സരിതക്ക് വിവാഹമോചനം കൊടുക്കാതിരിക്കാൻ സുബ്ബയ്യ സുപ്രീം കോടതി കേറി; ഒടുവിൽ 87 ൽ വിവാഹമോചനം; കൗതുകം കൂട്ടി പത്രവാർത്ത

കുത്തിപൊക്കലുകൾ സോഷ്യൽ മീഡിയയിൽ പതിവാണ്. വർഷങ്ങൾക്ക് മുൻപേ ഒരാൾ എങ്ങനെ ആയിരുന്നു എന്ന് കാണിക്കുന്ന കുത്തിപൊക്കലുകൾ ട്രെൻഡിങ്ങും ആയിരുന്നു. അത്തരത്തിൽ നിരവധി താരങ്ങളുടെയും രൂപം സോഷ്യൽ മീഡിയയിൽ മുൻപും നിറഞ്ഞിട്ടുണ്ട്. എന്നാൽ ഇപ്പോൾ ട്രെൻഡിങ് ആകുന്നത് താരങ്ങളെ കുറിച്ച് വർഷങ്ങൾക്ക് മുൻപേ വന്ന പത്രവാർത്തകൾ ആണ്. അത്തരത്തിൽ ഇക്കഴിഞ്ഞ ദിവസം ശോഭനയുടെ വിവാഹവാർത്ത സോഷ്യൽ മീഡിയയിൽ നിറഞ്ഞിരുന്നു.

രാഹുൽ ഹംബിൾ ആണ് അത് പങ്കുവച്ചത്. ഇപ്പോഴിതാ നടി സരിതയുടെ ഒരു വിവാഹ മോചന വാർത്ത പരസ്യം ആണ് സോഷ്യൽ മീഡിയയിൽ നിറയുന്നത്. തെലുങ്ക് നടൻ കൂടി ആയിരുന്ന വെങ്കട സുബ്ബായിയുമായിട്ടായിരുന്നു സരിതയുടെ ആദ്യ വിവാഹം . പിന്നീട് അവർ വിവാഹമോചനം നേടി. ഈ വാർത്തയാണ് 1987 ഏപ്രിൽ 19-25 ലക്കത്തിൽ ചിത്ര ഭൂമിയിൽ പ്രസിദ്ധീകരിക്കുന്നത്.

"സരിതയ്ക്കും വിവാഹ മോചനം" എന്ന തലക്കെട്ടോടെയാണ് വാർത്ത.

വാർത്തയിൽ പറയുന്നത് ഇങ്ങനെ

ഏറെക്കാലം നീണ്ടുനിന്ന ഒരു വിവാഹമോചനക്കേസ് ഒത്തുതീർപ്പിലൂടെ വേർപിരിയലിൽ കലാശിച്ചിരിക്കുന്നു. ഭർത്താവ് ടി. വെങ്കിടസുബ്ബയ്യയുമായുള്ള വിവാഹബന്ധം അവസാനിപ്പിച്ചുതരണമെന്നപേക്ഷിച്ച് സരിതയും സരിതയ്ക്ക് വിവാഹമോചനം അനുവദിക്കരുതെന്ന് വാദിച്ച വെങ്കിടസുബ്ബയ്യയും കോടതികൾ പലതുകയറിയിറങ്ങി. സരിതയുടെ വിവാഹ മോചനാഭിലാഷത്തിന് കടിഞ്ഞാണിടാൻ സുപ്രീംകോടതിയുടെ വരെ വിധി സുബ്ബയ്യ നേടിയിരുന്നു.

ALSO READ: ഇപ്പോഴും ഞാൻ ആ പഴയ ബഹ്‌റൈൻ പ്രവാസി മലയാളി! അഡിക്ഷൻ ഒന്നിനോട് മാത്രം; പേഴ്സണൽ ലൈഫിലെ വിഷയങ്ങൾ ബ്രേക്ക് ഉണ്ടാക്കി

അങ്ങനെ നിയമയുദ്ധം എങ്ങുമെത്താതെ നീണ്ടു. ഒടുവിൽ സുബ്ബയ്യയുടെ മനസ്സ് മാറി. തങ്ങൾക്കിനി ഒരുമിച്ചു ജീവിക്കാനാവില്ലെന്ന സംയുക്ത തീരുമാനത്തിൽ സരിതയും സുബ്ബയ്യയുമെത്തി. വിവാഹമോചനാഭിലാഷം പ്രകടിപ്പിച്ച് ഇരുവരും ചേർന്ന് ഒരിക്കൽകൂടി കോടതിയെ സമീപിച്ചു ഇക്കഴിഞ്ഞ ഫെബ്രൂവരിയിൽ.

ALSO READ: ഗേ ആണെന്ന് വീണ്ടും തുറന്നുപറഞ്ഞുകൊണ്ട് കരൺ ജോഹർ; വെളിപ്പെടുത്തലിൽ ഞെട്ടി ജാൻവി കപൂർ

ദമ്പതികളുടെ അപേക്ഷയിൻമേൽ വിവാഹമോചനം അനുവദിച്ചുകൊണ്ട് കോടതി തീർപ്പ് കല്പിച്ചിരിക്കുന്നു.

സരിതയും സുബ്ബയ്യയും വേർപിരിഞ്ഞിരിക്കുന്നു

സിനിമാലോകത്തെ വ്യക്തികളുടെ ശിഥിലബന്ധങ്ങളുടെ ഏടിൽ എഴുതിച്ചേർക്കാർ ഒരു കഥകൂടി പൂർത്തിയായിരിക്കുന്നു. - വാർത്തയിൽ പറയുന്നത് ഇങ്ങനെ ആണ്.

സുബ്ബയ്യയുമായുള്ള വിവാഹമോചനത്തിനുശേഷം ആണ് സരിത മുകേഷ് വിവാഹം. ശ്രാവൺ, തേജസ് എന്നിവരാണ് മക്കൾ. ഇതിൽ ശ്രാവൺ അഭിനയത്തിൽ സജീവമാണ്.

ശ്രാവൺ യുഎഇയിലെ റാസ് അൽ ഖൈമ സർവകലാശാലയിൽ നിന്നും എംബിബിഎസും നേടിയിരുന്നു. തേജസ് ന്യൂസിലാന്റിലെ വെല്ലിംഗ്ടൺ വിക്ടോറിയ യൂണിവേഴ്സിറ്റി ബിരുദ ധാരിയാണ്. സരിത ഇപ്പോൾ മകൻ ശ്രാവണിനൊപ്പം യുഎഇയിലെ ആണ് താമസമെന്നും റിപോർട്ടുണ്ട്