സമാന്തയ്ക്ക് രോഗം ബാധിച്ച അവസ്ഥയിലാണോ നാഗ ചൈതന്യ ഉപേക്ഷിച്ചത്? ഇത് കുറച്ച് കൂടിപ്പോയി; സമാന്തയ്‌ക്കെതിരെ ആരാധകര്‍

Authored byഅശ്വിനി പി | Samayam Malayalam | Updated: 22 Apr 2025, 4:07 pm

അക്കിനേനി നാഗ ചൈതന്യ സമാന്ത റുത്ത് പ്രഭുവുമായുള്ള വിവാഹ മോചനത്തിന് ശേഷം, രണ്ട് വര്‍ഷം കഴിഞ്ഞ് നടി ശോഭിത ധൂലിപലയെ വിവാഹം ചെയ്തത്. അതിന് ശേഷം ശോഭിതയ്ക്കും നാഗ ചൈതന്യയ്ക്കും സോഷ്യല്‍ മീഡിയയില്‍ സൈബര്‍ അറ്റാക്ക് നേരിടേണ്ടതായി വന്നു. സമാന്തയെ പിന്തുണച്ചും നടിയോട് സഹതാപം തോന്നുന്ന തരത്തിലും സോഷ്യല്‍ മീഡിയ പ്രതികരിച്ചത് ശ്രദ്ധേയമായിരുന്നു. അതിന് ആക്കം കൂട്ടുന്ന തരത്തിലായിരുന്നു സമാന്ത റുത്ത് പ്രഭുവിന്റെ ഓരോ സോഷ്യല്‍ മീഡിയ പോസ്റ്റുകളും

വിവാഹ മോചനത്തിന് ശേഷം താന്‍ എത്രമാത്രം ബുദ്ധിമുട്ടുകള്‍ നേരിട്ടു എന്നും, അതിന് ശേഷം വന്ന അപൂര്‍വ്വ രോഗത്തെ എങ്ങനെ അതിജീവിച്ചു എന്നും സമാന്ത പലതവണ ആവര്‍ത്തിച്ചു. സമാന്തയുടെ ഇത്തരം ഓരോ സങ്കടകരമായ പോസ്റ്റുകളും നാഗ ചൈതന്യയ്ക്കും ശോഭിതയ്ക്കും എതിരെയുള്ള സൈബര്‍ അറ്റാക്കിന് കാരണമായി. എന്നാല്‍ ഇപ്പോള്‍ സമാന്തയുടെ ഒരു ലൈക്ക് നടിക്കെതിരെ തിരിഞ്ഞിരിയ്ക്കുകയാണ്.

Also Read: അര്‍ച്ചന കവിയുടെ ജീവിതത്തിലെ പുതിയ വിശേഷം; നല്ലതുമാത്രം വരട്ടെ, ആശംസകളുമായി ആരാധകര്‍

'ഭാര്യമാര്‍ക്ക് അസുഖം വന്നാല്‍ ഒരിക്കലും ഭര്‍ത്താവ് കൂടെ നിന്ന് പരിഗണിക്കില്ല, പലപ്പോഴും ഉപേക്ഷിച്ചു പോകുകയാണ് ചെയ്യാറുള്ളത്. അതേ സമയം സ്ത്രീകള്‍ അങ്ങനെയല്ല, അവര്‍ തന്റെ പങ്കാളിയെ പരിഗണിക്കുകയും, അവസാനം വരെ കൂടെ നിന്ന് ശുശ്രൂഷിക്കുകയും ചെയ്യും' എന്ന് പറയുന്ന ഒരു വീഡിയോയ്ക്ക് സമാന്ത ലൈക്ക് അടിച്ച് പിന്തുണ അറിയിച്ചിരുന്നു. ഇതാണ് ഇതുവരെ നിശബ്ദരായി നിന്ന നാഗ ചൈതന്യ ഫാന്‍സിനെ പ്രകോപിപ്പിച്ചത്.

സമാന്ത റുത്ത് പ്രഭുവിന് മയോസൈറ്റിസ് എന്ന അപൂര്‍വ്വ രോഗം വന്ന അവസ്ഥയില്‍ അല്ല നാഗ ചൈതന്യയുമായുള്ള വിവാഹ മോചനം സംഭവിച്ചത്. വിവാഹ മോചനത്തിന് ശേഷം എത്രയോ നാളുകള്‍ കഴിഞ്ഞാണ്, തന്റെ രോഗം സ്ഥിരീകരിച്ചത് എന്ന് സമാന്തയും പറഞ്ഞിട്ടുള്ളതാണ്. ഈ സാഹചര്യത്തില്‍ അത്തരം ഒരു പോസ്റ്റിന് ലൈക്ക് അടിക്കുന്നത് പരോക്ഷമായി നാഗ ചൈതന്യയെ ആക്രമിക്കാനാണ് എന്ന് ചൈതന്യ ഫാന്‍സ് പറയുന്നു.

അത് മാത്രമല്ല, വിവാഹ മോചനത്തിന് ശേഷം ഒരിക്കല്‍ പോലും നാഗ ചൈതന്യ അതേ കുറിച്ച് പ്രതികരണം നടത്തിയിരുന്നില്ല. സമാന്ത തന്റെ ഓരോ സിനിമ റിലീസിന്റെ മുന്നോടിയും നാഗ ചൈതന്യയ്‌ക്കെതിരെ സൈബര്‍ അറ്റാക്ക് നടത്തുന്ന തരത്തില്‍ ഇത്തരം എന്തെങ്കിലും പ്രതികരണം നടത്തുന്നു എന്നും, ഇപ്പോള്‍ ശുഭം എന്ന പുതിയ സിനിമയുടെ പ്രമോഷന്റെ ഭാഗമാണ് ഈ ലൈക്ക് എന്നുമാണ് നാഗ ചൈതന്യ ഫാന്‍സിന്റെ നിരീക്ഷണം