ഹോം സിക്ക് അടിച്ചു തുടങ്ങി; വീട്ടിലേക്ക് തിരിച്ചു പോകാനുള്ള ആ​ഗ്രഹത്തെ കുറിച്ച് ബിടിഎസിന്റെ ആർഎം

Authored by: അശ്വിനി പി|Samayam Malayalam•6 Aug 2025, 1:18 pm

ബിടിഎസ് താരങ്ങൾക്ക് ഹോംസിക്ക് അടിച്ചു തുടങ്ങിയിട്ടുണ്ട്. ഒന്നര രണ്ട് വർഷത്തോളം സൈനിക സേവനത്തിനായി വീട്ടിൽ നിന്നും മാറി നിന്നു എങ്കിലും സൗത്ത് കൊറിയയിൽ തന്നെയാണ് എന്ന ആശ്വാസം ഉണ്ടായിരുന്നു. അത് കഴിഞ്ഞ് പുറത്തിറങ്ങിയ ഏഴ് പേരും, മാനസികവും ശാരീരികവുമായ ഉന്മേഷവും ഉത്സാഹവും കിട്ടിനായി വേൾഡ് ടൂറുകളും, മറ്റ് പ്രോഗ്രാമുകളുമൊക്കെ ഏറ്റെടുത്തു

ഫാഷൻ ഷോയും, സോളോ പെർഫോമൻസുമൊക്കെയായി പലരും പല ഇടത്തായിരുന്നു. അവസാനം കഴിഞ്ഞ മാസം ലോസ് ആഞ്ചൽസിൽ ഒത്തു കൂടി. 2026 ൽ പുറത്തിറങ്ങാനിരിക്കുന്ന, ബിടിഎസിന്റെ പുതിയ ആൽബത്തിന്റെ പണിപ്പുരയിലാണ് ബിടിഎസിന്റെ ഏഴവർ സംഘം. മ്യൂസിക് ആൽബത്തിന്റെ എഴുത്തും ഗവേണഷവും റെക്കോഡിങും ഒക്കെ നടക്കുന്നതിനൊപ്പം അമേരിക്കൻ രാജ്യം മുഴുവൻ ചുറ്റുന്നതും നഗരം ആസ്വദിക്കുന്നതുമായ ചിത്രങ്ങളും വീഡിയോകളും എല്ലാം ഓരോരുത്തരും പങ്കുവയ്ക്കാറുണ്ട്.

Also Read: എങ്ങനെ കണ്ടുമുട്ടി, എപ്പോൾ പ്രണയത്തിലായി? ധനുഷ് - മൃണാൾ താക്കൂർ ബന്ധത്തെ കുറിച്ചുള്ള കൂടുതൽ വിവരങ്ങൾ

എന്നാൽ അതിനൊക്കെ അപ്പുറമാണ് സൗത്ത് കൊറിയ എന്ന സ്വന്തം നാട് തരുന്ന സുഖവും സന്തോഷവും. ബിടിഎസ് താരങ്ങൾക്ക് ഹോം സിക്ക് വന്നു തുടങ്ങി എന്ന് വ്യക്തമാക്കുന്നതാണ് ആർ എമ്മിന്റെ ഇൻസ്റ്റഗ്രാം പോസ്റ്റ്. ഡിസ്നിലാന്റിലും കാലിഫോർണിയയിലുമൊക്കെ പോയ ചിത്രങ്ങൾ പങ്കുവച്ചുകൊണ്ടാണ് വീട്ടിലേക്ക് മടങ്ങാൻ തോന്നുന്നു എന്ന് ആർ എം പോസ്റ്റ് പങ്കുവച്ചത്.

Also Read: ദിവസേന രണ്ടുലക്ഷം രൂപ ഷോപ്പിൽ നിന്നുമാത്രം; യൂട്യൂബിൽ നിന്നും, പ്രമോഷിനിലൂടെ വേറെയും; ദിയ എന്ന ബോൾഡ് ആൻഡ് ബ്യൂട്ടിഫുൾ ലേഡി

അതിനിടയിൽ സുഗയും ജെ ഹോപ്പും സുഹൃത്തിന്റെ വിവാഹത്തിന് വേണ്ടി സൗത്ത് കൊറിയയിലേക്ക് എത്തിയിരുന്നു. ജിൻ ഇപ്പോൾ സോളോ ടൂറിലാണ്. ആഗസ്റ്റ് 10 ന് ലോസ് ആഞ്ചൽസിൽ സുഹൃത്തുക്കൾക്കൊപ്പം ചേരും എന്നാണ് റിപ്പോർട്ടുകൾ.


അതിനിടയിൽ ബിടിഎസ് താരങ്ങൾ പോപ് രാജാവ് മൈക്കിൾ ജാക്സണിന് വേണ്ടി ട്രിബ്യൂട്ട് ആൽബമോ റെക്കോഡിങോ നടത്തും എന്ന തരത്തിൽ വാർത്തകൾ വന്നിരുന്നു. എന്നാൽ ബിടിഎസിന്റെ ഏജൻസി വാർത്ത നിഷേധിച്ചു. അങ്ങനെ ഒരു കാര്യവും ബിടിഎസ് ഏറ്റെടുത്തിട്ടില്ല, നിലവിൽ പുതിയ ആൽബത്തിന് വേണ്ടിയുള്ള പണിപ്പൂരയിലാണ് ഏഴ് പേരും എന്ന് ബൈറ്റ് മ്യൂസിക് എക്സിലൂടെ അറിയിക്കുകയായിരുന്നു.