സണ്‍റൈസേഴ്‌സിന് തുടര്‍ച്ചയായ നാലാം തോല്‍വി; ഏഴ് വിക്കറ്റ് ജയത്തോടെ ഗുജറാത്ത് ടൈറ്റന്‍സ് രണ്ടാം സ്ഥാനത്ത്

Authored byനിഷാദ് അമീന്‍ | Samayam Malayalam | Updated: 6 Apr 2025, 11:29 pm

Samayam Malayalamഎസ്ആര്‍എച്ചിനെതിരെ മുഹമ്മദ് സിറാജിന്റെ പ്രകടനം

ഇന്ത്യന്‍ പേസര്‍ മുഹമ്മദ് സിറാജിന്റെ മാസ്മരിക പേസ് ആക്രമണത്തിന് മുന്നില്‍ പതറി സണ്‍റൈസേഴ്‌സ് ഹൈദരാബാദ് (Sunrisers Hyderabad). ഐപിഎല്‍ 2025ലെ (IPL 2025) തങ്ങളുടെ അഞ്ചാം മല്‍സരത്തില്‍ എസ്ആര്‍എച്ച് ഏഴ് വിക്കറ്റിന് ഗുജറാത്ത് ടൈറ്റന്‍സിനോട് (Gujarat Titans) കീഴടങ്ങി. തുടര്‍ച്ചയായ നാലാം തോല്‍വിയോടെ സണ്‍റൈസേഴ്‌സ് ഏറ്റവും അവസാന സ്ഥാനത്തായി.എസ്ആര്‍എച്ച് എട്ട് വിക്കറ്റ് നഷ്ടത്തില്‍ 152 റണ്‍സെടുത്തപ്പോള്‍ ജിടി 16.4 ഓവറില്‍ മൂന്ന് വിക്കറ്റ് നഷ്ടത്തില്‍ ലക്ഷ്യം മറികടന്നു. നാല് മല്‍സരങ്ങളില്‍ മൂന്നാം വിജയത്തോടെ ജിടി പോയിന്റ് പട്ടികയില്‍ രണ്ടാം സ്ഥാനത്തേക്ക് ഉയര്‍ന്നു. ആദ്യ മല്‍സരത്തില്‍ പഞ്ചാബിനോട് 11 റണ്‍സിന് തോറ്റ ശേഷം ജിടിയുടെ തുടര്‍ച്ചയായ മൂന്നാം വിജയമാണിത്.


153 റണ്‍സ് വിജയലക്ഷ്യവുമായി ബാറ്റിങ് ആരംഭിച്ച ജിടിക്ക് വേണ്ടി ക്യാപ്റ്റനും ഓപണറുമായ ശുഭ്മാന്‍ ഗില്‍ അര്‍ധ സെഞ്ചുറി നേടി. ഗില്‍ 43 പന്തില്‍ പുറത്താവാതെ 61 റണ്‍സെടുത്തു. വാഷിങ്ടണ്‍ സുന്ദര്‍ 29 പന്തില്‍ 49 റണ്‍സ് സംഭാവന ചെയ്തു. വിജയംവരിക്കുമ്പോള്‍ ഷെഫാനെ റൂഥര്‍ഫോര്‍ഡ് 16 പന്തില്‍ 35 റണ്‍സുമായി ക്രീസിലുണ്ടായിരുന്നു. സായ് സുദര്‍ശന്‍ (5), ജോസ് ബട്‌ലര്‍ (0) എന്നിവര്‍ വേഗം പുറത്തായി.

സഞ്ജു സാംസണിന് ഇത് കിടിലന്‍ ബഹുമതി; കൈവരിച്ചത് ഷെയ്ന്‍ വോണിനെയും പിന്നിലാക്കിയ അപൂര്‍വ ചരിത്രനേട്ടം
ടോസ് നഷ്ടപ്പെട്ട് ബാറ്റിങ് ആരംഭിച്ച എസ്ആര്‍എച്ചന് പേസര്‍ മുഹമ്മദ് സിറാജ് തുടക്കത്തില്‍ തന്നെ പ്രഹരമേല്‍പ്പിച്ചു. അപകടകാരിയായ ട്രാവിസ് ഹെഡിനെ എട്ട് റണ്‍സിനും അഭിഷേക് ശര്‍മയെ 18 റണ്‍സിനും സിറാജ് തിരിച്ചയച്ചു. രണ്ടാം വരവില്‍ സിറാജ് അനികേത് വര്‍മ (18), സിമര്‍ജീത് സിങ് എന്നിവരെ പുറത്താക്കി.

നാല് ഓവറില്‍ 17 റണ്‍സ് മാത്രം വഴങ്ങിയാണ് സിറാജ് നാല് വിക്കറ്റ് നേടിയത്. ഐപിഎല്ലില്‍ 100 വിക്കറ്റ് നേട്ടം ആഘോഷിക്കുകയും ചെയ്തു. പ്രസിദ്ധ് കൃഷ്ണ നാല് ഓവറില്‍ 25 റണ്‍സിന് രണ്ട് വിക്കറ്റും സായ് കിഷോര്‍ നാല് ഓവറില്‍ 24 റണ്‍സിന് രണ്ട് വിക്കറ്റും വീഴ്ത്തി.

സഞ്ജു ജയത്തോടെ തുടങ്ങി; രാജസ്ഥാന്‍ റോയല്‍സിന് രാജകീയ വിജയം, പഞ്ചാബിന് ആദ്യ തോല്‍വി
നിതീഷ് റെഡ്ഡിയാണ് എസ്ആര്‍എച്ചിന്റെ ടോപ് സ്‌കോറര്‍. 34 പന്തില്‍ 31 റണ്‍സാണ് നേടിയത്. ഹെയ്ന്റിച്ച് ക്ലാസെന്‍ 19 പന്തില്‍ 27 റണ്‍സ് നേടിയപ്പോള്‍ പാറ്റ് കമ്മിന്‍സ് വെറും ഒമ്പത് പന്തില്‍ 22 റണ്‍സ് വാരിക്കൂട്ടി പുറത്താവാതെ നിന്നു. ഇഷാന്‍ കിഷന്‍ 17 റണ്‍സ് നേടി.