സഞ്ജുവിന് എന്തുപറ്റി! വമ്പൻ നാണക്കേട്, ആ മോശം ലിസ്റ്റിൽ രണ്ടാമത്; രാജസ്ഥാൻ റോയൽസ് ആരാധകർ നിരാശയിൽ

Curated byഗോകുൽ എസ് | Samayam Malayalam | Updated: 13 Apr 2025, 4:37 pm

Samayam Malayalamസഞ്ജു സാംസൺ

റോയൽ ചലഞ്ചേഴ്സ് ബംഗളൂരുവിന് എതിരായ ഐപിഎൽ മത്സരത്തിൽ നിരാശാജനകമായ ബാറ്റിങ് പ്രകടനം കാഴ്ച വെച്ച് രാജസ്ഥാൻ റോയൽസ് നായകൻ സഞ്ജു സാംസൺ. തുടക്കം മുതൽ മോശം ഫോമിലായിരുന്ന സഞ്ജു, 19 പന്തുകളിൽ 15 റൺസ് മാത്രമെടുത്ത് പുറത്താവുകയായിരുന്നു. ഒരു ബൗണ്ടറി മാത്രമാണ് സഞ്ജുവിന്റെ ബാറ്റിൽ നിന്ന് പിറന്നത്. 78.95 ആണ് താരത്തിന്റെ സ്ട്രൈക്ക് റേറ്റ്. ഈ ഇന്നിങ്സിനിടെ ഒരു നാണക്കേടും സഞ്ജുവിന്റെ പേരിലായി.ആർസിബിക്ക് എതിരായ കളിയിൽ പവർപ്ലേ അവസാനിക്കുമ്പോൾ 16 പന്തിൽ നിന്ന് 13 റൺസ് മാത്രമായിരുന്നു സഞ്ജുവിന്റെ സമ്പാദ്യം. ഈ സമയം സ്ട്രൈക്ക് റേറ്റ് 81.25 മാത്രമായിരുന്നു. ഇതോടെ 2025 സീസൺ ഐപിഎല്ലിന്റെ പവർപ്ലേ ഓവറുകളിൽ ഒരു ഓപ്പണിങ് ബാറ്ററുടെ ഏറ്റവും മോശം സ്ട്രൈക്ക് റേറ്റിൽ ( കുറഞ്ഞത് 15 പന്തുകൾ നേരിട്ടവവരിൽ) സഞ്ജു രണ്ടാമതെത്തി. ചെന്നൈ സൂപ്പർ കിങ്സിന് എതിരായ കളിയിൽ വിരാട് കോഹ്ലി 73.33 സ്ട്രൈക്ക് റേറ്റിൽ ബാറ്റ്‌ ചെയ്തതാണ് ഈ ലിസ്റ്റിൽ ഒന്നാമത്.


അതേ സമയം ആർസിബിക്ക് എതിരായ മത്സരത്തിൽ മോശം തുടക്കമാണ് രാജസ്ഥാൻ റോയൽസിന് ലഭിച്ചത്. പവർപ്ലേ ഓവറുകളിൽ ആകെ 45 റൺസ് മാത്രമാണ് അവർക്ക് നേടാനായത്. കൃത്യമായ ലൈനിലും ലെങ്തിലും പന്തെറിഞ്ഞ ആർസിബി ബൗളർമാർ റോയൽസ് ബാറ്റിങ് നിരയെ വരിഞ്ഞുമുറുക്കുകയായിരുന്നു.

Also Read: സഞ്ജുവിന്റെ വിശ്വസ്ത താരം തിരിച്ചെത്തി, ടീമിൽ നിർണായക മാറ്റവുമായി രാജസ്ഥാൻ റോയൽസ്; ടീമിന്റെ കരുത്ത് കൂടി

രാജസ്ഥാൻ റോയൽസ് പ്ലേയിങ് ഇലവൻ: യശസ്വി ജയ്സ്വാൾ, സഞ്ജു സാംസൺ, നിതീഷ് റാണ, റിയാൻ പരാഗ്, ധ്രുവ് ജൂറൽ, ഷിംറോൺ ഹെറ്റ്മെയർ, വനിന്ദു ഹസരംഗ, ജോഫ്ര ആർച്ചർ, മഹീഷ് തീക്ഷണ, സന്ദീപ് ശർമ, തുഷാർ ദേഷ്പാണ്ടെ.

Also Read: സെഞ്ചുറിക്ക് ശേഷം പോക്കറ്റിൽ നി‌ന്ന് ആ പേപ്പറെടുത്ത് അഭിഷേക് ശർമ; ഈ ആഘോഷത്തിന് പിന്നിലെ രഹസ്യം ഇ‌ങ്ങനെ...

ആർസിബി പ്ലേയിങ് ഇലവൻ: വിരാട് കോഹ്ലി, ഫിൽ സാൾട്ട്, രജത് പാട്ടിദാർ, ലിയാം ലിവിങ്സ്റ്റൺ, ജിതേഷ് ശർമ, ടിം ഡേവിഡ്, കൃണാൽ പാണ്ഡ്യ, ഭുവനേശ്വർ കുമാർ, ജോഷ് ഹേസൽവുഡ്, സുയാഷ് ശർമ, യഷ് ദയാൽ.