സഞ്ജുവിന്‍റെ രാജസ്ഥാന്‍ റോയൽസ് പ്ലേ ഓഫ് ഇനി സ്വപ്നം കാണണോ? സാധ്യതകൾ ഇങ്ങനെ

Authored byലിജിൻ കടുക്കാരം | Samayam Malayalam | Updated: 15 Apr 2025, 6:51 am

Samayam Malayalamരാജസ്ഥാൻ റോയൽസ് താരങ്ങളും നായകൻ സഞ്ജു സാംസണും

ഐപിഎൽ 2025ൽ തുടർച്ചയായ രണ്ടാം തോൽവിയാണ് സഞ്ജു സാംസൺ നയിക്കുന്ന രാജസ്ഥാൻ റോയൽസ് ഏറ്റുവാങ്ങിയത്. റോയൽ ചലഞ്ചേഴ്സ് ബാംഗ്ലൂർ ഒൻപത് വിക്കറ്റിനാണ് രാജസ്ഥാനെ തകർത്തത്. ഇന്നലത്തെ തോൽവിയോടെ ആറ് മത്സരങ്ങളിൽ നാലിലും തോറ്റ രാജസ്ഥാൻ റോയൽസ് പോയിൻ്റ് പട്ടികയിൽ എട്ടാം സ്ഥാനത്താണുള്ളത്. ഈ സീസണിൽ ഇതുവരെ രണ്ട് ജയം മാത്രമാണ് സഞ്ജുവിനും സംഘത്തിനും നേടാനായത്. പോയിൻ്റ് പട്ടികയിൽ മുന്നേറി രാജസ്ഥാൻ റോയൽസിന് ഇനി പ്ലേ ഓഫിൽ എത്താനാകുമോയെന്നാണ് ആരാധകർ ചോദിക്കുന്നത്. സാധ്യതകൾ പരിശോധിക്കാം.ഗുജറാത്ത് ടൈറ്റൻസിനോടും ആർസിബിയോടും തുടർച്ചയായ രണ്ട് മത്സരങ്ങളിൽ പരാജയപ്പെട്ട റോയൽസിന് നിലവിൽ നാല് പോയിൻ്റുകൾ മാത്രമാണുള്ളത്. പോയിൻ്റ് പട്ടികയിൽ എട്ടാമതാണ് അവരുടെ സ്ഥാനം. സൺറൈസേഴ്സ് ഹൈദരാബാദും, ചെന്നൈ സൂപ്പർ കിങ്സും മാത്രമാണ് ഇവർക്ക് പിന്നിലുള്ളത്. നെഗറ്റീവ് റൺ റേറ്റുമാണ് (-0.838) സഞ്ജുവിൻ്റെയും സംഘത്തിൻ്റെയും സമ്പാദ്യം. ഇനിയുള്ള മത്സരങ്ങളിൽ മികച്ച പ്രകടനം പുറത്തെടുത്താലേ, ടീമിന് ഇനി പട്ടികയിൽ മുന്നേറാൻ കഴിയൂ.
തോൽവിക്ക്‌ ശേഷം അക്കാര്യം തുറന്ന് പറ‌ഞ്ഞ് സഞ്ജു സാംസൺ, രാജസ്ഥാൻ റോയൽസ് ക്യാപ്റ്റൻ മനസ്‌ തുറന്നത് ഇങ്ങനെ
ഇന്നലെ നടന്ന രണ്ടാം മത്സരത്തിൽ ഡൽഹിയെ പരാജയപ്പെടുത്തി. മുംബൈ ഇന്ത്യൻസാണ് പോയിൻ്റ് പട്ടികയിൽ ഏഴാമത്. രാജസ്ഥാന് സമാനമായി ആറ് കളികളിൽ നിന്ന് രണ്ട് ജയം മാത്രമേ മുംബൈയ്ക്കും ഉള്ളൂവെങ്കിലും നെറ്റ് റൺ റേറ്റിൻ്റെ ആനുകൂല്യത്തിലാണ് ടീം മുന്നിലെത്തിയത്. പോയിൻ്റ് പട്ടികയിലെ ആദ്യ നാല് സ്ഥാനക്കാർക്കും എട്ട് പോയിൻ്റ് മാത്രമാണുള്ളത്. ആറ് കളികളിൽ നാല് ജയം നേടിയ ഗുജറാത്താണ് ഇതിൽ മുന്നിൽ. തൊട്ടുപിന്നിൽ ഡിസി, ആർസിബി, എൽഎസ്ജി എന്നിവരും. അഞ്ച്, ആറ് സ്ഥാനങ്ങളിലുള്ള കെകെആറിനും പഞ്ചാബിനും ആറ് പോയിൻ്റുകളാണുള്ളത്.

രാജസ്ഥാൻ റോയൽസിന് പ്ലേ ഓഫ് സാധ്യതയുണ്ടോ?

