IPL 2026: അന്ന് ഡൽഹി നിതീഷ് റാണക്കായി ഒഴിവാക്കി, ഇന്ന് രാജസ്ഥാനൊപ്പം തകർത്തടിച്ച് ഡൊനോവൻ ഫെരെയ്റ; 1 കോടിക്ക് ലഭിച്ച ഹീറോ

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി മുന്നോട്ട് പോകവെ രാജസ്ഥാൻ റോയൽസിനൊപ്പം കെെയടി നേടുന്ന താരമാണ് ഡൊനോവൻ ഫെരെയ്റ . സൗത്താഫ്രിക്കൻ താരം അവസാന സീസണിൽ ഡൽഹി ക്യാപിറ്റൽസിന്റെ താരമായിരുന്നു. ഇത്തവണത്തെ മിനി താരലേലത്തിന് മുമ്പ് ഡൽഹി ഫെരെയ്റയെ രാജസ്ഥാൻ റോയൽസിന് കെെമാറി പകരം രാജസ്ഥാനിൽ നിന്ന് നിതീഷ് റാണയെ ടീമിലേക്കെത്തിക്കുകയായിരുന്നു. ഈ തീരുമാനം മണ്ടത്തരമായിപ്പോയെന്ന് ഡൽഹിക്ക് തോന്നിപ്പിക്കുന്ന തരത്തിലാണ് ഫെരെയ്റ കത്തിക്കയറുന്നത്. ഡൽഹിക്കെതിരേ ഇപ്പോൾ രാജസ്ഥാനായി വെടിക്കെട്ട് നടത്തി കസറുകയാണ് ഫെരെയ്റ. ഡൽഹിക്കെതിരേ രാജസ്ഥാനെ 225 എന്ന മികച്ച സ്കോറിലേക്കെത്തിക്കുന്നതിൽ ഫെരെയ്റയുടെ പ്രകടനം നിർണ്ണായകമായിരുന്നു. 14 പന്തിൽ പുറത്താവാതെ 47 റൺസോടെയാണ് ഫെരെയ്റ പുറത്താവാതെ നിന്നത്. രണ്ട് ഫോറും ആറ് സിക്സും ഉൾപ്പെടെ 335.71 സ്ട്രെെക്ക് റേറ്റിലാണ് ഫെരെയ്റ മിന്നിച്ചത്.

ഒരു കോടി രൂപക്ക് രാജസ്ഥാൻ ടീമിലേക്കെത്തിച്ച താരമാണ് ഇപ്പോൾ ടീമിന്റെ നട്ടെല്ലായി ‍ഡെത്തോവറിൽ കസറുന്നത്. ഈ സീസണിൽ രാജസ്ഥാൻ റോയൽസിനായി ഇതാദ്യമായല്ല ഫെരെയ്റ കസറുന്നത്. 44 പന്തിൽ 69 റൺസോടെ മിന്നിച്ച താരം 16 പന്തിൽ 33 റൺസും നേടി. 26 പന്തിൽ പുറത്താവാതെ 52 റൺസും നേടി ഫെരെയ്റ കസറിയിരുന്നു. ഇതിന് പിന്നാലെയാണ് ഇപ്പോൾ വലിയ ഇംപാക്ട് സൃഷ്ടിക്കുന്ന മറ്റൊരു പ്രകടനം കൂടി നടത്തിയിരിക്കുന്നത്.

നിതീഷ് റാണയെക്കാൾ ടീമിന് ഉപകാരിയാകുന്ന താരമാണ് ഫെരെയ്റ. നിതീഷിന് വലിയൊരു പ്രകടനം കാഴ്ചവെക്കാൻ ഈ സീസണിൽ സാധിക്കുന്നില്ല. അതേ സമയം ഡൽഹി കെെവിട്ട താരം രാജസ്ഥാനായി കസറുകയും ചെയ്യുന്നു. രാജസ്ഥാൻ റോയൽസിന്റെ ബുദ്ധിപരമായ നീക്കം ഈ സീസണിൽ അവർക്ക് ഗുണകരമാകുന്നുണ്ടെന്ന് നിസംശയം പറയാം.
IND vs AFG: സഞ്ജു ഏകദിന സീറ്റ് ഉറപ്പിച്ചോ? ​ഗംഭീർ സമ്മതിച്ചാലും ​ഗില്ലിന് താൽപര്യമുണ്ടാകില്ല; ഇഷാനായി വാദിച്ചേക്കും, കാരണമിതാണ്
രാജസ്ഥാൻ റോയൽസ് ഈ സീസണിൽ തകർപ്പൻ ഫോമിൽ കളിക്കുന്ന ടീമുകളിലൊന്നാണ്. സഞ്ജു സാംസൺ രാജസ്ഥാൻ റോയൽസ് വിട്ടതോടെ ടീം പ്രതിസന്ധിയിലാകുമെന്ന് എല്ലാവരും പ്രതീക്ഷിച്ചെങ്കിലും റിയാൻ പരാഗിന് കീഴിൽ ടീം മികവ് കാട്ടുന്നു. ആദ്യത്തെ നാല് മത്സരത്തിലും രാജസ്ഥാൻ ജയിച്ചാണ് തുടങ്ങിയത്. ഒമ്പത് മത്സരങ്ങളിൽ നിന്ന് ആറ് ജയങ്ങളോടെ രാജസ്ഥാൻ നാലാം സ്ഥാനത്തുണ്ട്.

ഡൽഹിക്കെതിരേ ജയിക്കാനായാൽ പ്ലേ ഓഫിനോട് ഒരുപടി കൂടി അടുക്കാൻ രാജസ്ഥാന് സാധിക്കും. ഡൽഹിക്കെതിരേ 12 റൺസിന് രണ്ട് വിക്കറ്റ് നഷ്ടമായിട്ടും 225 എന്ന മികച്ച സ്കോറിലേക്കെത്താൻ രാജസ്ഥാന് സാധിച്ചു. ക്യാപ്റ്റൻ റിയാൻ പരാഗ് രാജസ്ഥാനെ മുന്നിൽ നിന്ന് നയിച്ചു. 50 പന്തിൽ 90 റൺസാണ് റിയാൻ പരാഗ് നേടിയത്.

IPL 2026: ഗംഭീര പ്രകടനം, പക്ഷെ 10 റൺസിൽ പരാഗിന് നഷ്ടമായത് ചരിത്ര നേട്ടം; ആ വമ്പൻ റെക്കോഡിൽ സഞ്ജു ഒറ്റക്ക് തുടരും

എട്ട് ഫോറും അഞ്ച് സിക്സും ഉൾപ്പെടെ രാജസ്ഥാന്റെ രക്ഷകനായി മാറാൻ പരാഗിനായി. ഇത്തവണ വെെഭവ് സൂര്യവംശിയും യശ്വസി ജയ്സ്വാളും മികച്ച ഫോമിൽ കളിക്കുന്നതാണ് രാജസ്ഥാന് കരുത്തായി മാറുന്നത്. പ്രഥമ സീസണിലെ ചാമ്പ്യന്മാരായ രാജസ്ഥാൻ ഇത്തവണയും സജീവ കിരീട പ്രതീക്ഷയിലാണുള്ളത്.