സൂപ്പർ താരങ്ങളുടെ അഭാവം മുംബൈയെയും ഗുജറാത്തിനേയും വേട്ടയാടും! തോൽക്കുന്നവർ ബൈ ബൈ; എലിമിനേറ്ററിലെ ജീവൻമരണ പോരാട്ടം

മുല്ലൻപുർ (പഞ്ചാബ്) ∙ സീസണിലെ ആദ്യ 5 മത്സരങ്ങളിൽ നാലിലും തോറ്റിട്ടും പ്ലേ ഓഫ് സ്ഥാനം ഓടിപ്പിടിച്ച മുംബൈ ഇന്ത്യൻസ്. അവസാന 2 മത്സരങ്ങളിലെ തോൽവിയിലൂടെ പോയിന്റ് പട്ടികയുടെ തലപ്പത്തുനിന്നു വീണ ഗുജറാത്ത് ടൈറ്റൻസ്. ഐപിഎൽ പ്ലേഓഫിലെ ജീവൻമരണ പോരാട്ടമായ എലിമിനേറ്ററിൽ ഇന്നു നേർക്കുനേർ വരുന്നത് പോരാട്ട മികവിലൂടെ ആരാധകരുടെ മനസ്സു കവർന്ന 2 ടീമുകൾ. തോൽക്കുന്ന ടീം ഐപിഎലിനോട് ബൈ പറയും. ജേതാക്കൾ രണ്ടാം ക്വാളിഫയറിൽ പഞ്ചാബുമായി മത്സരിക്കും.  മത്സരം രാത്രി 7.30 മുതൽ. സ്റ്റാർ സ്പോർട്സിൽ തത്സമയം.

മറുവശത്തു 3 അർധ സെഞ്ചറി നേടിയ റയാൻ റിക്കൽറ്റന്റെ അഭാവം മുംബൈ ടോപ് ഓർഡറിന്റെ വീര്യം കുറയ്ക്കും. ഇംഗ്ലിഷ് ഓൾറൗണ്ടർ വിൽ ജാക്സും പ്ലേ ഓഫ് മത്സരങ്ങൾക്കില്ല. ഓപ്പണിങ്ങിൽ രോഹിത്തിന്റെ കൂട്ടാളിയായി ഇംഗ്ലിഷ് താരം ജോണി ബെയർസ്റ്റോയെ ടീമിലെത്തിച്ചിട്ടുണ്ട്.