DC vs KKR; പ്രൗഡി തിരിച്ചുപിടിക്കാൻ ഡൽഹി, പ്ലേ ഓഫിലെത്താൻ കൊൽക്കത്ത; ഇരു ടീമുകളും നേരിടുന്ന വെല്ലുവിളികൾ ഇങ്ങനെ

Edited byഅനുഷ ഗംഗാധരൻ | Samayam Malayalam | Updated: 29 Apr 2025, 3:28 pm

ഡൽഹി: ഇന്ത്യൻ പ്രീമിയർ ലീഗ് പതിനെട്ടാം സീസണിൽ ഇന്ന് ഡൽഹി ക്യാപിറ്റൽസും കൊൽക്കത്ത നൈറ്റ് റൈഡേഴ്സും തമ്മിലാണ് മത്സരം. ഡൽഹിയുടെ ഹോം ഗ്രൗണ്ടായ അരുൺ ജെയ്റ്റ്ലി സ്റ്റേഡിയത്തിൽ രാത്രി 7.30 നാണ് മത്സരം നടക്കുന്നത്. ഐപിഎൽ പോയിന്റ് ടേബിളിൽ 12 പോയിന്റുമായി നാലാം സ്ഥാനത്താണ് ഡൽഹി ക്യാപിറ്റൽസ് ഉള്ളത് എങ്കിൽ ഏഴാം സ്ഥാനത്താണ് കൊൽക്കത്ത നൈറ്റ് റൈഡേഴ്‌സുള്ളത്.
വെടിക്കെട്ടിനായി ഒഴിവാക്കിയത് 'പിസയും മട്ടനും'; യുവിയുടെ അഗ്രഷനും ലാറയുടെ ധൈര്യവുമുള്ള പതിനാലുകാരൻ, വൈഭവിനെ കുറിച്ച് ഡയറ്റീഷ്യൻറോയൽ ചലഞ്ചേഴ്‌സ് ബാംഗ്ലൂരുമായുള്ള മത്സരത്തിൽ പരാജയപ്പെട്ടതിന്റെ ക്ഷീണം അകറ്റാനാണ് ഡൽഹി ഇന്ന് മൈതാനത്ത് ഇറങ്ങുന്നത് എങ്കിൽ പ്ലേ ഓഫിലെത്താനുള്ള തന്ത്രപ്പാടിലാണ് കൊൽക്കത്ത ഇന്ന് മൈതാനത്ത് ഇറങ്ങുന്നത്. ഇരുടീമുകളും ഇന്ന് നേരിടുന്ന പ്രധാന വെല്ലുവിളികളും ടീമുകളുടെ സാധ്യത പ്ലേയിങ് ഇലവനും നോക്കാം.

ഡൽഹി ക്യാപിറ്റൽസ് നേരിടുന്ന വെല്ലുവിളികൾ

ഐപിഎൽ 2025 പോയിന്റ് ടേബിളിൽ ഒന്നാം സ്ഥാനത്ത് തുടർന്ന ഡൽഹി ഇപ്പോൾ നാലാം സ്ഥാനത്താണ്. ജയപരാജയങ്ങളുടെ സമ്മിശ്രമായ അവസാന നാല് മത്സരങ്ങളാണ് ഇതിന് കാരണമായത്. ആർവിബിയ്ക്ക് എതിരെ നടന്ന മത്സരത്തിൽ മുൻ നിര ബാറ്റർമാർ പെട്ടന്ന് തന്നെ പവലിയനിലേക്ക് മടങ്ങിയതാണ് ഡൽഹിയെ 162 എന്ന സ്‌കോറിൽ തളച്ചത്. പക്ഷെ അതിനു മുൻപ് നടന്ന മത്സരത്തിൽ 161 റൺസ് നേടി അനായാസം ജയിക്കാനും ഡൽഹിക്ക് സാധിച്ചു. ഇവിടെ ഡൽഹി ബാറ്റർമാർ എതിർ ടീമിന്റെ ബാറ്റിങ് കരുത്ത് അളക്കേണ്ടതുണ്ട്. ഇന്ന് നടക്കുന്ന മത്സരത്തിൽ കൊൽക്കത്തയുടെ ബാറ്റിങ് കരുത്ത് പരിശോധിച്ചാൽ അവിടെ നിലവിൽ ഡൽഹിക്ക് അനുകൂലമായ അന്തരീക്ഷമാണ് കാണാൻ സാധിക്കുന്നത്. കൊൽക്കത്തയുടെ ബാറ്റർമാർ നിലവിൽ മികച്ച പ്രകടനമല്ല കാഴ്ചവെക്കുന്നത്.

കൊൽക്കത്ത നൈറ്റ് റൈഡേഴ്‌സ് നേരിടുന്ന വെല്ലുവിളികൾ

കൊൽക്കത്തയുടെ താരങ്ങളുടെ മോശം പ്രകടനം തന്നെയാണ് കൊൽക്കത്തയുടെ പ്രധാന വെല്ലുവിളി. കിടിലൻ സ്പിന്നേഴ്‌സും മികച്ച ഫീൽഡിങ്ങും ഒരുക്കുന്ന ടീമാണ് ഡൽഹി ക്യാപിറ്റൽസ്. ഇവരുടെ മുന്നിൽ പിടിച്ചു നിൽക്കണം എങ്കിൽ തന്ത്രങ്ങൾ മെനയുക തന്നെ വേണം. എറിഞ്ഞുവീഴ്ത്താൻ കെൽപ്പുള്ള കുൽദീപ് യാദവ്വ് ഐപിഎൽ 2025 വിക്കറ്റ് വേട്ടയിൽ ആദ്യ പത്തിൽ ഇടം പിടിച്ചിട്ടുണ്ട്. ഈ സീസണിൽ ഇതുവരെ 12 വിക്കറ്റുകളാണ്‌ താരം നേടിയത്. അതുകൊണ്ട് കൊൽക്കത്ത പ്രധാനമായും ഭയക്കേണ്ടത് സ്പിന്നർ കുൽദീപിനെ തന്നെയാണ്.

കൊൽക്കത്ത നൈറ്റ് റൈഡേഴ്‌സ് സാധ്യത പ്ലേയിങ് ഇലവൻ: സുനിൽ നരെയ്ൻ, റഹ്മാനുള്ള ഗുർബാസ്, അജിങ്ക്യ രഹാനെ (C), റിങ്കു സിംഗ്, ആന്ദ്രെ റസൽ, വൈഭവ് അറോറ, വെങ്കിടേഷ് അയ്യർ, റോവ്മാൻ പവൽ, ചേതൻ സക്കറിയ, ഹർഷിത് റാണ, വരുൺ ചക്രവർത്തി എന്നിവർക്കെതിരെ പ്രവചിക്കപ്പെട്ട ഇലവൻ

ഇംപാക്ട് താരം: അംഗ്കൃഷ് രഘുവംഷി

ഡൽഹി ക്യാപിറ്റൽസ് സാധ്യത പ്ലേയിങ് ഇലവൻ: ഫാഫ് ഡു പ്ലെസിസ്, അഭിഷേക് പോറൽ, കെഎൽ രാഹുൽ, കരുണ് നായർ, ട്രിസ്റ്റൻ സ്റ്റബ്സ്, അക്സർ പട്ടേൽ(C), വിപ്രജ് നിഗം, മിച്ചൽ സ്റ്റാർക്ക്, കുൽദീപ് യാദവ്, മുകേഷ് കുമാർ, ദുഷ്മന്ത ചമീര

ഇംപാക്ട് താരം: അശുതോഷ് ശർമ്മ/ടി നടരാജൻ