സിക്‌സര്‍ വീരന് മംഗല്യം; റിങ്കു സിങ്-സമാജ്വാദി എംപി പ്രിയ സരോജ് വിവാഹനിശ്ചയം ജൂണ്‍ എട്ടിന്

Authored by: നിഷാദ് അമീന്‍|Samayam Malayalam•1 Jun 2025, 4:17 pm

ഇന്ത്യന്‍ ക്രിക്കറ്റ് താരം റിങ്കു സിങ് (Rinku Singh) വിവാഹിതനാവുന്നു. സമാജ്വാദി പാര്‍ട്ടി എംപി പ്രിയ സരോജ് (Priya Saroj MP) ആണ് റിങ്കുവിന്റെ സഖി. ജൂണ്‍ എട്ടിന് ലഖ്നൗവില്‍ വിവാഹനിശ്ചയം നടത്തും. ലോക്സഭയിലെ ഏറ്റവും പ്രായം കുറഞ്ഞ അംഗമാണ് പ്രിയ.ഒരു വര്‍ഷത്തിലേറെയായി ഇരുവരും ഒരുമിച്ചാണ് ജീവിക്കുന്നത്. ഇരുവരുടെയും സുഹൃത്ത് വഴിയാണ് ആദ്യമായി പരിചയപ്പെടുന്നത്. 2025 നവംബറില്‍ വിവാഹം നടക്കുമെന്ന് ഇന്ത്യ ടുഡേ റിപ്പോര്‍ട്ട് ചെയ്തു. കെരകത്തില്‍ നിന്നുള്ള എസ്പി എംഎല്‍എയും പ്രിയയുടെ പിതാവുമാണ് ഇവരുടെ വിവാഹം സ്ഥിരീകരിച്ചത്.


'റിങ്കുവും പ്രിയയും ഒരു വര്‍ഷത്തിലേറെയായി പരസ്പരം പരിചയമുള്ളവരാണ്. ഇരുവരും ഇഷ്ടത്തിലായിരുന്നുവെങ്കിലും ബന്ധത്തിന് രണ്ട് കുടുംബങ്ങളുടെയും സമ്മതം ആവശ്യമാണ്. ഇപ്പോള്‍ രണ്ട് കുടുംബങ്ങളും ഈ വിവാഹത്തിന് സമ്മതിച്ചു- അദ്ദേഹം പറഞ്ഞു.

ക്രിസ്റ്റ്യാനോ റൊണാള്‍ഡോ ഇനി എങ്ങോട്ട്? അല്‍ നസ്‌റിലെ കാലാവധി നാളെ തീരും; 40കാരന് വന്‍ ഓഫറുകളുമായി രണ്ട് ക്ലബ്ബുകള്‍
കാത്തിരുന്ന താരവിവാഹം അടുത്ത നവംബര്‍ 18 ന് വാരണാസിയിലെ താജ് ഹോട്ടലില്‍ വിവാഹം നടക്കുമെന്നാണ് വിവരം. ജൂണ്‍ എട്ടിന് നടക്കുന്ന വിവാഹനിശ്ചയ ചടങ്ങില്‍ അടുത്ത സുഹൃത്തുക്കളും കുടുംബാംഗങ്ങളും മാത്രമായിരിക്കും പങ്കെടുക്കുക. എന്നാല്‍ വിവാഹം രാഷ്ട്രീയ നേതാക്കളും സിനിമാ മേഖലയിലെ പ്രമുഖരും പങ്കെടുക്കുന്ന ഗംഭീര ചടങ്ങായിരിക്കും.

എംബാപ്പെ Vs ലമീന്‍ യമാല്‍: സീസണില്‍ മിന്നിയത് ആര്? ഇരുവര്‍ക്കും കിടിലന്‍ റെക്കോഡുകള്‍
ഐപിഎല്‍ 2025ല്‍ നിലവിലെ ചാമ്പ്യന്‍മാരായ കൊല്‍ക്കത്ത നൈറ്റ് റൈഡേഴ്സിന് വേണ്ടി റിങ്കു സിങ് കളിച്ചിരുന്നു. ബിഗ് ഹിറ്റുകളിലൂടെ മാച്ച് വിന്നറായി പേരെടുത്ത റിങ്കിവിന് ഇത്തവണ തിളങ്ങാനായില്ല.

കെകെആറിനായി 13 മത്സരങ്ങള്‍ കളിച്ച റിങ്കു 29.42 ശരാശരിയില്‍ 206 റണ്‍സ് നേടി. ഉയര്‍ന്ന വ്യക്തിഗത സ്‌കോര്‍ 38 ആയിരുന്നു. ഒരു അര്‍ധസെഞ്ചുറി പോലും നേടാന്‍ റിങ്കുവിന് കഴിഞ്ഞില്ല. ടീം എന്ന നിലയില്‍ കെകെആര്‍ സീസണിലുടനീളം മോശം പ്രകടനമാണ് കാഴ്ചവച്ചത്. 14 മത്സരങ്ങളില്‍ അഞ്ച് വിജയങ്ങളോടെ പോയിന്റ് പട്ടികയില്‍ എട്ടാം സ്ഥാനത്ത് ഫിനിഷ് ചെയ്തു.

ഉത്തര്‍പ്രദേശിലെ വാരണാസിയിലെ കാര്‍ഖിയോണ്‍ ഗ്രാമമാണ് പ്രിയ സരോജിന്റെ സ്വദേശം. സമാജ്വാദിക്ക് വേണ്ടി രാഷ്ട്രീയത്തില്‍ സജീവമായി പ്രവര്‍ത്തിച്ചുവരുന്നു. 2024 ലെ പൊതുതെരഞ്ഞെടുപ്പില്‍ ഉത്തര്‍പ്രദേശിലെ മച്ച്ലിഷഹറില്‍ നിന്ന് വിജയിച്ചാണ് ലോക്സഭയിലെ ഏറ്റവും പ്രായം കുറഞ്ഞ അംഗമായത്. സുപ്രീം കോടതി അഭിഭാഷകയായും ജോലി ചെയ്തു. നോയിഡയിലെ അമിറ്റി യൂണിവേഴ്‌സിറ്റിയില്‍ നിന്ന് നിയമ ബിരുദവും നേടിയിട്ടുണ്ട്.