സുധിയുടെ ആത്മാവ് ഇവിടെയൊക്കെയുണ്ട്! രേണുവിനോട് ജീജയുടെ മറുപടി; വേദിയിൽ വിങ്ങിപ്പൊട്ടി താരം

1 year ago 36

Authored by: ഋതു നായർ|Samayam Malayalam•11 Jun 2025, 10:15 am

സുധി രണ്ടുമക്കളെയും കുറിച്ച് എന്നോട് പറഞ്ഞിട്ടുണ്ട്. അതിൽ ഇളയ കുട്ടി ഞാൻ ആണെന്ന് പറഞ്ഞില്ലേ അത് എന്നോടും പറഞ്ഞിരുന്നു. സുധിയുടെ ആത്മാവ് ഇവിടെ തന്നെയുണ്ട്.

ജീജ സുരേന്ദ്രൻ കൊല്ലം സുധിജീജ സുരേന്ദ്രൻ കൊല്ലം സുധി (ഫോട്ടോസ്- Samayam Malayalam)
സോഷ്യൽ മീഡിയയിലെ സെൻസേഷണൽ താരമാണ് രേണു സുധി . ഇക്കഴിഞ്ഞ ദിവസം അഭിനയത്തിലെ പുതുമുഖ താരമെന്ന നിലക്കുള്ള അവാർഡും വാങ്ങിയ രേണു വേദിയിൽ വച്ച് ഇമോഷണൽ ആയി സംസാരിച്ചിരുന്നു. ഇതിനിടയിലാണ് ജീജ സുരേന്ദ്രൻ രേണുവിനോട് സംസാരിക്കുന്ന വീഡിയോ കൂടി വൈറലാകുന്നത്.

ജീജയുടെ വാക്കുകൾ വിശദമായി വായിക്കാം

രേണു ഉണ്ടെന്ന് അറിഞ്ഞതോടെയാണ് എനിക്ക് ഈ പ്രോഗ്രാമിൽ വരാനുള്ള ആവേശം കൂടിയത്. തിരക്ക് ആയിരുന്നുവെങ്കിലും ഈ ചടങ്ങിൽ വരണം എന്ന് വല്ലാതെ ആഗ്രഹിച്ചു. വലിയ നടിമാരെ പോലെയുള്ള തിരക്ക് ആണ് ഇപ്പോൾ രേണുവിന്‌. കുഞ്ഞിപ്പാപ്പ എന്നൊരു സിനിമയിൽ ഞാനും സുധിയും ഒരുമിച്ച് അഭിനയിച്ചു. ചാനലുകളിൽ മാത്രം കണ്ടിരുന്ന സുധിക്ക് ഒപ്പം അഭിനയിക്കാൻ എനിക്ക് കഴിഞ്ഞു. അന്ന് രേണുവും സുധിക്ക് ഒപ്പം ഉണ്ടായിരുന്നു. ഞങ്ങൾ ഒരേ ഹോട്ടലിൽ ആണ് താമസിച്ചത്. അദ്ദേഹത്തിന്റെ ഹൃദയം എന്ന് പറയുന്നത് അത്രയും ശുദ്ധമാണ്. ഒരുപാട് സങ്കടങ്ങൾ ഉള്ള ഒരു മനുഷ്യൻ ആയിരുന്നു. ആ ഹൃദയം അവൻ എന്റെ കൈയ്യിൽ വച്ച് തന്നു.

രേണു അന്ന് ആരാണ് എന്നുപോലും എനിക്ക് അറിയില്ല. ഞാൻ അടുത്തിരിക്കെ രേണുവിനെ അടുത്തേക്ക് വിളിച്ചിട്ട് സുധി പറഞ്ഞു ജീജ ചേച്ചി കൂടെ ഉണ്ടെന്ന്. അത് എന്തിനാണ് അങ്ങനെ പറഞ്ഞതെന്ന് പോലും എനിക്ക് അറിയില്ല. പിന്നീട് സിനിമയുടെ ഡബ്ബിങ് സമയത്ത് സുധി ഈ ലോകത്തിൽ തന്നെ ഇല്ല. സുധി മരിച്ചപ്പോൾ ഞാൻ കാണാൻ പോയില്ല. കാരണം ജീവനുള്ള സുധിയുടെ ഓർമ്മകൾ ആയിരുന്നു എന്റെ മനസ്സ് നിറയെ മരിച്ചു കിടന്ന സുധിയെ എനിക്ക് കാണണ്ട എന്ന് ഓർത്തു. പിന്നെ ഞാൻ ഡബ്ബ് ചെയ്യാൻ പോയപ്പോൾ ഒക്കെയും സുധിയെ കുറിച്ചാണ് ചിന്തിച്ചത്.

ALSO READ: ഒരു പരസ്യത്തിന് അഞ്ചുകോടി വാങ്ങുന്ന ആളാണ്! ലബോര്ഗിനി മുതൽ കോടികളുടെ വീട് വരെയുണ്ട്; പക്ഷെ ജോർജ് സാർ സിംപിളാണേ!

ഇന്ന് സുധിയുടെ ഭാര്യ അറിയപ്പെടുന്ന ഒരു ആർട്ടിസ്റ്റ് ആയി. അസൂയക്കാർ പലതും പറയും അതൊന്നും കാര്യമാക്കരുത്. സങ്കടപെടരുത്. ലോകം എന്താണ് സിനിമ സീരിയൽ താരങ്ങളെ കുറിച്ച് പറയുന്നത് എന്ന് ഇപ്പോൾ നിനക്ക് മനസിലായോ- അടുത്തുനിൽക്കുന്ന രേണുവിനോട് ജീജ ചോദിക്കുന്നു.

സത്യം എന്താണ് എന്ന് അനുഭവിക്കുന്ന നമ്മൾക്ക് അല്ലെ അറിയൂ. എനിക്ക് ഒറ്റ കാര്യമേ പറയാൻ ഉള്ളൂ ആരോടും ദേഷ്യപ്പെടാൻ നിക്കരുത് എന്നാണ്. എന്റെ പൊന്നുമോനെ ഞാൻ ജീവിക്കാൻ ആണ് നടക്കുന്നത്, ഇതൊന്നും എന്നെ ബാധിക്കില്ല എന്ന് മാത്രം പറഞ്ഞാൽ മതി. സുധി രണ്ടുമക്കളെയും കുറിച്ച് എന്നോട് പറഞ്ഞിട്ടുണ്ട്. അതിൽ ഇളയ കുട്ടി ഞാൻ ആണെന്ന് പറഞ്ഞില്ലേ അത് എന്നോടും പറഞ്ഞിരുന്നു. സുധിയുടെ മോനായി അവന്റെ സ്വഭാവത്തിൽ അവൻ വളരട്ടെ.

സുധി ഇവിടെ ഉണ്ട്. ആ ആത്മാവ് ഇവിടെ ഉണ്ടെന്ന് ഞാൻ വിശ്വസിക്കുന്നു. കരയിപ്പിക്കാൻ ശ്രമിക്കുന്നവരുടെ മുൻപിൽ പകയോടെ ജീവിക്കണം; രേണുവിനോട് ഉപദേശമായി ജീജ പറയുന്നു.

Read Entire Article