സായിയുടെ അച്ഛന്‍ എവിടെ? മകന്റെ പതിനഞ്ചാം പിറന്നാളിനും സന്തോഷേട്ടന്‍ വന്നില്ലേ? വീഡിയോ പങ്കുവച്ച് നവ്യ നായര്‍

നവ്യ നായരും ഭര്‍ത്താവ് സന്തോഷ് മേനോനും വേര്‍പിരിഞ്ഞോ എന്നത് ഗോസിപ്പു കോളങ്ങളില്‍ ഇപ്പോള്‍ വലിയ ചര്‍ച്ചയാണ്. പല അഭിമുഖങ്ങളിലും അത്തരമൊരു സൂചന നല്‍കും വിധമാണ് നവ്യ നായര്‍ സംസാരിക്കുന്നത്. വേര്‍പിരിഞ്ഞോ എന്ന ചോദ്യത്തിന് ഇതുവരെ വ്യക്തമായ മറുപടിയും നല്‍കിയിട്ടില്ല. ധന്യ വര്‍മയ്ക്ക് നല്‍കിയ അഭിമുഖത്തില്‍ ആഗ്രഹിച്ചതുപോലൊരു പ്രണയം അനുഭവിക്കാന്‍ കഴിഞ്ഞില്ല എന്ന് നവ്യ പറഞ്ഞതും വൈറലായിരുന്നു.

ഈ സാഹചര്യത്തിലാണ് ഇപ്പോള്‍ മകന്റെ പതിനഞ്ചാം പിറന്നാല്‍ ആഘോഷിച്ച വീഡിയോ നവ്യ നായരുടെ യൂട്യൂബ് ചാനലിലൂടെ പുറത്തുവന്നത്. കോഴിക്കോട് വച്ച് വളരെ ലളിതമായിട്ടാണ് ഇത്തവണ പിറന്നാള്‍ ആഘോഷിച്ചത്. ഫ്രണ്ട്‌സും ഫാമിലിയും മാത്രമാണ് പങ്കെടുത്തത്. ഇത്തവണത്തെ പിറന്നാള്‍ സ്‌പെഷ്യലായി ഒരു കിഡ്‌നി പേഷ്യന്റിന് ഹെല്‍പ് ചെയ്യാം എന്ന് തീരുമാനിച്ചു അതുകൊണ്ടാണ് സിംപിള്‍ ആക്കിയത് എന്ന് സായി പറയുന്നുണ്ട്.

കുഞ്ഞുന്നാളിലേയുള്ള സായുടെ കുറച്ച് കുറുമ്പുകളൊക്കെയാണ് നവ്യ നായര്‍ പങ്കുവയ്ക്കുന്നത്. ചെറുപ്പത്തില്‍ സായി ഏറ്റവും അധികം കണ്ടിരുന്ന സിനിമ ധൂം ആയിരുന്നു. അത് കണ്ട് സ്‌കൂളില്‍ പോയി ഞാന്‍ ആമിര്‍ ഖാന്‍ ആണെന്ന് പറയും. അറ്റന്റന്‍സ് എടുക്കുമ്പോള്‍ സായി കൃഷ്ണ എന്ന് പേര് വിളിച്ചാല്‍ അനങ്ങില്ല, എത്ര തവണ ഞാന്‍ പറഞ്ഞു എന്റെ പേര് ആമിര്‍ ഖാന്‍ ആണെന്ന് - എന്ന് പറഞ്ഞ് സായി ടീച്ചറെ വഴക്കു പറഞ്ഞുവത്രെ.

അവസാനം ധൂമിന്റെ സിഡി വീട്ടില്‍ നിന്നും എടുത്തു മാറ്റേണ്ട അവസ്ഥ വന്നു. പിന്നെ പഴ സായിക്ക് വളരെ ഇഷ്ടമായിരുന്നു. അന്ന് ഞങ്ങള്‍ മുംബൈയില്‍ ആയിരുന്നല്ലോ, ഹിന്ദി കലര്‍ത്തിയ മലയാളമായിരുന്നു സായി പറയാറുള്ളത്, രാവിലെ എഴുന്നേറ്റ് വരുമ്പോള്‍ അമ്മ പഴം ചായിയേ എന്നാണ് പറയുന്നത് എന്ന് നവ്യ ചിരിയോടെ ഓര്‍ക്കുന്നു

മകന്‍ കേക്ക് കട്ട് ചെയ്യുമ്പോള്‍ നവ്യ നായര്‍ വളരെ അധികം ഇമോഷണലായി കരയുന്നുണ്ടായിരുന്നു. പിറന്നാള്‍ ആഘോഷത്തിന് അച്ഛന്‍ സന്തോഷ് മേനോന്റെ അസാന്നിധ്യത്തെ കുറിച്ചാണ് ആരാധകര്‍ ചോദിക്കുന്നത്. സായിയുടെ അച്ഛന്‍ എവിടെ എന്ന കമന്റുകള്‍ വീഡിയോയ്ക്ക് താഴെ വരുന്നുണ്ട്. അമ്മയുടെ ആരോഗ്യ പ്രശ്‌നങ്ങളുമായി ബന്ധപ്പെട്ടാണ് ഇപ്പോള്‍ സന്തോഷ് മേനോന്‍ മാറി നില്‍ക്കുന്നത് എന്നാണ് റിപ്പോര്‍ട്ടുകള്‍.