8 months ago
12
Authored byനിഷാദ് അമീന് | Samayam Malayalam | Updated: 4 May 2025, 4:41 pm
IPL 2025 KKR vs RR: കൊല്ക്കത്ത നൈറ്റ് റൈഡേഴ്സിനെതിരേ (Kolkata Knight Riders) രാജസ്ഥാന് റോയല്സിന്റെ (Rajasthan Royals) പ്ലെയിങ് ഇലവനില് മൂന്ന് മാറ്റങ്ങള്. പരിക്ക് കാരണം തുടര്ച്ചയായ അഞ്ചാം മല്സരത്തിലും സഞ്ജു സാംസണ് (Sanju Samson) ടീമില് നിന്ന് പുറത്ത്.
സഞ്ജു സാംസണ് (ഫോട്ടോസ്- Samayam Malayalam) സഞ്ജുവിന് പകരം 14കാരന് വൈഭവ് സൂര്യവംശി ഒരിക്കല്ക്കൂടി ഓപണറാവും. റിയാന് പരാഗ് നയിക്കുന്ന ടീമില് വിക്കറ്റ് കാക്കാന് ധ്രുവ് ജുറെലിനാണ് നിയോഗം. റോയല്സിന്റെ പ്ലെയിങ് ഇലവനില് മൂന്ന് മാറ്റങ്ങള് വരുത്തി. നിതീഷ് റാണയെ പ്ലെയിങ് ഇലവനില് നിന്ന് ഒഴിവാക്കി. കുനാല് സിങ് റാത്തോഡ് അവര്ക്കായി അരങ്ങേറ്റം കുറിക്കുന്നു. വാണിന്ദു ഹസരംഗയും യുധ്വീര് സിങും ടീമില് തിരിച്ചെത്തി.
സഞ്ജു പുറത്ത് തന്നെ, നിരാശയില് ആരാധകര്; കെകെആറിന് എതിരെ ടീമില് നിര്ണായക മാറ്റങ്ങളുമായി റോയല്സ്
ടോസ് നേടിയ കെകെആര് ആദ്യം ബാറ്റിങിനിറങ്ങി. സുപ്രധാന മാച്ചില് രമണ്ദീപ് സിങിനെ തിരികെ കൊണ്ടുവന്നു. ഈ മാച്ചില് വിജയിച്ച് സെമിഫൈനല് സ്ഥാനം ഉറപ്പിക്കുകയാണ് കെകെആറിന്റെ ലക്ഷ്യം. രമണ്ദീപ് സിങിന് പുറമേ ടീമില് ഒരു മാറ്റം കൂടിയുണ്ട്. മുഈന് അലിയെയാണ് പ്ലെയിങ് ഇലവനില് ഉള്പ്പെടുത്തിയത്.
സഞ്ജു സാംസണിന്റെ പിതാവിനെതിരെ കെസിഎ നിയമനടപടിക്ക്; രണ്ട് മാധ്യമ പ്രവര്ത്തകര്ക്കെതിരേയും കേസ് നല്കുംസെമിഫൈനല് പ്രതീക്ഷകള് നിലനിര്ത്താന് കെകെആറിന് ഇത് ജയിക്കേണ്ട മത്സരമാണ്. പോയിന്റ് പട്ടികയില് ഏഴാം സ്ഥാനത്തായതിനാല് ഒരു തോല്വി ഗ്രൂപ്പ് ഘട്ടത്തില് തന്നെ പുറത്തേക്കുള്ള വഴിയൊരുക്കും.
കൊല്ക്കത്ത ഈഡന് ഗാര്ഡനില് കെകെആറിന് ഹോം ഗ്രൗണ്ട് ആനുകൂല്യമുണ്ട്.
കളിയുടെ രണ്ടാം പകുതിയില് നഗരത്തില് മഴപെയ്യാനുള്ള സാധ്യത നിലനില്ക്കുന്നു.
സഞ്ജു ഏകദിന ടീമില് തിരിച്ചെത്തിയേക്കും, ഇത് സുവര്ണാവസരം; 2027 ലോകകപ്പ് വരെ തുടരാന് സന്നദ്ധരായി രോഹിതും കോഹ്ലിയുംപ്ലെയിങ് ഇലവന്:
കൊല്ക്കത്ത നൈറ്റ് റൈഡേഴ്സ്: റഹ്മാനുല്ല ഗുര്ബാസ്, സുനില് നരെയ്ന്, അജിങ്ക്യ രഹാനെ, അംഗ്കൃഷ് രഘുവംശി, മുഈന് അലി, വെങ്കിടേഷ് അയ്യര്, റിങ്കു സിങ്, ആന്ദ്രെ റസല്, രമണ്ദീപ് സിങ്, വരുണ് ചക്രവര്ത്തി, വൈഭവ് അറോറ.
രാജസ്ഥാന് റോയല്സ്: യശസ്വി ജയ്സ്വാള്, വൈഭവ് സൂര്യവംശി, റിയാന് പരാഗ്, കുനാല് സിംഗ് റാത്തോഡ്, ധ്രുവ് ജുറെല്, ഷിമ്രോണ് ഹെറ്റ്മെയര്, വനിന്ദു ഹസരംഗ, ജോഫ്ര ആര്ച്ചര്, മഹീഷ് തീക്ഷണ, യുധ്വിര് സിങ് ചരക്, ആകാശ് മധ്വാള്.
രാജസ്ഥാന് റോയല്സ് ഇംപാക്ട് പ്ലെയേഴ്സ്: ശുഭം ദുബെ, തുഷാര് ദേശ്പാണ്ഡെ, കുമാര് കാര്ത്തികേയ, അശോക് ശര്മ്മ, ക്വേന മഫാക.
കൊല്ക്കത്ത നൈറ്റ് റൈഡേഴ്സ് ഇംപാക്ട് പ്ലെയേഴ്സ്: മനീഷ് പാണ്ഡെ, ഹര്ഷിത് റാണ, അനുകുല് റോയ്, റോവ്മാന് പവല്, ലുവ്നിത് സിസോദിയ.
രചയിതാവിനെക്കുറിച്ച്നിഷാദ് അമീന്16 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില് കണ്ടന്റ് പ്രൊഡ്യൂസറാണ്.... കൂടുതൽ വായിക്കുക
English (US) ·