സത്യസന്ധമായി സ്നേഹിക്കുന്ന ഒരു പെണ്ണിനെ അവന് ദൈവം കൊടുക്കും; ചിമ്പുവിന്റെ കല്യാണം കഴിയാത്തതിലെ സങ്കടം പങ്കുവച്ച് അച്ഛൻ ടിആർ

Authored by: അശ്വിനി പി|Samayam Malayalam•16 Sept 2025, 11:18 am

തമിഴ് സിനിമ ലോകത്ത് ക്രോണിക് ബാച്ചിലറായി തുടരുകയാണ് സിലമ്പരസൻ എന്ന സിമ്പു (മലയാളികളെ സംബന്ധിച്ച് ചിമ്പു ) 42 കാരനായ ചിമ്പു എന്തുകൊണ്ടാണ് വിവാഹം കഴിക്കാത്തത് എന്നത് പലരുടെയും ചോദ്യമാണ്. നയൻതാര, ഹൻസിക, തൃഷ കൃഷ്ണൻ എന്നിങ്ങനെ ഇന്റസ്ട്രിയിലെ ഒട്ടുമിക്ക എല്ലാ നടിമാർക്കുമൊപ്പവും പ്രണയ ഗോസിപ്പുകൾ വന്നുവെങ്കിലും ചിമ്പു ഇപ്പോഴും അവിവാഹിതനായി തുടരുകയാണ്.

ചിമ്പുവിന്റെ കല്യാണം തമിഴകത്ത് വലിയൊരു ചർച്ചാ വിഷയം ആണ്. ചിമ്പുവും വിശാലുമായിരുന്നു ബാച്ചിലറായി തുടരുന്ന താരങ്ങൾ. രണ്ട് പേരുടെയും കല്യാണത്തെ ട്രോളിക്കൊണ്ട് നിരവധി കമന്റുകളും വന്നിരുന്നു. അവസാനം വിശാൽ വിവാഹിതനാകാൻ പോകുകയാണ്. കഴിഞ്ഞ മാസമാണ് നടി ധൻഷികയുമായുള്ള വിശാലിന്റെ വിവാഹ നിശ്ചയം കഴിഞ്ഞത്. ഇതോടെ ചിമ്പുവിന്റെ കല്യാണക്കാര്യത്തിലുള്ള ചർച്ചകൾ വീണ്ടും ചർച്ചയായി.

Also Read: ഞാൻ വിവാഹം കഴിക്കുമ്പോൾ അവൾ വളരെ ചെറുപ്പമാ! ഒന്ന് ചിരിച്ച് ഇരുന്നൂടെ എന്നൊക്കെ എന്നോട് ഇടയ്ക്കിടെ ചോദിക്കും

ഒരു ടെലിവിഷൻ ഷോയിൽ മകന്റെ കല്യാണം കഴിയാത്തതിലുള്ള വിഷമത്തെ കുറിച്ച് കരയുന്ന അച്ഛൻ ടി രാജേന്ദറിന്റെ വീഡിയോ ആണ് ഇപ്പോൾ വൈറലാവുന്നത്. സംവിധായകനും നടനുമൊക്കെയായ ടിആർ ഒരു മിനിസ്ക്രീൻ ഷോയിൽ വിധികർത്താക്കളിൽൽ ഒരാളായി എത്തിയതാണ്. ഷോയിൽ എത്തിയ ഒരു മത്സരാർത്ഥി, കല്യാണം കഴിക്കുന്നുണ്ടെങ്കിൽ ഞാൻ ചിമ്പു സാറിനെ മാത്രമേ കഴിക്കൂ എന്ന് പറഞ്ഞപ്പോഴാണ് ചിമ്പുവിന്റെ അച്ഛൻ ഇമോഷണലായത്.

Also Read: ധനുഷിന്റെയും വിജയിയുടെയും ഭാഗ്യ നായിക; ഹിറ്റുകൾ നൽകിയ സംവിധായകനുമായി കല്യാണം, പിന്നെ ഡിവോഴ്സ്! സോണിയ അഗർവാളിനെ ഓർമയില്ലേ

എനിക്കും ഒരു ഹൃദയമുണ്ട് എന്ന് പറഞ്ഞുകൊണ്ടാണ് ടിആർ സംസാരിച്ചു തുടങ്ങിയത്. ഭാര്യയെ സ്നേഹിക്കുന്നത് മാത്രമല്ല സ്നേഹം, ജനം കൊടുത്ത മകനോടുള്ള സ്നേഹം പറഞ്ഞറിയിക്കാൻ കഴിയാത്ത ഒന്നാണ്. എന്റെ മകന്റെ പേര് നിങ്ങൾ പറയുമ്പോൾ തന്നെ എത്രത്തോളം അത് എന്നെ ഇമോഷണലാക്കുന്നു, വേദനിപ്പിക്കുന്നു എന്നറിയില്ല. പക്ഷേ നീ പറഞ്ഞ വാക്കുകളിൽ എന്നെ ആശ്വസിപ്പിക്കുന്ന ഒന്ന്, ആ പറഞ്ഞത് സത്യമായിരുന്നെങ്കിൽ എന്നാണ്. നിങ്ങളെ ഞാൻ കുറ്റപ്പെടുത്തുന്നില്ല, ഏത് അർത്ഥത്തിലാണ് പറഞ്ഞത് എന്നും അറിയില്ല. പക്ഷേ ഞാൻ പറഞ്ഞത് തെറ്റാണെങ്കിൽ എന്നോട് ക്ഷമിക്കൂ. സത്യസന്ധമായി എന്റെ മകനെ സ്നേഹിക്കുന്ന ഒരു പെണ്ണിനെ ദൈവം കൊടുക്കും.


ഞാൻ ഒരിക്കലും എന്റെ മകന്റെ അടുത്ത് പോയി നീ കല്യാണം കഴിക്കില്ലേ എന്ന് ചോദിക്കില്ല. എന്ത് തന്നെയായാലും ദൈവത്തോട് മാത്രമേ ചോദിയ്ക്കൂ. അവൻ കല്യാണം കഴിച്ച് കാണണം എന്ന് എനിക്കും ഭാര്യയ്ക്കും ആഗ്രഹം ഉള്ളത് കൊണ്ട്, കല്യാണം കഴിക്ക് എന്ന് പറഞ്ഞ് ഒരിക്കലും നിർബന്ധിക്കില്ല. അവനെ സ്നേഹിക്കുന്ന ഒരു പെണ്ണിനെ ദൈവം അവന്റെ ജീവിതത്തിൽ നൽകട്ടെ- ടി രാജേന്ദർ പറഞ്ഞു.