സ്വന്തം കുഞ്ഞെന്ന പോലെ ആയിരുന്നു അവൾ അവർക്ക്! ആചാരങ്ങൾ പാലിച്ചുകൊണ്ട് അടക്കം ചെയ്തു; അവരുടെ സങ്കടം വാക്കുകൾക്ക് അതീതം

Authored by: ഋതു നായർ|Samayam Malayalam•21 Nov 2025, 11:36 am

വീട്ടിലെ വളർത്തുമൃഗങ്ങൾ അരുമകൾ മാത്രമല്ലെ എന്ന് നമ്മൾ ചിന്തിക്കും . എന്നാൽ ഒരു തരത്തിൽ അല്ലെങ്കിൽ മറ്റൊരു തരത്തിൽ ജീവിതത്തിൽ ഏറെ സ്വാധീനം ചെലുത്തുന്ന അവർ നമ്മുടെ കുടുംബത്തിലെ അംഗങ്ങൾ തന്നെ ആയിരിക്കും എന്ന് പറയുകയാണ് മൃദുല മുരളി . തങ്ങളുടെ പ്രിയപ്പെട്ട ശീഷൂവിനെ നഷ്ടപ്പെട്ടതിനെ കുറിച്ച് എഴുതുകയാണ് മൃദുല . വികാരഭരിതമായ വാക്കുകൾ കൊണ്ടാണ് ഷീഷൂവിനെക്കുറിച്ച് മൃദുല വാചാലയായത്. അവൾക്ക് അര്ഹതപ്പെട്ട രീതിയിൽ അച്ഛനും അമ്മയും അവളുടെ ആത്മാവിന് വേണ്ടുന്ന എല്ലാ കർമ്മങ്ങളും നടത്തിയാണ് യാത്ര ആക്കിയതെന്നും മൃദുല പറഞ്ഞു.

മൃദുലയുടെ വാക്കുകൾ

സ്വന്തം കുട്ടിക്കുവേണ്ടി ചെയ്യുന്ന ആചാരങ്ങൾ ഇല്ലാതെ ഷീഷൂവിനെ പറഞ്ഞയക്കാൻ എന്റെ മാതാപിതാക്കൾക്ക് ആകുമായിരുന്നില്ല. കാരണം സ്വന്തം കുഞ്ഞുങ്ങളെ എങ്ങനെ സ്നേഹിക്കുന്നോ അവർ അങ്ങനെ തന്നെയാണ് ഷീഷൂവിനെയും സ്നേഹിച്ചത് അവർക്ക് സ്വന്തം കുഞ്ഞുതന്നെ ആയിരുന്നു അവൾ. അങ്ങനെ ഞങ്ങൾ അവൾക്ക് വേണ്ടുന്ന എല്ലാ ആചാരങ്ങളും നൽകിയാണ് ദഹിപ്പിച്ചത്. അവളുടെ ചിതാഭസ്മം ഏറ്റുവാങ്ങി.ഒരുമിച്ച് കൊണ്ടുപോയി ദഹിപ്പിച്ചു, അവൾക്ക് ആത്മാവിന് നിത്യശാന്തി കിട്ടുമെന്ന് എന്റെ അച്ഛനും അമ്മയും വിശ്വസിച്ച എല്ലാ ആചാരങ്ങളും ചെയ്തു.

എന്റെ നിരീശ്വരവാദം, എന്റെ അവിശ്വാസം, ആ സമയത്ത് അതൊന്നും പ്രധാനമായിരുന്നില്ല.. ഞാൻ ചോദ്യം ചെയ്തതിനേക്കാൾ വലുതായിരുന്നു അവരുടെ വേദന. ഒരിക്കലും മായ്ക്കാൻ കഴിയാത്ത ഒരു നഷ്ടത്തിൽ അവർക്ക് ഒരു ചെറിയ ആശ്വാസം പോലും നൽകുക എന്നതായിരുന്നു പ്രധാനം..

ALSO READ: ഇറച്ചിവെട്ട് പഠിച്ചു കൊടും ചൂടത്തും മഴയത്തും ഷൂട്ടിങ്; സ്ലീവ്‌ലെസ് ഇടാൻ മടിച്ച പെൺകുട്ടിയിൽ നിന്നും റേച്ചലിലേക്ക് ഉള്ള ദൂരം; മനസ് തുറന്ന് ഹണി

ഒരു നഷ്ടം ഉണ്ടായാൽ അതിനെ മറക്കുമെന്നും അതിനെ വിട്ടുകളയും സാരമില്ല എന്നൊക്കെ നമ്മൾക്ക്ചിന്തിക്കാം. അതിനായി നമ്മൾക്ക് മനസിനെ പാകപെടുത്താം. പക്ഷേ അത് നേരിട്ട് വരുമ്പോൾ, ഒന്നും നമ്മളെ അതിനായി പാകപ്പെടുത്തും എന്ന് തോന്നുന്നില്ല.ഒരിക്കലും അതിന്റെ പരിസരത്തുപോലും നമ്മൾക്ക് അടുക്കാൻ കഴിയില്ല. എന്റെ അച്ഛൻ എല്ലാത്തിനെയും അതിജീവിക്കും എന്നാണ് ഞാൻ കരുതിയത് എന്നാൽ അദ്ദേഹം ഈ സംഭവത്തിൽ തകർന്നുപോകുന്നത് ഞാൻ കണ്ടു.. അവളെ എങ്ങനെയെങ്കിലും തിരികെ കൊണ്ടുവരാൻ കഴിയുമെന്ന് വിശ്വസിച്ചാണ് എന്റെ അമ്മഅവളെ ചേർത്തുപിടിച്ചത്..

ഇത്രയും വ്യക്തിപരമായ ഒന്ന് ഇവിടെ പങ്കുവെക്കുന്നതിന് മുമ്പ് ഞാൻ ഒരുപാട് ചിന്തിച്ചു. പക്ഷേ അത് വെറും ഒരു നായഅല്ലേ എന്ന് ചോദിക്കുന്നവരെക്കുറിച്ചും ഞാൻ ഓർത്തു പക്ഷേ അത് അങ്ങനെ അല്ല അവൾ ഞങ്ങൾക്ക് അങ്ങനെയല്ല. .

ഒരു വളർത്തുമൃഗം അല്ലേ എന്താ വിഷയം എന്ന് കരുതുന്ന ആളുകൾ ഉണ്ടെങ്കിൽ ദയവായി ഇത് അറിയുക. അവർ ഒരിക്കലും നമ്മൾക്ക് അങ്ങനെയല്ല. ഏറ്റവും യഥാർത്ഥ അർത്ഥത്തിൽ അവർ നമ്മുടെ കുടുംബമായി മാറും.

നമുക്ക് ഒരിക്കലും തിരിച്ചുനൽകാൻ കഴിയാത്ത വിധത്തിൽ അവർ നമ്മളെ സ്നേഹിക്കും നമ്മൾ കരുതുന്ന എല്ലാത്തിനും അവർ അർഹരാണ്, അതിലുപരി. അവളുടെ സ്നേഹത്തിന് പാത്രമാകാൻ ഞങ്ങൾക്ക് ഭാഗ്യമുണ്ടായിരുന്നു. ആ സ്നേഹം നമ്മോടൊപ്പം ഉണ്ടാകും. എപ്പോഴും.. മൃദുല കുറിച്ചു.