8 months ago
6
Authored byനിഷാദ് അമീന് | Samayam Malayalam | Updated: 28 Apr 2025, 2:49 am
Richest Rajasthan Royals Cricketers successful IPL 2025: ഐപിഎല് 2025 ലെ ഏറ്റവും ധനികരായ രാജസ്ഥാന് റോയല്സ് ക്രിക്കറ്റര് ജോഫ്ര ആര്ച്ചര് ആണ്. ടീമിന്റെ ക്യാപ്റ്റനായ മലയാളി താരം സഞ്ജു സാംസണ് (Sanju Samson) രണ്ടാം സ്ഥാനത്തുണ്ട്. ഐപിഎല് ചരിത്രത്തിലെ ഏറ്റവും പ്രായം കുറഞ്ഞ കളിക്കാരനായ 14കാരന് വൈഭവ് സൂര്യവംശിയുടെ ആസ്തി ഒരു കോടി രൂപയിലധികം വരുമെന്നാണ് കണക്ക്.
രാജസ്ഥാന് റോയല്സ് താരങ്ങളും കോച്ച് രാഹുല് ദ്രാവിഡും (ഫോട്ടോസ്- Samayam Malayalam) രാജസ്ഥാന് റോയല്സിന്റെ സീസണിലെ ഏറ്റവും സമ്പന്നനായ രണ്ടാമത്തെ കളിക്കാരനാണ് സഞ്ജു. ആക്രമണാത്മക ബാറ്റിങിനും മികച്ച ക്യാപ്റ്റന്സിക്കും പേരുകേട്ടതാരം വിക്കറ്റിന് പിന്നിലും മികച്ച പ്രകടനം കാഴ്ചവയ്ക്കുന്നു. ഒരു ദശകത്തിലേറെയായി ഐപിഎല്ലില് സ്ഥിരസാന്നിധ്യമായ സഞ്ജു 3400 ല് അധികം റണ്സ് നേടിയിട്ടുണ്ട്.
സഞ്ജുവിന്റെ ആസ്തി 45-60 കോടി രൂപ; ഐപിഎല് 2025 ലെ ഏറ്റവും ധനികരായ രാജസ്ഥാന് റോയല്സ് താരങ്ങള് ഇവര്
ഐപിഎല് 2025 ലെ ഏറ്റവും സമ്പന്നരായ രാജസ്ഥാന് റോയല്സ് താരങ്ങളുടെ പട്ടിക:
- ജോഫ്ര ആര്ച്ചര്: 50-70 കോടി രൂപ
- സഞ്ജു സാംസണ്: 45-60 കോടി രൂപ
- വനിന്ദു ഹസരംഗ: 30-45 കോടി
- യശസ്വി ജയ്സ്വാള്: 25-40 കോടി രൂപ
- ഷിംറോണ് ഹെറ്റ്മെയര്: 20-35 കോടി രൂപ
- റിയാന് പരാഗ്: 15-25 കോടി രൂപ
- ധ്രുവ് ജുറെല്: 10-18 കോടി രൂപ
- വൈഭവ് സൂര്യവംശി: 1 കോടി രൂപയിലധികം
ഐപിഎല് 2025 ല് രാജസ്ഥാന് റോയല്സിലെ ഏറ്റവും ധനികനായ താരം ഇംഗ്ലണ്ട്, പേസ് ബൗളര് ജോഫ്ര ആര്ച്ചര് ആണ്. 50-70 കോടി രൂപയുടെ ആസ്തിയുണ്ട്. 2019 ലോകകപ്പില് ഇംഗ്ലണ്ടിന്റെ വിജയത്തില് നിര്ണായക സാന്നിധ്യമായിരുന്നു.
സഞ്ജുവിന് ഒളിമ്പിക്സ് മെഡല് നേടാന് സുവര്ണാവസരം...! 2028 ഒളിമ്പിക്സില് ടി20 ക്രിക്കറ്റും; ഉള്പ്പെടുത്തിയത് 128 വര്ഷങ്ങള്ക്ക് ശേഷംമൂന്നാം സ്ഥാനത്തുള്ള വനിന്ദു ഹസരംഗ ശ്രീലങ്കന് ഓള്റൗണ്ടറാണ്. വിക്കറ്റുകള് വീഴ്ത്താനും മികച്ച ലോവര് ഓര്ഡര് ബാറ്റിങിനും പേരുകേട്ട താരം. ശ്രീലങ്കയുടെ ടി20 ക്യാപ്റ്റന്റെ ആസ്തി 30-45 കോടി രൂപയാണ്.
