സായി കുമാറുമായുള്ള വിവാഹത്തിന് ശേഷം മണി എന്നോട് മരണം വരെ മിണ്ടിയില്ല; ആ ബന്ധത്തെ കുറിച്ച് ബിന്ധു പണിക്കർ

Authored by: അശ്വിനി പി|Samayam Malayalam•24 Sept 2025, 1:51 pm

ഒത്തിരി സിനിമകളിൽ ഒന്നിച്ച് അഭിനയിച്ചിട്ടുള്ളവരാണ് കലാഭവൻ മണിയും ബിന്ധു പണിക്കറും. സിനിമകളിൽ മാത്രമല്ല, നിരവധി സ്റ്റേജ് ഷോകളും അവരിരുവരും ഒന്നിച്ച് ചെയ്തിട്ടുണ്ട്. അതിലൂടെ തന്നെ നല്ല ഒറു സൗഹൃദ ബന്ധവും ബിന്ധു പണിക്കർക്കും കലാഭവൻ മണിയ്ക്കും ഇടയിലുണ്ടായിരുന്നു. എന്നാൽ അവസാനകാലത്ത് മണി തന്നോട് പിണക്കത്തിലായിരുന്നു എന്ന് ബിന്ധു പണിക്കർ പറയുന്നു

ഒരു അഭിമുഖത്തിൽ ബിന്ധു പണിക്കറും സായി കുമാറും ആ പിണക്കത്തെ കുറിച്ച് സംസാരിക്കുന്ന ഒരു യൂട്യൂബ് ഷോട് വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. സായി കുമാറുമായുള്ള തന്റെ വിവാഹത്തിന് ശേഷമാണ് പിണക്കത്തിലായത് എന്ന് ബിന്ധു പണിക്കർ പറയുന്നു

Also Read: 2016 ൽ ആയിരുന്നു കലാഭവൻ മണിയുടെ മരണം. മരണം വരെ മണി തന്നോട് മിണ്ടിയില്ലായിരുന്നു എന്ന് വെളിപ്പെടുത്തുകയാണ് ഇപ്പോൾ ബിന്ധു പണിക്കർ

ഞങ്ങളുടെ വിവാഹത്തിന് ശേഷം മണി ബിന്ധുവിനോട് മിണ്ടാതിരുന്നത് എന്തായികരുന്നു എന്ന് ഞാനും ആലോചിച്ചിട്ടുണ്ട് എന്ന് സായി കുമാറും പറഞ്ഞു. എന്നോട് മിണ്ടും, പക്ഷേ ബിന്ധുവിനെ കണ്ടാൽ കണ്ട ഭാവം നടിക്കാതെ പോകും. അതെന്താ നിന്നോട് വിഷയം എന്ന് ഞാൻ ചോദിച്ചപ്പോൾ, അവൾക്കും അറിയില്ല. എന്താണ് കാരണം എന്ന് ഞാൻ ചോദിക്കാനും പോയിട്ടില്ല എന്നാണ് ബിന്ധു പണിക്കർ പറഞ്ഞത്.

Also Read: പ്രണയ ഗോസിപ്പുകൾക്കിടയിൽ ധ്രുവ് വിക്രമിന് പിറന്നാൾ ആശംസകളുമായി അനുപമ പരമേശ്വരൻ; അത്ഭുതങ്ങൾ നിന്നെ കാത്തിരിക്കുന്നു

വളരെ നല്ല സുഹൃത്തുക്കളായിരുന്നു ഞങ്ങൾ. ആ സമയങ്ങളിൽ ഒരു ഷോയ്ക്ക് പോകുമ്പോൾ പരസ്പരം മിണ്ടാതിരിക്കുന്നത് നമുക്ക് ബുദ്ധിമുട്ടാണല്ലോ. പക്ഷേ മിണ്ടാതെയും ഞങ്ങൾ ഷോകൾ ചെയ്തു. എന്നാലും മരിക്കുന്നത് വരെയും മണി പിന്നീട് എന്നോട് മിണ്ടിയിട്ടില്ല. എനിക്കൊപ്പം നിൽക്കുന്ന ചേട്ടനോട് മിണ്ടിയിട്ടും എന്നോട് മിണ്ടാതെ പോകുന്നത് എനിക്ക് വലിയ വിഷമം ആയിരുന്നു. അതുകൊണ്ട് എന്താണ് എന്ന് ഞാൻ ചോദിച്ചില്ല- ബിന്ധു പണിക്കർ പറഞ്ഞു.
2009 ൽ ആണ് ബിന്ധു പണിക്കറുടെയും സായി കുമാറിന്റെയും വിവാഹം കഴിഞ്ഞത്. 2016 ൽ ആയിരുന്നു മണിയുടെ മരണം. ഈ ഏഴ് വർഷത്തിനിടയിൽ പല സിനിമകളിലും ഇരുവരും ഒന്നിച്ച് അഭിനയിക്കുകയും, ഷോകൾ ചെയ്യുകയും ചെയ്തിട്ടുണ്ട്.