IPL 2026: ഇതിനൊരു അവസാനമില്ലേ? സിഎസ്കെയ്ക്ക് വീണ്ടും പരിക്കിന്റെ പണി; ജാമി ഓവർട്ടൻ നാട്ടിലേക്ക് മടങ്ങി, പ്ലേ ഓഫിനരികെ വലിയ ആശങ്ക

ഇന്ത്യൻ പ്രീമിയർ ലീഗിന്റെ 2026 സീസണിൽ ചെന്നെെ സൂപ്പർ കിങ്സ് പ്ലേ ഓഫ് പ്രതീക്ഷ സജീവമാക്കിയാണ് മുന്നോട്ട് പോകുന്നത്. അഞ്ചാം സ്ഥാനത്തുള്ള സിഎസ്കെ ഇത്തവണ പ്ലേ ഓഫ് പ്രതീക്ഷിക്കവെ പരിക്ക് വീണ്ടും വില്ലനായി മാറിയിരിക്കുകയാണ്. ഇത്തവണ സ്റ്റാർ പേസ് ഓൾറൗണ്ടറായ ജാമി ഓവർട്ടനാണ് പരിക്കേറ്റ് പുറത്തായിരിക്കുന്നത്. ഓവർട്ടൻ നാട്ടിലേക്ക് മടങ്ങിയെന്ന് സിഎസ്കെ ഔദ്യോഗികമായിത്തന്നെ അറിയിച്ചിരിക്കുകയാണ്. വലത് കാൽത്തുടക്കേറ്റ പരിക്കിനെത്തുടർന്ന് താരം നാട്ടിലേക്ക് മടങ്ങിയിരിക്കുകയാണ്.ഇത്തവണ സിഎസ്കെയുടെ മികവിന് പ്രധാന കരുത്തായ താരങ്ങളിലൊരാളാണ് ഓവർട്ടൻ. ഇംഗ്ലണ്ട് താരമായ ഓവർട്ടൻ 10 മത്സരത്തിൽ നിന്ന് 14 വിക്കറ്റുകളും 136 റൺസുമാണ് നേടിയത്. ഡെത്തോവറിലടക്കം മികവ് കാട്ടാൻ ഓവർട്ടന് സാധിക്കുന്നുണ്ട്. അതുകൊണ്ടുതന്നെ ഓവർട്ടന്റെ പരിക്ക് സിഎസ്കെയെ സംബന്ധിച്ച് വലിയ തിരിച്ചടി തന്നെയാണ്. ഓവർട്ടന്റെ പരിക്ക് സിഎസ്കെയെ പ്രതികൂലമായി ബാധിക്കുമെന്ന കാര്യം ഉറപ്പാണ്.

സിഎസ്കെയെ സംബന്ധിച്ച് പരിക്ക് വേട്ടയാടുന്നത് ഈ സീസണിൽ ഇതാദ്യമല്ല. ഇത്തവണ വലിയ പ്രതീക്ഷയോടെ സിഎസ്കെ കണ്ട പേസറായ നതാൻ ഇല്ലിസ് പരിക്കേറ്റ് പുറത്തായി. ഇടം കെെയൻ പേസർ ഖലീൽ അഹമ്മദും പാതിവഴിയിൽ പരിക്കേറ്റ് മടങ്ങി. മൂന്നാം നമ്പറിൽ കസറിക്കളിച്ചിരുന്ന യുവ താരം ആയുഷ് മാത്രക്കും പാതിവഴിയിൽ‌ പരിക്കേറ്റു. ആദ്യ മത്സരത്തിൽ മികവുകാട്ടിയതിന് പിന്നാലെ രാമകൃഷ്ണ ഘോഷ് പരിക്കേറ്റ് ടീമിന് പുറത്തായി.

