IPL 2026: ഇവർ ടീമിനെ ചതിച്ചോ? കോടികൾ വാങ്ങിയിട്ടും മികവ് കാട്ടുന്നില്ല; ടീമുകളുടെ തലവേദനയായി ഈ അഞ്ച് താരങ്ങൾ

ഇന്ത്യൻ പ്രീമിയർ ലീഗിന്റെ 2026 സീസണിലെ പ്ലേ ഓഫിലേക്കുള്ള പോരാട്ടം കടുക്കുകയാണ്. പഞ്ചാബ് കിങ്സ് ഒഴികെ മറ്റെല്ലാ ടീമുകളും വലിയ സമ്മർദ്ദത്തിലൂടെയാണ് കടന്ന് പോകുന്നത്. ആരൊക്കെ പ്ലേ ഓഫിലേക്കെത്തുമെന്ന് ഇപ്പോൾ പറയാനാവാത്ത അവസ്ഥയാണ്. എന്തായാലും പല വമ്പൻ ടീമുകൾക്ക് പോലും ഇത്തവണ കാലിടറുന്നതാണ് കാണാനാവുന്നത്.അഞ്ച് തവണ ചാമ്പ്യന്മാരായ ചെന്നെെ സൂപ്പർ കിങ്സും മുംബെെ ഇന്ത്യൻസുമെല്ലാം ഇത്തവണ തീർത്തും നിരാശപ്പെടുത്തുകയാണെന്ന് പറയാം. ഇത്തവണ വലിയ പ്രതീക്ഷവെച്ച പല താരങ്ങളും നിരാശപ്പെടുത്തിയതാണ് വമ്പൻ ടീമുകളെ പിന്നോട്ടടിച്ചത്. ഇത്തരത്തിൽ കോടികൾ പ്രതിഫലം വാങ്ങിയവരിൽ ഏറ്റവും നിരാശപ്പെടുത്തിയ അഞ്ച് താരങ്ങൾ ആരൊക്കെയാണെന്ന് പറയാം.

നിക്കോളാസ് പുരാനാണ് ഇതിൽ ഒന്നാമൻ. 16 കോടി പ്രതിഫലത്തിൽ ലഖ്നൗ സൂപ്പർ ജയ്ന്റ്സിനായി കളിക്കുന്ന പുരാൻ ഇത്തവണ തീർത്തും നിരാശപ്പെടുത്തുകയാണ്. 101 പന്തുകൾ നേരിട്ട് വെറും 82 റൺസാണ് പുരാൻ നേടിയത്. 81.8 സ്ട്രെെക്ക് റേറ്റിലാണ് പുരാന്റെ പ്രകടനം. ഇത്തവണ ലഖ്നൗ പിന്നോട്ട് പോകാനുള്ള പ്രധാന കാരണങ്ങളിലൊന്ന് പുരാനാണെന്ന് പറയാം.

