IPL 2026: അഭിഷേകിന് സ്ഥിരത നഷ്ടപ്പെട്ടു, ലഖ്നൗവിനോട് ഡക്കിന് പുറത്ത്; ഇന്ത്യൻ ടീമിലെ ഓപ്പണർ സ്ഥാനം പോയേക്കും, വെെഭവ് തയ്യാർ

ഇന്ത്യൻ പ്രീമിയർ ലീഗിന്റെ 2026 സീസണിലെ 10ാം മത്സരത്തിൽ ലഖ്നൗ സൂപ്പർ ജയ്ന്റ്സിനെതിരേ സൺറെെസേഴ്സ് ഹെെദരാബാദ് ആദ്യം ബാറ്റ് ചെയ്യുകയാണ്. ടോസ് നഷ്ടപ്പെട്ട് ആദ്യം ബാറ്റ് ചെയ്യാനെത്തിയ ഹെെദരാബാദിന് പ്രതീക്ഷിച്ച തുടക്കമല്ല ലഭിച്ചത്. വെടിക്കെട്ട് ഓപ്പണറായ അഭിഷേക് ശർമ ഡക്കിന് പുറത്തായിരിക്കുകയാണ്. രണ്ട് പന്ത് നേരിട്ട അഭിഷേകിനെ മുഹമ്മദ് ഷമിയുടെ പന്തിൽ മണിമാരൻ സിദ്ധാർത്ഥ് സൂപ്പർ ക്യാച്ചിലൂടെ പുറത്താക്കുകയായിരുന്നു.അഭിഷേകിന്റെ മോശം ഫോം ഹെെദരാബാദിന് വലിയ തിരിച്ചടി നൽകുന്നതാണ്. സ്ഥിരത കാട്ടാൻ ഇപ്പോൾ അഭിഷേകിന് സാധിക്കുന്നില്ല. ഒരു കാലത്ത് വെടിക്കെട്ട് തുടക്കം കൊണ്ട് എതിരാളികളെ വിറപ്പിച്ചിരുന്ന അഭിഷേകിന് ഇപ്പോൾ പഴയ മികവ് കാട്ടാൻ സാധിക്കുന്നില്ല. വലിയ ഷോട്ടിന് ശ്രമിക്കുന്ന അഭിഷേക് നിരാശപ്പെടുത്തുന്ന പുറത്താകുന്നതാണ് ഇപ്പോൾ കാണാനാവുന്നത്.

ടി20 ലോകകപ്പിൽ ഹാട്രിക്ക് ഡക്കടക്കം നേരിട്ട അഭിഷേകിന്റെ ഇന്ത്യൻ ടീമിലെ സീറ്റിന് ഇതിനോടകം ഇളക്കം തട്ടിയതാണ്. ഇപ്പോൾ ഐപിഎല്ലിലും നിരാശപ്പെടുത്തുന്നതോടെ താരത്തിന് മുകളിൽ സമ്മർദ്ദം ഉയരുകയാണ്. ഇന്ത്യയുടെ ഓപ്പണർ‌ സ്ഥാനം നോട്ടമിട്ട് വെെഭവ് സൂര്യവംശി വളർന്ന് വരികയാണ്. 15കാരനായ വെെഭവ് കളിക്കുന്ന കളിയിലെല്ലാം ഭേദപ്പെട്ട തുടക്കം നൽകുന്നുമുണ്ട്.