പകരക്കാരനായി സിഎസ്കെ കൊണ്ടുവന്ന സ്പെൻസർ ജോൺസനും പരിക്കേറ്റ് പുറത്തായി. ഡെവാൾഡ് ബ്രെവിസിന് പരിക്കേറ്റതിന് ശേഷം തിരിച്ചുവരാൻ സാധിച്ചെങ്കിലും പരിക്ക് ബാധിച്ചു. എംഎസ് ധോണിക്ക് പരിക്കിനെത്തുടർന്ന് ഒറ്റ മത്സരം പോലും കളിക്കാൻ സാധിച്ചിട്ടില്ല. എട്ട് താരങ്ങളാണ് ഇതിനോടകം പരിക്കിന്റെ പിടിയിലായിരിക്കുന്നത്. ഏതൊരു ടീമിനെ സംബന്ധിച്ചും ഇത് വലിയ തിരിച്ചടിയാണെന്ന് പറയാം.
IND vs IRE: അയർലൻഡിനെതിരേ സൂര്യ തന്നെ നയിക്കും? സഞ്ജുവിന് ലഭിക്കുക ആ റോൾ മാത്രം; ബിസിസിഐ നീക്കം ഇങ്ങനെ, റിപ്പോർട്ട് പുറത്ത്
11 മത്സരത്തിൽ നിന്ന് 12 പോയിന്റാണ് സിഎസ്കെയ്ക്കുള്ളത്. നിലവിൽ അഞ്ചാം സ്ഥാനത്തുള്ള സിഎസ്കെയ്ക്ക് ശേഷിക്കുന്ന മൂന്ന് മത്സരങ്ങളിലും തകർപ്പൻ ജയം നേടാൻ സാധിക്കേണ്ടതായുണ്ട്. ഇതിനിടെ ഓവർട്ടന് പരിക്കേറ്റത് ടീമിനെ പ്രതികൂലമായി ബാധിക്കുമെന്ന കാര്യം ഉറപ്പാണ്. ഈ വെല്ലുവിളിയെ സിഎസ്കെ എങ്ങനെ മറികടക്കുമെന്നതാണ് കണ്ടറിയേണ്ടത്.

ലഖ്നൗവിനെതിരേയാണ് സിഎസ്കെയുടെ അടുത്ത മത്സരം. ധോണി സിഎസ്കെ ടീമിനൊപ്പം ലഖ്നൗവിലേക്ക് പോകുമെന്ന റിപ്പോർട്ടുകളുണ്ടായിരുന്നു. എന്നാൽ അവസാന നിമിഷം ധോണി ഈ തീരുമാനം പിൻവലിച്ചു. ഇതോടെ ലഖ്നൗവിനെതിരേയും ധോണി ഉണ്ടാകില്ലെന്നുറപ്പാണ്. സഞ്ജു സാംസണിന്റെ ബാറ്റിങ് മികവിലാവും സിഎസ്കെയുടെ ഇനിയുള്ള പ്രതീക്ഷ.

IPL 2026: ഇങ്ങനെ തുടർന്നാൽ കാര്യം ഉണ്ടാകില്ല, വെെഭവിന് മുന്നറിയിപ്പുമായി ഡിവില്ലിയേഴ്സ്; നൽകിയ ഉപദേശം ഇതാണ്

സഞ്ജുവും റുതുരാജ് ഗെയ്ക് വാദും പവർപ്ലേയ്ക്കുള്ളിൽ നൽകുന്ന മികച്ച തുടക്കം സിഎസ്കെയ്ക്ക് നിർണ്ണായകമാവും. ഉർവിൽ പട്ടേൽ ബാറ്റുകൊണ്ട് വെടിക്കെട്ട് തുടരേണ്ടതായുണ്ട്. സിഎസ്കെയുടെ സ്പിന്നർമാർ മികവ് കാട്ടുന്നുണ്ട്. എന്നാൽ പരിക്കിനെത്തുടർന്ന് സിഎസ്കെയുടെ പേസ് നിര ദുർബലമായത് ടീമിനെ പിന്നോട്ടടിക്കുമോയെന്ന ആശങ്കയാണുള്ളത്. എന്തായാലും സിഎസ്കെയ്ക്ക് പ്ലേ ഓഫിലേക്കെത്താൻ സാധിക്കുമോയെന്നത് കാത്തിരുന്ന് കണ്ടറിയാം.