14 hours ago
2
ദിലീപ്, സുരേഷ് ഗോപി, രാധിക സുരേഷ് ഗോപി, വിനീത്, ലാല്, രണ്ജി പണിക്കര്, ദേവന്, ജീത്തു ജോസഫ്, ആന്റണി പെരുമ്പാവൂര്, ജയറാം, മാളവിക ജയറാം, സിദ്ദിഖ്, ബിന്ദുജ മേനോന് എന്നിങ്ങനെ സിനിമയിലെ പ്രമുഖ താരങ്ങള് എല്ലാം വിവാഹ നിശ്ചയത്തില് പങ്കെടുത്തു. മാധ്യമങ്ങള്ക്ക് അകത്തേക്ക് പ്രവേശനമുണ്ടായിരുന്നില്ല. ഇത് വളരെ സ്വകാര്യമായി, അടുത്ത ആളുകള് മാത്രം പങ്കെടുക്കുന്ന ചടങ്ങാണെന്നാണ് ആശ ശരത് പ്രതികരിച്ചത്. വളരെ ഭംഗിയായി ചടങ്ങുകള് എല്ലാം കഴിഞ്ഞതില് സന്തോഷമുണ്ട് എന്നും ആശ ശരത് പറഞ്ഞു.
ആരാണ് കീര്ത്തന ശരത്തിന്റെ വരന് എന്നാണ് സോഷ്യല് മീഡിയയില് ഏറ്റവും അധികം ഉയരുന്ന ചോദ്യം. അഖില് മഹേഷ് എന്നാണ് പേര്, ഡോക്ടറാണ് എന്നതൊഴികെ മറ്റ് വിവരങ്ങളൊന്നും പുറത്തുവിട്ടിട്ടില്ല. കാനഡയിലെ വെസ്റ്റേണ് സര്വകലാശാലയില് നിന്നും സിന്തറ്റിക് ബയോളജിയില് ബിരുദം നേടിയ ആളാണ് കീര്ത്തന. അമ്മൂമ്മയുടെ പാരമ്പര്യം പിന്തുടര്ന്ന് അമ്മയ്ക്കും ചേച്ചിക്കുമൊപ്പം നൃത്തം ചെയ്യുമെങ്കിലും സജീവ നര്ത്തകിയല്ല.
ആശ ശരത്തിന്റെ മൂത്ത മകളായ ഉത്തരയുടെ വിവാഹം 2023 ല് ആണ് നടന്നത്. ചാര്ച്ചട് അക്കൗണ്ടന്റ് ആയ ആദിത്യ മേനോനാണ് ഉത്തരയുടെ ഭര്ത്താവ്, ആദിത്യനൊപ്പം മുംബൈയില് സെറ്റില്ഡാണ് താരപുത്രി. മെക്കാനിക്കല് എന്ജിനിയറായ ഉത്തര, നൃത്തത്തിലാണ് കൂടുതല് ശ്രദ്ധ കേന്ദ്രീകരിച്ചത്. അമ്മയ്ക്കൊപ്പം സ്റ്റേജുകളില് ഉത്തര സജീവമാണ്. ഖെദ്ദ എന്ന ചിത്രത്തിലൂടെ സിനിമയിലും അഭിനയിച്ചിട്ടുണ്ട്.
മക്കളടെ വളര്ച്ചയും, അവര് തന്നില് നിന്ന് വിവാഹത്തിലൂടെ മാറി നില്ക്കുന്നതുമെല്ലാം തന്നെ സംബന്ധിച്ച് വളരെ ഇമോഷണലാണ് എന്ന് ആശ ശരത് പറഞ്ഞിരുന്നു. അഭിനയത്തില് നേരത്തെ അവസരങ്ങള് വന്നിരുന്നുവെങ്കിലും കുടുംബത്തിനും മക്കള്ക്കും വേണ്ടിയാണ് ആശ അതൊക്കെ മാറ്റിവച്ചത്. പിന്നീട് മക്കള് സ്വന്തം കാര്യം ചെയ്യാന് പ്രാപ്തരായപ്പോഴാണ് സജീവമായി അഭിനയത്തിലേക്ക് ഇറങ്ങിയത്. ഇപ്പോള് നൃത്തവും അഭിനയവും ഒരുമിച്ചുകൊണ്ടുപോകുന്നു.
English (US) ·