സൗന്ദര്യ മരണപ്പെട്ട ആ പ്ലെയിനിൽ ഞാനും ഉണ്ടാവേണ്ടതായിരുന്നു എന്ന് മീന; ഇത്രകാലമായിട്ടും പറയാതിരുന്നത് എന്തിന്?

Authored by: അശ്വിനി പി|Samayam Malayalam•17 Sept 2025, 4:28 pm

മലയാളികൾക്ക് ഇന്നും മറക്കാൻ കഴിയാത്ത നടിയാണ് സൗന്ദര്യ . കിളിച്ചുണ്ടൻ മാമ്പഴം എന്ന ചിത്രത്തിലെ ആമിനയെ അത്ര പെട്ടന്നൊന്നും മലയാളികൾക്ക് മറക്കാൻ സാധിക്കില്ല. 2004 ൽ തന്റെ 31 ആം വയസ്സിലാണ് സൗന്ദര്യ ഒരു പ്ലെയിൻ അപകടത്തിൽ മരണപ്പെട്ടത്. ആ പ്ലെയിൻ ദുരന്തത്തിൽ താനും പെടേണ്ടതായിരുന്നു എന്ന് വെളിപ്പെടുത്തിയിരിക്കുകയാണ് ഇപ്പോൾ മീന .

ജഗപതി ബാബുവിന്റെ ഒരു ടോക്ക് ഷോയിൽ സംസാരിക്കുകയായിരുന്നു നടി. സൗന്ദര്യയുമായുള്ള സൗഹൃദത്തെ കുറിച്ച് ചോദിച്ചപ്പോഴായിരുന്നു മീനയുടെ മറുപടി. ഞങ്ങൾ വളരെ ക്ലോസ് ഫ്രണ്ട്സ് ആയിരുന്നു, വളരെ സ്വീറ്റാണ് സൗന്ദര്യ. ആ അപകടം തന്നെ സംബന്ധിച്ച് തീർത്തും ഷോക്കിങ് ആയിരുന്നു. ഞാനും ആ പ്ലെയിനിൽ യാത്ര ചെയ്യേണ്ടതായിരുന്നു- എന്നാണ് മീന പറഞ്ഞത്.

Also Read: ഏത് അവസ്ഥയും പെട്ടന്ന് കടന്ന് വരാൻ എനിക്ക് കഴിയും, ഇപ്പോൾ വളരെ ഹാപ്പിയാണ് എന്ന് വരദ; ജിഷിൻ പറഞ്ഞതോ?

സിനിമയ്ക്കൊപ്പം രാഷ്ട്രീയത്തിലും സജീവമായിരുന്ന സൗന്ദര്യ, ഒരു രാഷ്ട്രീയ കാമ്പയിനിങിനായി തെലുങ്കാനയിൽ നിന്ന് ബെംഗളൂരുവിലേക്കുള്ള വിമാന യാത്രയിലാണ്, സൗന്ദര്യ സഞ്ചരിച്ച പ്രൈവെറ്റ് ജെറ്റ് അപടത്തിൽ പെട്ടത്. സൗന്ദര്യയും സഹോദരനും ആ അപകടത്തിൽ മരണപ്പെട്ടു. മരണപ്പെടുമ്പോൾ സൗന്ദര്യ ഗർഭിണിയായിരുന്നു എന്നതും ആരാധകരെ ഏറെ വേദനിപ്പിച്ച ഒരു വാർത്തയായിരുന്നു.

Also Read: പ്രിയങ്ക ചോപ്രയ്ക്ക് ഒരു സീരിയസ് പ്രണയ ബന്ധമുണ്ടായിരുന്നു എന്ന് വെളിപ്പെടുത്തി പ്രഹ്ളാദ് കക്കർ; ഇപ്പോഴത്തെ ജീവിതത്തിൽ ഹാപ്പിയാണ് നടി!

ആ കാമ്പനിങിന് എനിക്കും ക്ഷണനം ഉണ്ടായിരുന്നു. എന്നാൽ ഷൂട്ടിങുമായി ബന്ധപ്പെട്ട തിരക്കുകൾ ഉള്ളതിനാലാണ് യാത്ര ഒഴിവാക്കിയത്. അടുത്ത ദിവസം പ്ലെയിൻ ദുരന്തത്തിന്റെ വാർത്ത തീർത്തും നടുക്കമുള്ളതായിരുന്നു. ഇപ്പോൾ ചിന്തിക്കുമ്പോൾ പോലും അതൊരു പേടിയോടെയാണ് ഓർക്കുന്നത് എന്നാണ് മീന ജഗപതി ബാബുവിന്റെ അഭിമുഖത്തിൽ പറഞ്ഞത്.

Also Reda: രണ്ടറ്റവും കൂട്ടിമുട്ടിക്കാൻ അവർ പാടുപെടുന്നത് കണ്ടിട്ടുണ്ട്! ഇന്ന് ഞങ്ങൾക്ക് വേണ്ടതെല്ലാം വാങ്ങുന്നത് ഞങ്ങൾ തന്നെ
സൗന്ദര്യ മരണപ്പെട്ടിട്ട് 21 വർഷം പൂർത്തിയാവുന്നു, ഇത്രയും വർഷമായിട്ടും എന്തുകൊണ്ടാണ്, മീന ഇതുവരെ ഒരു അഭിമുഖത്തിലും ഇക്കാര്യം പറയാതിരുന്നത് എന്നാണ് ഇപ്പോൾ ആളുകളുടെ ചോദ്യം.