സ്റ്റേറ്റ് സ്ക്വാഷ് ചാംപ്യൻഷിപ്പ്: സുഭദ്ര കെ. സോണിക്ക് കിരീടം

തിരുവനന്തപുരം∙ എട്ടാമത് സ്റ്റേറ്റ് സ്ക്വാഷ് ചാംപ്യൻഷിപ്പിൽ മുൻവർഷങ്ങളിലെ ചാംപ്യനായ നിഖിത .ബിയെ നേരിട്ടുള്ള സെറ്റിൽ അട്ടിമറിച്ച് കഴിഞ്ഞ വർഷത്തെ അണ്ടര്‍ 19  ചാംപ്യനായിരുന്ന സുഭദ്ര കെ. സോണി വനിതാ വിഭാഗത്തിൽ ഒന്നാമത്. സ്കോർ -13-11,14-12,11-1.

ചന്ദ്രശേഖരൻ നായർ സ്റ്റേഡിയത്തിലെ നാഷനൽ ഗെയിംസ് സ്ക്വാഷ് സെന്ററിൽ വച്ചു നടന്ന ചാംപ്യൻഷിപ്പിൽ പുരുഷവിഭാഗത്തിൽ അഭിൻ ജോ ജെ. വില്യംസ്, ഓംകാർ വിനോദിനെ 8-11,11-8,11-3,11-5 ന് തോൽപ്പിച്ച് കിരീടം നിലനിർത്തി. മറ്റു വിഭാഗ ങ്ങളിൽ കിരീടം നേടിയവർ : ഹരിനന്ദൻ സി.ജെ (അണ്ടർ 11), റോഷൻ സുരേഷ് ( അണ്ടര്‍ 13), കാർത്തികേയൻ എം. ആർ (അണ്ടര്‍ 15), ആകാശ് ബി.എസ്(അണ്ടര്‍ 17), ആരാധന ദിനേഷ്( അണ്ടർ 13 ഗേൾസ്), അദിതി നായർ(അണ്ടർ‌ 17 ഗേൾസ്).