IPL 2026: കെകെആറിനോട് തോറ്റ് ഹെെദരാബാദ്, കോളടിക്കുക ​ഗുജറാത്തിനും സിഎസ്കെയ്ക്കും, പ്ലേ ഓഫ് പോര് മുറുകുന്നു

ഇന്ത്യൻ പ്രീമിയർ ലീഗിന്റെ 2026 സീസണിൽ സൺറെെസേഴ്സ് ഹെെദരാബാദിനെ കൊൽക്കത്ത നെെറ്റ് റെെഡേഴ്സ് തോൽപ്പിച്ചിരിക്കുകയാണ്. ഹെെദരാബാദിന്റെ തട്ടകത്തിൽ നടന്ന മത്സരത്തിൽ ആദ്യം ബാറ്റ് ചെയ്ത ഹെെദരാബാദിന് പ്രതീക്ഷിച്ച പ്രകടനം നടത്താനായില്ല. ഒരോവർ ബാക്കി നിർത്തി 165 റൺസിൽ ഹെെദരാബാദ് ഓൾഔട്ടാവുകയായിരുന്നു. മറുപടിക്കിറങ്ങിയ കെകെആർ 18.2 ഓവറിൽ മൂന്ന് വിക്കറ്റ് മാത്രം നഷ്ടത്തിൽ വിജയലക്ഷ്യം മറികടക്കുകയായിരുന്നു. നിർണ്ണായക സമയത്താണ് ഹെെദരാബാദിന്റെ തോൽവിയെന്ന് പറയാം. പ്ലേ ഓഫിലേക്കുള്ള പോരാട്ടം കടുക്കവെ ഈ തോൽവി ഹെെദരാബാദിനെ പ്രതികൂലമായി ബാധിക്കുന്ന കാര്യമാണ്. 10 മത്സരങ്ങൾ പൂർത്തിയാക്കിയ ഹെെദരാബാദ് ആറ് ജയവും നാല് തോൽവിയുമടക്കം 12 പോയിന്റോടെ മൂന്നാം സ്ഥാനത്താണ് നിൽക്കുന്നത്. എന്നാൽ ഹെെദരാബാദിന്റെ ഈ തോൽവി ഗുജറാത്ത് ടെെറ്റൻസിനും ചെന്നെെ സൂപ്പർ കിങ്സിന്റേയും പ്രതീക്ഷ ഉയർത്തുന്നതാണ്.

9 മത്സരങ്ങളിൽ നിന്ന് അഞ്ച് ജയവും നാല് തോൽവിയുമടക്കം 10 പോയിന്റോടെ ഗുജറാത്ത് അഞ്ചാം സ്ഥാനത്തുണ്ട്. ഇന്ന് പഞ്ചാബ് കിങ്സിനെതിരേ ഗുജറാത്തിന് ജയിക്കാൻ സാധിച്ചാൽ അത് കരുത്തായി മാറുകയും ഗുജറാത്തിന്റെ പ്ലേ ഓഫ് സാധ്യത സജീവമാകുകയും ചെയ്യും. ഹെെദരാബാദിന് ഈ തോൽവിയോടെ വരുന്ന മത്സരങ്ങളിൽ തുടർ ജയങ്ങൾ അത്യാവശ്യമായിരിക്കുകയാണ്.

