5 months ago
5
Authored by: നിഷാദ് അമീന്|Samayam Malayalam•13 Aug 2025, 8:53 pm
Sanju Samson: ചെന്നൈ സൂപ്പര് കിങ്സിലേക്ക് ചേക്കാറാനുള്ള സഞ്ജു സാംസണിന്റ മോഹം അന്തമായി നീളുന്നു. സഞ്ജു സാംസണിനെ വിട്ടുനല്കുകയാണെമെങ്കില് സിഎസ്കെയിലെ മൂന്ന് പ്രധാന താരങ്ങളില് ഒരാളെ വേണമെന്നാണ് രാജസ്ഥാന് റോയല്സിന്റെ (Rajasthan Royals) ആഗ്രഹം. ഇവരില് ആര്ക്കും റിലീസ് നല്കാന് സിഎസ്കെ സന്നദ്ധമായിട്ടില്ലെന്നാണ് റിപോര്ട്ട്.
സിഎസ്കെയിലേക്കുള്ള സഞ്ജു സാംസണിന്റെ കൂടുമാറ്റം വൈകുമെന്ന് റിപോര്ട്ട് (ഫോട്ടോസ്- Agencies) സിഎസ്കെയില് നിന്ന് ആര്ആര് സഞ്ജുവിന് പകരം ആഗ്രഹിക്കുന്ന താരങ്ങളുടെ പേരുകളും പുറത്തുവന്നിട്ടുണ്ട്. റിലീസ് ലഭിക്കാനുള്ള സഞ്ജുവിന്റെ താല്പര്യത്തിന് അനുകൂലമായി കാര്യങ്ങള് പുരോഗമിച്ചിട്ടില്ലെന്നാണ് വിവരം.
ഗിൽ മടങ്ങി വരുമ്പോൾ സഞ്ജുവിൻ്റെ കളി മാറും; ഇനി കാണാൻ കഴിയുക പുതിയ റോളിൽ
പ്ലെയര് ട്രേഡ് വഴിയോ താരലേലത്തിലൂടെയോ പുതിയ തട്ടകത്തിലേക്ക് പോകാനുള്ള അവസരം നല്കണമെന്ന് സഞ്ജു ആര്ആര് മാനേജ്മെന്റിനെ ഔദ്യോഗികമായി അറിയിച്ചതായി നേരത്തെ നിരവധി റിപോര്ട്ടുകള് വന്നിരുന്നു.
സിഎസ്കെയ്ക്ക് കൂടി സ്വീകാര്യമായ ട്രേഡ് കരാറിലേക്ക് ആര്ആര് എത്തുമോയെന്ന് കണ്ടറിയണം. വൈകിയാലും ഏതെങ്കിലും ഒരു ഫ്രാഞ്ചൈസിയിലേക്ക് സഞ്ജുവിനെ അയക്കാന് ആര്ആര് തയ്യാറായേക്കും. സഞ്ജുവിനെ ട്രേഡ് ചെയ്യുന്നതിന് ഒന്നിലധികം ഫ്രാഞ്ചൈസികള്ക്ക് കത്തെഴുതിയെങ്കിലും ആര്ആര് അവരുടെ ആവശ്യങ്ങളില് ഉറച്ചുനില്ക്കുകയാണ്. ഇത് സഞ്ജുവിന്റെ പ്രതീക്ഷകള്ക്ക് വലിയ തിരിച്ചടിയായി.
2025 വനിതാ ലോകകപ്പിന് വേദിയാവാന് തിരുവനന്തപുരം; ഗ്രീന്ഫീല്ഡ് സ്റ്റേഡിയത്തിലെ കെസിഎല് മല്സരങ്ങള് മാറ്റിയേക്കുംസഞ്ജുവിനെ വാങ്ങാന് ഏറ്റവും കൂടുതല് താല്പ്പര്യം കാണിച്ച ടീമാണ് സിഎസ്കെ. എന്നാല് 30 വയസ്സുകാരന് പകരമായി ആര്ആര് ഉടമ മനോജ് ബദലെ മികച്ച കളിക്കാരെ ആവശ്യപ്പെട്ടതായി ക്രിക്ബസ് റിപോര്ട്ടില് പറയുന്നു. 2008 ഐപിഎല് ചാമ്പ്യന്മാരായ സിഎസ്കെയില് നിന്ന് റുതുരാജ് ഗെയ്ക്വാദ്, ശിവം ദുബെ, രവീന്ദ്ര ജഡേജ എന്നീ ഇന്ത്യന് താരങ്ങളില് ആരെയെങ്കിലും വേണമെന്നാണ് ആവശ്യം. സിഎസ്കെയാവട്ടെ അവരുടെ കളിക്കാരെയൊന്നും കൈവിടാന് ആഗ്രഹിക്കുന്നുമില്ല. ട്രേഡ് വഴിയല്ലാതെ ലേലത്തില് സഞ്ജുവിനെ വാങ്ങുന്നത് സിഎസ്കെയക്ക് കടുത്ത വെല്ലുവിളി ആയിരിക്കും.
സഞ്ജുവിന് വേണ്ടി മറ്റ് ചില ഫ്രാഞ്ചൈസികളും രംഗത്തുണ്ടെന്ന് റിപോര്ട്ടില് പറയുന്നു. ഒരു ഫ്രാഞ്ചൈസി ഇതിനകം കരാറിന് അടുത്ത് എത്തിയെന്നും സൂചിപ്പിച്ചു.
വിരമിക്കാനായിട്ടില്ല, രോഹിത് ശര്മ കളി തുടരും; അടുത്ത വലിയ നീക്കത്തിനായി ഇന്ത്യന് നായകന്റെ ചുവടുവയ്പ്സഞ്ജു ആര്ആറില് തുടരാനുള്ള സാധ്യത ഇപ്പോഴും നിലനില്ക്കുന്നുണ്ട്. കാരണം കളിക്കാരന് വിട്ടുപോകാന് ആഗ്രഹിച്ചാലും തീരുമാനം ആത്യന്തികമായി ഫ്രാഞ്ചൈസിയുടെ കൈകളിലാണ്. 18 കോടി രൂപ പ്രതിഫലത്തിന് 2025 മെഗാതാര ലേലത്തിന് മുമ്പ് ആര്ആര് സഞ്ജുവുമായി കരാര് ഒപ്പിട്ടതാണ്. കരാര് പുതുക്കാനോ വിട്ടയക്കാനോ ഉള്ള അധികാരം ഫ്രാഞ്ചൈസിക്ക് മാത്രമാണ്. റിലീസിന് തയ്യാറല്ലെങ്കില് സഞ്ജു 19-ാം പതിപ്പില് റോയല്സില് തുടരേണ്ടിവരും.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·