സഹീർ ഖാനെയല്ല, സിഎസ്കെ ആദ്യം നോട്ടമിട്ടത് ആശിഷ് നെഹ്റയെ; എന്നാൽ അത് നടന്നില്ല, വെളിപ്പെടുത്തി ആർ അശ്വിൻ

1 month ago 5
ഇന്ത്യൻ പ്രീമിയർ ലീഗിന്റെ 2027 സീസണിന് മുന്നോടിയായി ചെന്നെെ സൂപ്പർ കിങ്സ് തങ്ങളുടെ പുതിയ കോച്ചിനെ പ്രഖ്യാപിച്ചിരിക്കുകയാണ്. സഹീർ ഖാനാണ് വരുന്ന സീസണിൽ സിഎസ്കെയുടെ പരിശീലകനാവുന്നത്. അഞ്ച് തവണ കപ്പിലേക്കെത്തിയ ചാമ്പ്യന്മാരുടെ നിരയുടെ പരിശീലകസ്ഥാനത്ത് നിന്ന് അവസാന സീസണോടെ സ്റ്റീഫൻ ഫ്ളമിങ് പടിയിറങ്ങുകയായിരുന്നു.

ബ്രണ്ടൻ മക്കല്ലം, മെെക്കൽ ഹസി എന്നിവരുടെ പേരാണ് പ്രധാനമായും സിഎസ്കെയുടെ പരിശീലകസ്ഥാനത്തേക്ക് ഉയർന്ന് കേട്ടത്. എന്നാൽ ഇവരെയെല്ലാം മറികടന്നാണ് മുൻ ഇന്ത്യൻ പേസറായ സഹീർ ഖാൻ സിഎസ്കെയുടെ മുഖ്യ പരിശീലകനായത്. അതുകൊണ്ടുതന്നെ ആരാധകർക്കെല്ലാം ഈ തീരുമാനം അൽപ്പം സർപ്രെെസായിരുന്നുവെന്ന് പറയാം.

ചെന്നൈ സൂപ്പർ കിങ്സ് കോച്ചായി സഹീർ ഖാൻ, സഞ്ജു സാംസണിന് വൻ നേട്ടം

എന്നാൽ സിഎസ്കെ ആദ്യം പരിശീലക സ്ഥാനത്തേക്ക് പരി​ഗണിച്ചത് സ​ഹീർ ഖാനെ ആയിരുന്നില്ലെന്നാണ് ആർ അശ്വിൻ ഇപ്പോൾ വെളിപ്പെടുത്തുന്നത്. മുൻ ഇന്ത്യൻ പേസറും ​ഗുജറാത്ത് ടെെറ്റൻസ് ക്യാപ്റ്റനുമായ ആശിഷ് നെഹ്റയെയാണ് സിഎസ്കെ പരിശീലകനായി ആദ്യം പരി​ഗണിച്ചത് എന്നാണ് അശ്വിന്റെ വെളിപ്പെടുത്തൽ. എന്നാൽ ഇത് നടക്കാതെ വന്നതോടെയാണ് സിഎസ്കെ സഹീറിലേക്കെത്തിയത്.

'സിഎസ്കെ ഇത്തരമൊരു തീരുമാനം എടുക്കുന്നതിന് മുമ്പ് നിരവധി പരിശീലകരുമായി ചർച്ച നടത്തിയിട്ടുണ്ട്. എനിക്ക് കിട്ടിയ വിവരം അനുസരിച്ച് ആശിഷ് നെഹ്റയുമായും ചർച്ചകൾ നടന്നിരുന്നു. മറ്റ് രണ്ട് മുൻ ഇന്ത്യക്കാരുമായും സിഎസ്കെ ചർച്ച നടത്തിയിരുന്നു. വിദേശ പരിശീലകരേയും പരി​ഗണിച്ചിരുന്നു. എന്നാൽ പല കാരണങ്ങളാണ് കരാർ നടക്കാതെ പോയത്.


Samayam Malayalamകേരള ബ്ലാസ്റ്റേഴ്സിന്റെ അഡ്രിയാൻ ലൂണ നയിക്കും, മുന്നേറ്റത്തിൽ റോയ് കൃഷ്ണയും ഓ​ഗ്ബെച്ചയും; ഐഎസ്എല്ലിലെ ഓൾടെെം ബെസ്റ്റ് വിദേശ ഇലവനിതാ
ഇതിന് കാരണം ഒരു വർഷത്തെ കരാറിൽ പ്രവർത്തിക്കാൻ ആരും തയ്യാറാവാത്തതിനാലാവാം. സിഎസ്കെ ഇപ്പോൾ ചെയ്തതുപോലെ അന്താരാഷ്ട്ര ക്രിക്കറ്റിൽ ചെയ്യാൻ സാധിക്കില്ല. സഹീർ ഖാനെ കൊണ്ടുവന്നത് വളരെ മികച്ച തീരുമാനമാണ്. ബൗളിങ് തന്ത്രം മാത്രമല്ല എല്ലാ തരത്തിലും ബുദ്ധിമാനാണ് സഹീർ ഖാൻ. എംഎസ് ധോണിയുമായി സഹീറിന് മികച്ച ബന്ധമാണുള്ളത്.