വമ്പൻ ജയങ്ങളോടെ നെറ്റ് റൺറേറ്റ് ഉയർത്തി ഹെെദരാബാദിന് മുന്നോട്ട് പോകാൻ സാധിക്കാത്ത പക്ഷം പ്ലേ ഓഫ് കാണാതെ പുറത്താകാനുള്ള സാധ്യതകളും തള്ളിക്കളയാനാവില്ല. ഹെെദരാബാദിന് തട്ടകത്തിൽ തോൽക്കേണ്ടി വന്നതാണ് നിരാശയായത്. ഭേദപ്പെട്ട തുടക്കം ലഭിച്ചിട്ടും അത് മുതലാക്കാൻ മധ്യനിരക്ക് സാധിക്കാതെ പോയതാണ് തിരിച്ചടിയായി മാറിയത്.
IPL 2026: വെെഭവ് സൂര്യവംശി ചെയ്യുന്നത് ബാലവേല, നിയമനടപടിക്കൊരുങ്ങി സാമൂഹ്യ പ്രവർത്തകൻ; ആവശ്യപ്പെടുന്നത് ഇക്കാര്യം
ഹെെദരാബാദിന്റെ തോൽവി ചെന്നെെ സൂപ്പർ കിങ്സിന്റേയും പ്ലേ ഓഫ് പ്രതീക്ഷ സജീവമാക്കുന്നതാണ്. നാല് ജയവും അഞ്ച് തോൽവിയും നേരിട്ട സിഎസ്കെ നിലവിൽ ആറാം സ്ഥാനത്താണ്. ഇനിയുള്ള മത്സരങ്ങളിൽ തുടർ ജയം നേടുകയെന്നതാണ് സിഎസ്കെയ്ക്ക് മുന്നിലുള്ള പ്രധാന വെല്ലുവിളി. നിലവിലെ സാഹചര്യത്തിൽ ഹെെദരാബാദ് തോൽക്കുന്നത് പിന്നാലെയുള്ളവർക്ക് പ്രതീക്ഷ നൽകുന്നതാണ്.

രാജസ്ഥാൻ റോയൽസിന്റെ വരുന്ന മത്സരങ്ങളിലെ പ്രകടനവും ഗുജറാത്തിനും സിഎസ്കെയ്ക്കും നിർണ്ണായകമാണ്. രാജസ്ഥാൻ നിലവിൽ 12 പോയിന്റോടെ നാലാം സ്ഥാനത്തുണ്ട്. രാജസ്ഥാൻ വരുന്ന മത്സരങ്ങളിൽ തോൽവി വഴങ്ങിയാൽ സിഎസ്കെയ്ക്കും ഗുജറാത്തിനും അത് ഗുണകരമായി മാറാനുള്ള സാധ്യത കൂടുതലാണ്.
IPL 2026: ധോണിക്കില്ലാത്ത നേട്ടം, അപൂർവ്വ റെക്കോഡ് ക്ലബ്ബിൽ മനീഷ് പാണ്ഡെ; കോഹ്ലിക്കും രോഹിത്തിനും ശേഷം ഇതാദ്യം

ഹെെദരാബാദിനെ തോൽപ്പിച്ചതോടെ കെകെആറും പ്ലേ ഓഫ് പ്രതീക്ഷ നിലനിർത്തി. ഒമ്പത് മത്സരങ്ങളിൽ നിന്ന് ഏഴ് പോയിന്റോടെ കെകെആർ എട്ടാം സ്ഥാനത്താണുള്ളത്. അഞ്ച് മത്സരങ്ങൾ ശേഷിക്കെ കെകെആറിന് തുടർ ജയങ്ങൾ നേടാനായാൽ പ്ലേ ഓഫിലേക്കെത്തുക അസാധ്യമായിരിക്കില്ല. കെകെആറിന് ഇനിയുള്ള അഞ്ച് മത്സരങ്ങളിൽ വലിയ ജയം നേടാനായാൽ 17 പോയിന്റ് നേടാൻ സാധിക്കും.

ഇതോടെ കെകെആറിന് പ്ലേ ഓഫിലേക്കെത്താൻ അവസരമുണ്ട്. എന്തായാലും പ്ലേ ഓഫിനായുള്ള പോരാട്ടം കടുക്കുകയാണെന്ന് പറയാം. ആരൊക്കെ പ്ലേ ഓഫിലേക്കെത്തുമെന്ന് ഇപ്പോൾ പ്രവചിക്കാൻ സാധിക്കാത്ത വിധം പോരാട്ടം തീപാറുകയാണ്.