ബൗളറെ ഭയക്കാതെ കടന്നാക്രമിക്കുന്ന വെെഭവിന് ഇന്ത്യയുടെ ടി20 ടീമിലെത്താൻ ഇപ്പോൾ പ്രായ പൂർത്തിയായിരിക്കുകയാണ്. അതുകൊണ്ടുതന്നെ അഭിഷേക് ഇതേ മോശം ഫോമിൽ തുടർന്നാൽ ഇന്ത്യൻ ടീമിലെ ഓപ്പണർ സ്ഥാനം നഷ്ടമാകാൻ സാധ്യത കൂടുതലാണെന്ന് തന്നെ പറയാം. പഴയ ആത്മവിശ്വാസത്തോടെ കളിക്കാൻ അഭിഷേകിന് സാധിക്കുന്നില്ലെന്നതാണ് വസ്തുത.
IPL 2026: ഹീറോയായി തുഷാർ ദേശ്പാണ്ഡെ, ​ഗുജറാത്തിനെ പൂട്ടി രാജസ്ഥാൻ റോയൽസ്; അവസാന ഓവറിൽ ത്രില്ലിങ് ജയം
ഹെെദരാബാദിന്റെ കരുത്ത് അഭിഷേക് ശർമ-ട്രാവിസ് ഹെഡ് ഓപ്പണിങ് കൂട്ടുകെട്ടാണ്. എന്നാൽ രണ്ട് പേർക്കും ഇപ്പോൾ പഴയതുപോലെ മികവ് കാട്ടാനാവുന്നില്ല. ഇത് ഹെെദരാബാദിനെ ഈ സീസണിൽ പ്രതികൂലമായി ബാധിക്കുന്നുണ്ട്. ലഖ്നൗവിനെതിരേ എട്ട് പന്തിൽ ഏഴ് റൺസെടുത്താണ് ലഖ്നൗവിനെതിരേ ഹെഡ് മടങ്ങിയത്. മുഹമ്മദ് ഷമിയുടെ സ്ലോ ബോൾ കെണിയിലാണ് ഹെഡ് വീണത്. ഹെെദരാബാദിന്റെ ഓപ്പണർമാർക്ക് പഴയ വീര്യം ഇല്ലാത്തത് ടീമിന് വലിയ തലവേദനയാകുന്നുണ്ട്.

അഭിഷേക് ശർമ യുവരാജിന്റെ ശിഷ്യനാണ്. യുവിയെപ്പോലെ ബാറ്റുകൊണ്ട് കത്തിക്കയറുന്ന അഭിഷേകിന് വലിയ ഭാവിയുണ്ടെന്ന് തന്നെയാണ് വിലയിരുത്തപ്പെടുന്നത്. എന്നാൽ കളിഞ്ഞ ടി20 ലോകകപ്പിലൂടെ അഭിഷേകിന്റെ ദൗർബല്യം തുറന്ന് കാട്ടപ്പെട്ടു. ഇപ്പോൾ കാര്യമായ പ്രകടനം പുറത്തെടുക്കാൻ താരത്തിന് സാധിക്കാതെ പോവുകയാണ്. 7, 48, 0 എന്നിങ്ങനെയാണ് ഈ സീസണിലെ അഭിഷേകിന്റെ സ്കോർ.
IPL 2026: ഫിലിപ്സ് പറഞ്ഞിട്ടും വിശ്വസിച്ചില്ല, ഹെറ്റ്മെയറുടെ റിവ്യു എടുക്കാതെ റാഷിദ്; ഡക്കിന് പുറത്താക്കാനുള്ള അവസരം നഷ്ടപ്പെടുത്തി
രണ്ടാം മത്സരത്തിൽ 21 പന്ത് നേരിട്ട് വെടിക്കെട്ട് പ്രകടനം കാഴ്ചവെക്കാൻ അഭിഷേകിന് സാധിച്ചെങ്കിലും മൂന്നാം മത്സരത്തിലേക്കെത്തിയപ്പോൾ വീണ്ടും നിരാശപ്പെടേണ്ടി വന്നു. ഇഷാൻ കിഷനും ലഖ്നൗവിനെതിരേ നിരാശപ്പെടുത്തി. നാല് പന്ത് നേരിട്ട് ഒരു റൺസാണ് ഇഷാന് നേടാനായത്. പ്രിൻസ് യാദവ് ഇഷാനെ ക്ലീൻബൗൾഡാക്കുകയായിരുന്നു. 11 റൺസിനാണ് ഹെെദരാബാദിന്റെ മൂന്ന് വിക്കറ്റുകൾ നഷ്ടമായത്. ഹെെദരാബാദിന്റെ ഈ സീസണിലെ പ്രകടനം നിരാശപ്പെടുത്തുന്നതാണെന്ന് നിസംശയം പറയാം.