കൂടാതെ ഇന്ത്യയുടെ ഇതിഹാസമാണ് സഹീർ ഖാൻ. സിഎസ്കെയെ ഒരു ​ദിശയിലേക്ക് കൊണ്ടുവരാൻ സഹീറിനും ധോണിക്കും സാധിക്കും' എന്നാണ് ആർ അശ്വിൻ യുട്യൂബ് ചാനലിൽ സംസാരിക്കവെ പറഞ്ഞത്. സിഎസ്കെയുമായി ഒരു വർഷത്തെ കരാറാണ് നിലവിൽ സഹീർ ഖാനുള്ളത്. വരുന്ന സീസണിന് മുമ്പ് മിനി താരലേലമാണ് നടക്കാനുള്ളത്. വലിയ മാറ്റങ്ങൾ സിഎസ്കെ ടീമിൽ ഉണ്ടായേക്കില്ല.

IND vs NZ: 5 മത്സരത്തിൽ നിന്ന് 46, സഞ്ജുവിന് ഇതിന് പകരം വീട്ടണം; ന്യൂസീലൻഡ് ടി20 പരമ്പര ചേട്ടന് അഭിമാന പ്രശ്നം, പക്ഷെ എളുപ്പമാവില്ല


അതുകൊണ്ടുതന്നെ സഹീറിന് മുന്നിൽ വലിയ വെല്ലുവിളിയാണ്. സിഎസ്കയുടെ സമീപകാല പ്രകടനങ്ങളൊന്നും അത്ര മികച്ചതല്ല. അതുകൊണ്ടുതന്നെ ഒറ്റ സീസൺകൊണ്ട് അത്ഭുത പ്രകടനത്തിലേക്ക് സിഎസ്കെയെ എത്തിക്കാൻ സഹീറിന് സാധിക്കുമോയെന്നതാണ് കണ്ടറിയേണ്ടത്. സിഎസ്കെയ്ക്കൊപ്പം സഞ്ജു സാംസണും ഡെവാൾഡ് ബ്രെവിസും റുതുരാജ് ​ഗെയ്ക് വാദുമെല്ലാമുണ്ട്.

ഇവരെല്ലാം മികച്ച പ്രകടനം പുറത്തെടുക്കാൻ കഴിവുള്ളവരാണ്. പക്ഷെ സമീപകാലത്തായി ഇവർക്ക് സ്ഥിരതയോടെ കളിക്കാൻ സാധിക്കുന്നില്ല. എംഎസ് ധോണി പരിശീലകസ്ഥാനത്തേക്ക് എത്തുന്നതോടെ സിഎസ്കെയ്ക്ക് വലിയ പ്രകടനത്തിലേക്ക് എത്താൻ സാധിക്കുമെന്ന് തന്നെ കരുതാം. എന്തായാലും സിഎസ്കെയുടെ തകർപ്പൻ തിരിച്ചുവരവ് എല്ലാവരും വരുന്ന സീസണിൽ പ്രതീക്ഷിക്കുന്നു. എന്ത് സംഭവിക്കുമെന്ന് കാത്തിരുന്ന് തന്നെ കാണാം.

വിഷ്ണു പ്രസാദ് എസ്

രചയിതാവിനെക്കുറിച്ച്വിഷ്ണു പ്രസാദ് എസ് സമയം മലയാളത്തിലെ ഡിജിറ്റൽ കണ്ടന്റ് പ്രൊഡ്യൂസർ ആണ് വിഷ്ണു പ്രസാദ് എസ്. മാസ് കമ്യൂണിക്കേഷനിൽ ബിരുദം നേടിയ വിഷ്ണു മം​ഗളം പത്രത്തിലൂടെയാണ് മാധ്യമ പ്രവർത്തനം ആരംഭിച്ചത്. തേജസ്, തത്സമയം, വൺ‌ ഇന്ത്യ മലയാളം എന്നിവടങ്ങളിലെല്ലാം സ്പോർട്സ് വിഭാ​ഗത്തിൽ പ്രവർത്തിച്ചിട്ടുണ്ട്. 2025 ആ​ഗസ്റ്റ് 1മുതൽ സമയം മലയാളത്തിൽ സ്പോർട്സ് വാർത്തകളാണ് കെെകാര്യം ചെയ്യുന്നത്... കൂടുതൽ വായിക്കുക

Read Entire Article