IPL 2026: ഐപിഎല്ലില്‍ സിക്സടിച്ച് കൂട്ടുക സഞ്ജുവല്ല, അത് മറ്റൊരു താരം; മുന്‍ സിഎസ്കെ താരത്തിന്റെ പ്രവചനം ഇങ്ങനെ

ഇന്ത്യയിലും ശ്രീലങ്കയിലുമായി നടന്ന 2026 ടി20 ലോകകപ്പില്‍ മലയാളി വിക്കറ്റ് കീപ്പര്‍ താരം സഞ്ജു സാംസണ്‍ സിക്സുകളടിച്ച് കൂട്ടിയിരുന്നു. 5 മത്സരങ്ങള്‍ മാത്രം കളിച്ച സഞ്ജു 24 സിക്സുകള്‍ അടിച്ച് ഇക്കാര്യത്തില്‍ ഒന്നാമനായി മാറി. പുതിയ സീസണ്‍ ഐപിഎല്ലില്‍ ചെന്നെെ സൂപ്പര്‍ കിങ്സിലേക്ക് കൂടുമാറിയ സഞ്ജു സാംസണ്‍ തകര്‍ത്തടിക്കുമെന്നാണ് ആരാധകരുടെ പ്രതീക്ഷ. സിക്സടിയില്‍ സഞ്ജു മുന്നിലെത്തുമോ എന്നാണ് ക്രിക്കറ്റ് ലോകം ഉറ്റുനോക്കുന്നത്. എന്നാല്‍ ഇക്കാര്യത്തില്‍ പുതിയ പ്രവചനം നടത്തി രംഗത്ത് വന്നിരിക്കുകയാണ് ഐപിഎല്ലില്‍ മുമ്പ് ആര്‍സിബി, സിഎസ്കെ ടീമുകളുടെ ഭാഗമായിരുന്ന അഭിനവ് മുകുന്ദ്. രാജസ്ഥാന്‍ റോയല്‍സിന്‍റെ കൗമാരതാരം വൈഭവ് സൂര്യവംശിയായിരിക്കും ഐപിഎല്ലില്‍ ഏറ്റവുമധികം സിക്സുകള്‍ നേടുക എന്നാണ് അഭിനവ് മുകുന്ദിന്റെ പ്രവചനം. ഇഎസ്പിന്‍ ക്രിക്ഇന്‍ഫോയോട് സംസാരിക്കുന്നതിനിടയിലാണ് അഭിനവ് മുകുന്ദ് ഈ പ്രവചനം നടത്തിയത്.
ഇപ്പോൾ അവസരമില്ല, എന്നാൽ ഈ പാക് താരങ്ങൾ ഐപിഎൽ കളിച്ചിട്ടുണ്ട്; ആരൊക്കെയെന്ന് അറിയാമോ? 11 താരങ്ങൾ ഇതാ
2026 ഐപിഎല്ലില്‍ ഏറ്റവുമധികം സിക്സകളടിക്കുക ആരായിരിക്കും എന്ന ചോദ്യത്തിനാണ് വൈഭവ് സൂര്യവംശി എന്ന് അഭിനവ് മുകുന്ദ് മറുപടി നല്‍കിയത്. 2025-ല്‍ സഞ്ജു സാംസണ്‍ പരിക്കേറ്റ് പുറത്തായപ്പോഴാണ് ഐപിഎല്ലില്‍ വൈഭവ് സൂര്യവംശി അരങ്ങേറ്റം കുറിച്ചത്. 7 മത്സരങ്ങളില്‍ നിന്ന് രാജസ്ഥാന് വേണ്ടി 24 സിക്സുകളാണ് വൈഭവ് സൂര്യവംശി അടിച്ചുകൂട്ടിയത്. വൈഭവിനേക്കാള്‍ ഇരട്ടി മത്സരങ്ങള്‍ കളിച്ച നിക്കോളാസ് പൂരനായിരുന്നു 40 സിക്സുകളടിച്ച് ഇക്കാര്യത്തില്‍ ഒന്നാമതെത്തിയത്.

പുതിയ സീസണില്‍ വൈഭവ് എല്ലാ മത്സരങ്ങളിലും കളിക്കുമെന്ന് ഉറപ്പാണ്. അതുകൊണ്ട് തന്നെ താരം ഒന്നാമനായി മാറുമെന്നാണ് അഭിനവ് മുകുന്ദ് പ്രവചിക്കുന്നത്. കഴിഞ്ഞ സീസണില്‍ ഏറ്റവും മികച്ച സ്ട്രൈക്ക് റേറ്റിനുള്ള കര്‍വ് സൂപ്പര്‍ സ്ട്രൈക്കര്‍ ഓഫ് ദി സീസണ്‍ പുരസ്കാരവും വൈഭവ് സൂര്യവംശി നേടിയിരുന്നു. ഐപിഎല്ലിന് ശേഷം ആഭ്യന്തര ക്രിക്കറ്റിലും അണ്ടര്‍ 19 ക്രിക്കറ്റിലും തകര്‍ത്തടിച്ച വൈഭവ് സൂര്യവംശി ഐപിഎല്ലിലും മിന്നിക്കുമെന്നാണ് ആരാധകരുടെ പ്രതീക്ഷ.

പുതിയ സീസണ്‍ ഐപിഎല്ലിലെ വിരാട് കോഹ്ലിയുടെ സ്ട്രൈക്ക് റേറ്റ് എങ്ങനെയായിരിക്കും എന്ന ചോദ്യത്തിന് 168.8 എന്നാണ് അഭിനവ് മുകുന്ദ് മറുപടി നല്‍കിയത്. ആര്‍സിബി താരമായ വിരാട് കോഹ്ലി 2025 ഐപിഎല്ലില്‍ 144.71 സ്ട്രൈക്ക് റേറ്റിലും 2024 സീസണില്‍ 154.69 സ്ട്രൈക്ക് റേറ്റിലുമാണ് ബാറ്റ് വീശിയത്. ഐപിഎല്ലിലെ കോഹ്ലിയുടെ ആകെ സ്ട്രേക്ക് റേറ്റ് 132.85 ആണ്.
IPL 2026: ടി20 ലോകകപ്പിലെ മിന്നും പ്രകടനം, ഐപിഎല്ലിൽ സഞ്ജുവിൽ പ്രതീക്ഷകളേറെ; പക്ഷെ ഈ സമ്മർദ്ദങ്ങൾ താരത്തെ വേട്ടയാടുന്നു
ഈ ഐപിഎല്ലില്‍ കയ്യടി നേടുന്ന അപ്രതീക്ഷിത താരമായി 23കാരനായ അണ്‍ ക്യാപ്ഡ് ഫാസ്റ്റ് ബോളര്‍ അശോക് ശര്‍മയെയാണ് അഭിനവ് മുകുന്ദ് തെരഞ്ഞെടുത്തത്. ‌ആഭ്യന്തര ക്രിക്കറ്റില്‍ രാജസ്ഥാന്‍ താരമായ അശോക് ശര്‍മ ഇതുവരെ കളിച്ച 10 ടി20 മത്സരങ്ങളില്‍ നിന്ന് 22 വിക്കറ്റുകള്‍ വീഴ്ത്തിയിട്ടുണ്ട്. 2025 വിജയ് ഹസാരെ ട്രോഫിയില്‍ മിന്നിച്ചതോടെയാണ് 90 ലക്ഷം രൂപക്ക് ഗുജറാത്ത് ടൈറ്റന്‍സ് അശോക് ശര്‍മയെ സ്വന്തമാക്കിയത്.