ജസ്പ്രീത് ബുംറയാണ് രണ്ടാമത്തെ താരം. മുംബെെ ഇന്ത്യൻസിന്റെ സൂപ്പർ പേസറായ ബുംറ 12 കോടിക്കാണ് കളിക്കുന്നത്. ലോക ക്രിക്കറ്റിലെ ഏറ്റവും മികച്ച പേസർമാരിലൊരാളായ ബുംറ ഇത്തവണ 180 പന്തുകൾ എറിഞ്ഞ് വെറും രണ്ട് വിക്കറ്റുകളാണ് വീഴ്ത്തിയത്. 8.8 ഇക്കോണമിയിൽ പന്തെറിയുന്ന ബുംറയെ വെെഭവ് സൂര്യവംശിയെപ്പോലെയുള്ള യുവതാരങ്ങളടക്കം തല്ലിപ്പറത്തുകയാണ്.
IPL 2026: ​ഗംഭീര പ്രകടനം, പക്ഷെ 10 റൺസിൽ പരാ​ഗിന് നഷ്ടമായത് ചരിത്ര നേട്ടം; ആ വമ്പൻ റെക്കോഡിൽ സഞ്ജു ഒറ്റക്ക് തുടരും
ഋഷഭ് പന്താണ് മൂന്നാമത്തെ താരം. ഐപിഎല്ലിൽ ഏറ്റവും കൂടുതൽ പ്രതിഫലം വാങ്ങുന്ന താരമാണ് ഋഷഭ് പന്ത് . 27 കോടിക്ക് കളിക്കുന്ന ഋഷഭ് 149 പന്തിൽ നിന്ന് 189 റൺസാണ് ആകെ നേടിയത്. ലഖ്നൗ സൂപ്പർ ജയ്ന്റ്സ് നായകനായ ഋഷഭിന്റെ മോശം പ്രകടനം ടീമിനെ തീർത്തും നിരാശപ്പെടുത്തുകയും പിന്നോട്ടടിക്കുകയും ചെയ്യുന്നതാണ്.

കൊൽക്കത്ത നെെറ്റ് റെെഡേഴ്സിന്റെ കാമറൂൺ ഗ്രീനാണ് മറ്റൊരു താരം. 25.2 കോടിക്ക് കെകെആർ ടീമിലെത്തിച്ച താരം 128 പന്തിൽ നിന്ന് 196 റൺസാണ് ആകെ നേടിയത്. ബാറ്റുകൊണ്ടും പന്തുകൊണ്ടും പ്രതീക്ഷക്കൊത്ത പ്രകടനം നടത്താൻ ഗ്രീന് സാധിക്കാത്തത് കെകെആറിനെ തീർത്തും നിരാശപ്പെടുത്തുകയാണെന്ന് പറയാം. ഗ്രീനിൽ വലിയ പ്രതീക്ഷ കെകെആർ വെച്ചിരുന്നുവെങ്കിലും നീതികാട്ടാൻ ഓസീസ് താരത്തിന് സാധിച്ചില്ല.
IPL 2026: സ്റ്റാർക്കിനെ നേരിടേണ്ടി വന്നില്ല, വെെഭവിനെ ക്ലീൻബൗൾഡാക്കി ജാമിസൻ; യുവതാരത്തിന്റെ ദൗർബല്യം മുതലാക്കി

മുംബെെ ഇന്ത്യൻസിന്റെ സൂര്യകുമാർ യാദവാണ് മറ്റൊരു താരം. 16.35 കോടിക്ക് കളിക്കുന്ന സൂര്യകുമാർ 115 പന്തിൽ നിന്ന് 162 റൺസാണ് ആകെ നേടിയത്. ഇന്ത്യയുടെ ടി20 ക്യാപ്റ്റനായ സൂര്യകുമാർ യാദവ് ഇത്തവണ മോശം ഫോമിലുള്ളത് മുംബെെയെ പിന്നോട്ടടിക്കുന്ന കാര്യമാണ്. അഞ്ച് തവണ ചാമ്പ്യന്മാരായ മുംബെെക്ക് ഇനിയുള്ള എല്ലാ മത്സരങ്ങളും വളരെ നിർണ്ണായകമാണ്.

എല്ലാ മത്സരത്തിലും ജയിച്ചാലും മുംബെെ പ്ലേ ഓഫിലേക്കെത്താൻ സാധ്യത കുറവാണെന്ന് തന്നെ പറയാം. ഈ താരങ്ങളുടെയെല്ലാം മോശം ഫോമിൽ ടീമുകൾക്ക് കടുത്ത നിരാശയാണുള്ളത്. ശേഷിക്കുന്ന മത്സരങ്ങളിൽ തകർപ്പൻ തിരിച്ചുവരവ് നടത്താൻ ഇവർക്ക് സാധിക്കുമോയെന്നതാണ് കാത്തിരുന്ന് കാണേണ്ടത്.