സൂപ്പർതാരം പുറത്തേക്ക്; ശുഭ്മാൻ ഗില്ലിന്റെ ഗുജറാത്ത് ടൈറ്റൻസിന് തിരിച്ചടി, താരത്തിന്റെ പുറത്താകൽ പരിക്ക് മൂലമെന്ന് സൂചന

Edited byഅനുഷ ഗംഗാധരൻ | Samayam Malayalam | Updated: 12 Apr 2025, 12:43 pm

Samayam Malayalamഗുജറാത്ത് ടൈറ്റൻസ്

അഹമ്മദാബാദ്: ഇന്ത്യൻ പ്രീമിയർ ലീഗിൽ നിലവിൽ ടേബിൾ ടോപ്പിൽ നിൽക്കുന്ന ടീമാണ് ഗുജറാത്ത് ടൈറ്റൻസ്. സീസണിലെ ആദ്യ മത്സരം തോറ്റുതുടങ്ങി എങ്കിലും ബാക്കി മത്സരങ്ങൾ എല്ലാം വലിയ മാർജിനിൽ ജയിക്കാൻ ടീമിന് സാധിച്ചിരുന്നു. ഇന്ന് ലക്‌നൗവുമായുള്ള സീസണിലെ ആറാം മത്സരത്തിനായി ഇറങ്ങുകയാണ് ശുഭ്മാൻ ഗിൽ നയിക്കുന്ന ഗുജറാത്ത് ടൈറ്റൻസ്.
ഗുജറാത്ത് ശക്തരാണെങ്കിലും ലക്‌നൗവിനെ പേടിക്കണം, റൺവേട്ടയിലെ ഒന്നാമനും രണ്ടാമനും നേർക്കുനേർ; ടീമുകൾ നേരിടുന്ന പ്രധാന വെല്ലുവിളികൾഎന്നാൽ ടീമിന് ഏറെ നിരാശ നൽകുന്ന ഒരു റിപ്പോർട്ടാണ് ഇപ്പോൾ പുറത്തുവന്നിരിക്കുന്നത്. ഐപിഎൽ മെഗാ താരലേലത്തിൽ 2 കോടി രൂപയ്ക്ക് ടീമിലെത്തിച്ച ന്യൂസിലൻഡ് താരം ഗ്ലെൻ ഫിലിപ്സ് ഗുജറാത്ത് ടൈറ്റൻസിൽ നിന്ന് പുറത്തായി എന്നാണ് ലഭിക്കുന്ന വിവരം. 2025 സീസണിലെ സൺറൈസേഴ്‌സ് ഹൈദരാബാദിനെതിരായ മത്സരത്തിനിടെ പകരക്കാരനായി ഇറങ്ങുന്നത്. എന്നാൽ ആ മത്സരത്തിൽ ഫീൽഡിങ് സമയത്ത് ഏറ്റ പരിക്കിനെ തുടർന്ന് മാറ്റ് മത്സരങ്ങൾ താരത്തിന് നഷ്ടമാവുകയായിരുന്നു.
അതേസമയം ഐസിസി ചാമ്പ്യൻസ് സ്ട്രോഫിയിൽ ഏറെ ശ്രദ്ധേയനായ താരമായിരുന്നു ഗ്ലെൻ ഫിലിപ്സ്. അദ്ദേഹത്തിന്റെ ഫീൽഡിങ് മികവ് എതിർ ടീമുകളെ ഭയപ്പെടുത്തുന്നതായിരുന്നു. അതുകൊണ്ടുതന്നെ ഗുജറാത്ത് ടൈറ്റൻസിൽ താരം ഫീൽഡിങ്ങിനിറങ്ങുമ്പോൾ മറ്റ് ടീമുകൾക്ക് അതൊരു പേടിസ്വപനമാകുമെന്ന് ഉറപ്പായിരുന്നു. എന്നാൽ പരിക്ക് വില്ലനായതോടെ ഐപിഎൽ പൂർത്തിയാക്കാൻ സാധിക്കാതെ മടങ്ങേണ്ടി വന്നു. ഐസിസി ചാമ്പ്യൻസ് ട്രോഫിയിൽ ഒന്നിലേറെ മത്സരങ്ങളിൽ താരത്തിന്റെ പറക്കും ക്യാച്ച് ആരാധകർക്ക് കാണാൻ സാധിച്ചിരുന്നു. അതും ഇന്ത്യക്കെതിരെ നടന്ന മത്സരത്തിലായിരുന്നു ഒരു സുപ്രധാന പറക്കും ക്യാച്ച് ഫിലിപ്സ് കാഴ്ചവെച്ചത്. അതും ഫൈനൽ പോരാട്ടത്തിൽ. അന്ന് ഗ്ലെൻ ഫിലിപ്സ്റ്റിന്റെ പറക്കും ക്യാച്ചിൽ കുടുങ്ങിയത് ജുറത്ത് ടൈറ്റൻസ് ക്യാപ്റ്റൻ ശുഭ്മാൻ ഗില്ലായിരുന്നു.
അടുത്ത കളിയിൽ രാജസ്ഥാൻ റോയൽസ് ടീമിൽ ഈ രണ്ട് വമ്പൻ മാറ്റങ്ങൾ വന്നേക്കും; പുറത്താവുക ഈ താരങ്ങൾ, രണ്ടും കൽപ്പിച്ച് ടീംഇന്ത്യൻ ബാറ്റിങ്ങിന്റെ 19-ാം ഓവറിലാണ് സംഭവം. ന്യൂസിലാൻഡ് ക്യാപ്റ്റനും സ്പിന്നറുമായ മിച്ചൽ സാന്റനർ എറിഞ്ഞ പന്തിൽ ഒരു കവർ ഡ്രൈവിനായിരുന്നു ഇന്ത്യൻ വൈസ് ക്യാപ്റ്റന്റെ ശ്രമം. എന്നാൽ ഗ്ലെൻ ഫിലിപ്സ് തന്നെ കടന്നുപോകാൻ ഒരു പന്തിനെയും അനുവദിക്കില്ലെന്ന നിലപാടിലായിരുന്നു. ഒരൊറ്റ കൈയ്യിൽ ഫിലിപ്സ് ക്യാച്ച് കൈപ്പിടിയിലാക്കി.ഈ ക്യാച്ച് അന്ന് ക്രിക്കറ്റ് ലോകം ഏറെ ചർച്ച ചെയ്‌തിരുന്നു. അതുകൊണ്ടു തന്നെ ഇത്തവണ പ്രീമിയർ ലീഗിലും ഗ്ലെൻ ഫിലിപ്സ്റ്റിന്റെ പറക്കും ക്യാച്ചുകൾ കാണാൻ സാധിക്കുമെന്ന പ്രതീക്ഷയിലായിരുന്നു ആരാധകർ. ഐപിഎല്ലിൽ നിന്ന് താരം പുറത്തായതോടെ ആ പ്രതീക്ഷകൾ അവസാനിച്ചു. അതേസമയം ഇന്ന് ലക്‌നൗ സൂപ്പർ ജയന്റ്സിനി നേരിടാൻ ഒരുങ്ങുകയാണ് ഗില്ലും കൂട്ടരും. ടേബിളിൽ ഒന്നമായി നിൽക്കുന്ന ഗുജറാത്ത് സ്ഥാനം നിലനിർത്താനുള്ള പോരാട്ടത്തിലാണ്.