യശസ്വി ജയ്സ്വാള് ആണ് റോയല്സിലെ ഏറ്റവും സമ്പന്നനായ മറ്റൊരു താരം. 25-40 കോടി രൂപ ആസ്തിയുണ്ട്. ആക്രമണാത്മക ഓപണിങ് ബാറ്റ്സ്മാന് എന്ന നിലയില് അദ്ദേഹം അതിവേഗം സൂപ്പര്സ്റ്റാറായി മാറി. ഐപിഎല്ലില് ഏറ്റവും വേഗതയേറിയ അര്ധസെഞ്ചുറി (13 പന്തുകള്), റോയല്സിനായി സെഞ്ചുറി നേടിയ ഏറ്റവും പ്രായം കുറഞ്ഞ താരം എന്നീ നേട്ടങ്ങള്ക്ക് ഉടമയാണ്. ഇന്ത്യക്ക് വേണ്ടി അന്താരാഷ്ട്ര ക്രിക്കറ്റിലും കിടിലന് പ്രകടനങ്ങള് തുടരുന്നു.
ഒത്തുകളി ആരോപണത്തിന് പിന്നിലെ ഞെട്ടിക്കുന്ന കാരണം വെളിപ്പെടുത്തി രാജസ്ഥാന് റോയല്സ്; മുഖ്യമന്ത്രിക്ക് പരാതി നല്കികരീബിയന് ബാറ്റ്സ്മാനായ ഷിമ്രോണ് ഹെറ്റ്മെയറുടെ ആസ്തി ഏകദേശം 20-35 കോടി രൂപയാണെന്നാണ് റിപോര്ട്ട്. അന്താരാഷ്ട്ര തലത്തില് മികച്ച അനുഭവപരിചയമുള്ള അദ്ദേഹം ഐപിഎല്ലിലെ ഏറ്റവും മികച്ച മാച്ച് വിന്നര്മാരില് ഒരാളാണ്.
അസമില് നിന്ന് ആദ്യമായി ഇന്ത്യന് ടീമിലെത്തിയ ക്രിക്കറ്ററായ റിയാന് പരാഗ് റോയല്സിന്റെ പ്രധാന താരമായി മാറിക്കഴിഞ്ഞു. ഈ സീസണില് പരിക്ക് മൂലം സഞ്ജുവിന് നായകസ്ഥാനം ഏറ്റെടുക്കാന് കഴിയാത്ത മാച്ചുകളില് ടീമിനെ നയിക്കുന്നത് റിയാനാണ്. 17 വയസ്സുള്ളപ്പോള് ഐപിഎല് അര്ധസെഞ്ചുറി നേടുന്ന ഏറ്റവും പ്രായം കുറഞ്ഞ കളിക്കാരനായി. വലിയ ആരാധക പിന്തുണയുള്ള യുവ ഓള്റൗണ്ടര്ക്ക് സോഷ്യല് മീഡിയയിലും വന് ഫോളോവേഴ്സുണ്ട്. 15-25 കോടി രൂപയാണ് ആസ്തി.
റോയല്സിലെ വളര്ന്നുവരുന്ന വിക്കറ്റ് കീപ്പര്-ബാറ്ററായ ധ്രുവ് ജുറെലിന് 10 മുതല് 18 കോടി രൂപ വരെ ആസ്തിയുണ്ട്. ഐപിഎല്ലിലെ ഏറ്റവും പ്രായം കുറഞ്ഞ കളിക്കാരനെന്ന ചരിത്ര നേട്ടം കൈവരിച്ച് ഇത്തവണ 14ാം വയസ്സില് റോയല്സില് അരങ്ങേറിയ വൈഭവ് സൂര്യവംശിയുടെ ആസ്തി ഒരു കോടി രൂപയിലധികം വരും.
രചയിതാവിനെക്കുറിച്ച്നിഷാദ് അമീന്16 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില് കണ്ടന്റ് പ്രൊഡ്യൂസറാണ്.... കൂടുതൽ വായിക്കുക
English (US) ·