന്ന പ്രധാന വെല്ലുവിളി

ക്രിക്കറ്റ് ലോകത്തെ ഞെട്ടിച്ച വൈഭവ് സൂര്യവംശിയെ തുടക്കത്തിലേ തളയ്ക്കാൻ ആയിരിക്കും മുംബൈ ഇന്ത്യൻസ് ശ്രമിക്കുന്നത്. എന്നാൽ വിക്കറ്റ് വീഴ്ത്താൻ സാധിച്ചില്ല എങ്കിൽ അത് മുംബൈയ്ക്ക് പ്രതിസന്ധി സൃഷ്ടിക്കും. പവർപ്ലേയിൽ തന്നെ വിക്കറ്റ് വീഴ്‌ത്തുന്ന ജോഫ്രെ ആർച്ചറിനെയും മുംബൈ ഭയക്കേണ്ടതുണ്ട്. പരിക്കിൽ നിന്ന് മുക്തനായി സഞ്ജു സാംസൺ ടീമിൽ എത്തിയാലും മുംബൈ ഭയക്കേണ്ടതുണ്ട്.
അതുകൊണ്ട് ടോസ് നേടിയാൽ ആദ്യം രാജസ്ഥാനെ ബാറ്റിങ്ങിന് അയച്ച് വിക്കറ്റ് വേട്ടയുടെ കളി സ്വന്തമാക്കാനാകും മുംബൈ ശ്രമിക്കുക.

രാജസ്ഥാൻ റോയൽസ് സാധ്യത പ്ലേയിങ് 11
ധ്രുവ് ജുറൽ (wk), ഷിംറോൺ ഹെറ്റ്മെയർ, യശസ്വി ജയ്‌സ്വാൾ, വൈഭവ് സൂര്യവൻഷി, ആർ പരാഗ് (c), നിതീഷ് റാണ, ഡബ്ല്യു ഹസരംഗ, സന്ദീപ് ശർമ, യുധ്വിർ സിംഗ്, എം തീക്ഷണ, ജോഫ്ര ആർച്ചർ

മുംബൈ ഇന്ത്യൻസ് സാധ്യത പ്ലേയിങ് 11ആർ ഡി റിക്കൽടൺ (wk), രോഹിത് ശർമ്മ, സൂര്യകുമാർ യാദവ്, തിലക് വർമ്മ, വിൽ ജാക്ക്‌സ്, നമാൻ ധിർ, ഹർദിക് പാണ്ഡ്യ (c), ജസ്പ്രീത് ബുംറ, ട്രെൻ്റ് ബോൾട്ട്, ദീപക് ചാഹർ, കോർബിൻ ബോസ്ച്