ഐ‌പി‌എൽ 2025ൽ രാജസ്ഥാൻ റോയൽസിന് ഇനിയും പ്ലേ ഓഫ് സാധ്യതകൾ അവശേഷിക്കുന്നുണ്ട്. ടീമിൻ്റെ അടുത്ത മത്സരങ്ങളിലെ പ്രകടനത്തെ ആശ്രയിച്ചിരിക്കും ഇത്. മുൻ സീസണുകളിലെ കണക്കുകൾ അനുസരിച്ച് മിനിമം ഏഴു മത്സരങ്ങൾ ജയിക്കുന്ന ടീമിന് (14 പോയിൻ്റ്) മാത്രമേ പ്ലേ ഓഫ് സാധ്യതകളുണ്ടാവുകയുള്ളൂ. എട്ട് വിജയങ്ങൾ (16 പോയിൻ്റ്) നേടാൻ കഴിഞ്ഞാൽ ആദ്യ നാലിൽ എത്താനായേക്കും.

രാജസ്ഥാൻ റോയൽസ് ഇതിനോടകം നാല് മത്സരങ്ങൾ തോറ്റ് കഴിഞ്ഞു. ഇനി ശേഷിക്കുന്ന എട്ട് മത്സരങ്ങളിൽ ആറ് മത്സരങ്ങൾ ജയിച്ചാൽ മാത്രമേ പ്ലേ ഓഫ് ടീമിന് ഉറപ്പിക്കാനാകൂ. പ്ല ഓഫ് സ്വപ്നങ്ങൾ അവശേഷിക്കണമെങ്കിൽ മിനിമം അഞ്ച് മത്സരങ്ങളെങ്കിലും ജയിച്ചേ പറ്റൂ. അതായത്, രണ്ടോ, മൂന്നോ തോൽവികൾ മാത്രമേ സഞ്ജുവിനും സംഘത്തിനും താങ്ങാൻ കഴിയൂ. അതിൽ കൂടുതൽ മത്സരങ്ങളിൽ തിരിച്ചടി നേരിട്ടാൽ കിരീടമോഹം പൊലിയും. ജയങ്ങൾക്കൊപ്പം നെറ്റ് റൺ റേറ്റ് ഉയർത്തേണ്ടതും പ്രധാനമാണ്.
സഞ്ജുവിന്റെ വജ്രായുധം ടീമിലേക്ക് തിരിച്ചെത്തും, രാജസ്ഥാൻ റോയൽസിന് ഹാപ്പി ന്യൂസ്; സുപ്രധാന അപ്ഡേറ്റ് പുറത്ത്

ആർസിബിയോട് പരാജയപ്പെട്ടതോടെ രാജസ്ഥാൻ്റെ നിലവിലെ സ്ഥിതി

• ആറ് കളികളിൽ നിന്ന് നാല് പോയിൻ്റ്
• രണ്ട് ജയവും നാല് തോൽവിയും
• നെഗറ്റീവ് റൺറേറ്റ് (നിലവിൽ -0.838)

രാജസ്ഥാൻ റോയൽസ് പ്ലേ ഓഫീലെത്താൻ ഇനി വേണ്ടത്

• ഇനിയുള്ള എട്ട് മത്സരങ്ങളിൽ അഞ്ച് ജയം - 14 പോയിൻറുകൾ നേടിയാൽ സാധ്യത നിലനിർത്താം
• ആറ് ജയങ്ങൾ നേടുകയും (16 പോയിൻ്റ്) നെറ്റ് റൺറേറ്റ് ഉയർത്തുകയും വേണം
• പോയിൻ്റ് പട്ടികയിൽ തങ്ങൾക്ക് സമീപമുള്ള കെകെആർ, മുംബൈ, സിഎസ്കെ, പഞ്ചാബ് എന്നിവരെ വീഴ്ത്തുക

രാജസ്ഥാൻ റോയൽസിൻ്റെ അടുത്ത മത്സരങ്ങൾ

• ഏപ്രിൽ 16 : ഡൽഹി ക്യാപിറ്റൽസ്
• ഏപ്രിൽ 19 : എൽഎസ്ജി
• ഏപ്രിൽ 24 : ആർസിബി
• ഏപ്രിൽ 28 : ഗുജറാത്ത് ടൈറ്റൻസ്
• മെയ് 01 : മുംബൈ ഇന്ത്യൻസ്
• മെയ് 04 : കെകെആർ
• മെയ് 12 : സിഎസ്കെ
• മെയ് 16 : പഞ്ചാബ് കിങ്സ്

സഞ്ജുവിന് എന്തുപറ്റി! വമ്പൻ നാണക്കേട്, ആ മോശം ലിസ്റ്റിൽ രണ്ടാമത്; രാജസ്ഥാൻ റോയൽസ് ആരാധകർ നിരാശയിൽഗുജറാത്തിനും ബാംഗ്ലൂരിനും എതിരെയുള്ള ഓരോ മത്സരങ്ങളും ഡൽഹിക്കെതിരെയാ തൊട്ടടുത്ത മത്സരവുമായിരിക്കും സഞ്ജുവിൻ്റെയും സംഘത്തിൻ്റെയും പ്രധാന തലവേദന. എട്ടിൽ ആറ് മത്സരങ്ങളും ജയിക്കാനായാൽ രാജസ്ഥാൻ റോയൽസിന് പ്ലേ ഓഫ് ഉറപ്പിക്കാം.