സുചിത്രയ്ക്ക് അവരുടേതായ സ്റ്റൈൽ ഉണ്ട്! എളിമയാണ് മെയിൻ; അല്ലെങ്കിൽ ഷാജോണിനെ കണ്ടപ്പോൾ പോലും എഴുനേൽക്കണോ

Authored by: ഋതു നായർ|Samayam Malayalam•25 Sept 2025, 1:03 pm

സുചിത്ര മോഹൻലാൽ ! ഇന്ത്യകണ്ടതിൽ വച്ചേറ്റവും വലിയ ചലച്ചിത്ര പുരസ്‌കാരം 'ദാദ സാഹിബ് ഫാൽക്കെ പുരസ്‌കാര' ജേതാവിന്റെ ഭാര്യ. പത്മശ്രീ പുരസ്കാരവും രാജ്യത്തെ മൂന്നാമത്തെ ഉയർന്ന സിവിലിയൻ ബഹുമതിയായ പത്മഭൂഷൺ ബഹുമതിയും നേടിയ മോഹൻലാലിൻറെ ഭാര്യ. നിരവധി ചലച്ചിത്ര പുരസ്‌കാരങ്ങൾ നേടിയ ആളുടെ ഭാര്യ. മക്കളും അറിയപെടുന്നവർ. സ്വന്തം കുടുംബവും വര്ഷങ്ങളായി ചലച്ചിത്ര രംഗത്തു പ്രവർത്തിക്കുന്നവർ, എന്നിങ്ങനെ നിരവധി വിശേഷണങ്ങൾ ഉണ്ട് താരത്തിന്. എന്നിട്ടും എളിമയുടെ പര്യായം എന്നാണ് സുചിത്രയെ അറിയപെടുന്നവർ എല്ലാം വിശേഷിപ്പിക്കുക.

എവിടെയും അവരെ വളരെ സിംപിൾ ആയിട്ട് മാത്രമേ കണ്ടിട്ടുള്ളൂ. മോഹൻലാലിൻറെ ഭാര്യ എന്നതിൽ ഉപരി അറിയപ്പെടുന്ന കുടുംബത്തിലെ അംഗമാണ് സുചിത്ര സുചിത്രയുടെ പിതാവ് കൃഷ്ണമാചാരി ബാലാജി ഒരു ചലച്ചിത്ര നിർമ്മാതാവും നടനുമായിരുന്നു, അമ്മ ആനന്ദവല്ലി . ചേട്ടൻ സുരേഷ് ബാലാജിയും ഇൻഡസ്ട്രിയിൽ അറിയപ്പെടുന്ന ആള്. ലാലേട്ടനോടുള്ള പ്രണയം ആണ് ഈ വിവാഹത്തിലേക്ക് എത്തിച്ചതും. വിവാഹത്തിന് മുൻപേ തന്റെ പ്രണയത്തെ പറയാനായി ദിവസവും ആറോളം കാർഡുകൾ ആണ് സുചിത്ര മോഹൻലാലിനു വേണ്ടി അയച്ചിരുന്നത്. അങ്ങനെ ആ പ്രണയം പൂവണിഞ്ഞു.

ALSO RED: ആ വാക്കുകൾ എന്റെ ഹൃദയത്തിൽ സൂക്ഷിക്കുന്നു, ബിടിഎസ് ആർ എം നൽകിയ ഉപദേശത്തെ കുറിച്ച് കോർട്ടിസിന്റെ മാർട്ടിൻഎവിടെയും ആർഭാടങ്ങൾ സുചിത്ര മോഹൻലാൽ കാണിച്ചിട്ടില്ല. പകരം ലാളിത്യം തുളുമ്പുന്ന സംസാരം. ചെന്നൈയിൽ പഠിച്ചുവളർന്നിട്ടും മലയാള തനിമ വിടാതെയുള്ള പെരുമാറ്റം ഒക്കെയും സുചിത്രയെ മറ്റുള്ളവരിൽ നിന്നും വ്യത്യസ്തയാക്കി. പൊതുവെ മാധ്യമങ്ങളോട് മുഖം തിരിക്കുന്ന താരപത്നിമാരിൽ നിന്നും വ്യത്യസ്ത ആണ് സുചിത്ര. മാധ്യമങ്ങളെ കണ്ടാൽ മുഖം തിരിക്കാതെ അവരോട് ഒരു ചെറുചിരി എങ്കിലും സമ്മാനിച്ച ശേഷമേ സുചിത്ര അകലുകയുള്ളൂ. ഏറ്റവും ഒടുവിൽ കരം സിനിമ കാണാൻ തീയേറ്ററിൽ എത്തിയതാണ് സുചിത്ര. വിശാഖ് സുബ്രമണ്യം നിർമ്മാണം നിർവഹിക്കുന്ന ചിത്രത്തിന്റെ സംവിധാനം വിനീത് ശ്രീനിവാസൻ ആണ്.

വിശാഖ് ഒക്കെയായി അടുത്ത ബന്ധം പുലർത്തുന്ന സുചിത്രയും ലാലേട്ടനും എല്ലാ പരിപാടികളിലും സംബന്ധിക്കാറുണ്ട്. കരം കാണാൻ എത്തിയപ്പോൾ വിശാഖിന്റെ കൈപിടിച്ചെത്തുന്ന സുചിത്രയെ നിറഞ്ഞ കൈയടിയോടെയാണ് ആരാധകർ കൂടി സ്വീകരിക്കുന്നത്. തിയേറ്ററിന്റെ ഉള്ളിൽ വച്ച് ഷാജോണിനെ കാണുമ്പൊൾ എഴുന്നേറ്റ് നിന്ന് സംസാരിക്കുന്നതും അവരുടെ എളിമയുടെ നിറവിനെ ആണ് കാണിക്കുന്നതെന്നും ആരാധകർ ചൂണ്ടിക്കാണിക്കുന്നു.

ALSO RED: വിനീതിനും ചിലത് പറയാനുണ്ട്! അച്ഛൻ കരം കണ്ടോ! നോബിൾ എങ്ങനെ നായകനായി! 'വിനീത് ജോമോൻ ഷാൻ ത്രയം' വീണ്ടും
നടന്ന കാര്യങ്ങളും ഓർക്കാറില്ല നടക്കാൻ പോകുന്ന കാര്യങ്ങളും ഓർക്കാത്ത ആളാണ് ലാലേട്ടൻ എന്നും മാധ്യമങ്ങളുടെ ചോദ്യങ്ങൾക്ക് മറുപടി നൽകിക്കൊണ്ട് സുചിത്ര പറഞ്ഞു.