IPL 2026: ചരിത്ര നേട്ടത്തിൽ അർഷ്​ദീപ്, മറ്റൊരു പഞ്ചാബ് താരത്തിനും നേടാനാവാത്ത റെക്കോഡ്; പവർപ്ലേയിൽ തകർപ്പൻ ബൗളിങ്

ഇന്ത്യൻ പ്രീമിയർ ലീഗിന്റെ 2026 സീസണിലെ മുംബെെ ഇന്ത്യൻസിനെതിരായ മത്സരത്തിൽ പഞ്ചാബ് കിങ്സിനായി തകർപ്പൻ പ്രകടനം കാഴ്ചവെച്ച് പേസർ അർഷ്ദീപ്. കഴിഞ്ഞ മത്സരങ്ങളിലെല്ലാം പവർപ്ലേയിൽ‌ നിരവധി എക്സ്ട്രാസ് വഴങ്ങി ചീത്തപ്പേര് കേട്ട അർഷ്ദീപ് മുംബെെ ഇന്ത്യൻസിനെതിരേ കിടിലൻ ബൗളിങ് പ്രകടനമാണ് കാഴ്ചവെച്ചത്. ഒരോവറിൽ രണ്ട് വിക്കറ്റുകൾ വീഴ്ത്തി ആതിഥേയരായ മുംബെെയെ വിറപ്പിക്കാൻ അർഷ്ദീപിന് സാധിച്ചു. എട്ട് പന്തിൽ രണ്ട് റൺസെടുത്ത റിയാൻ റിക്കിൽട്ടനെ അർഷ്ദീപ് ശശാങ്ക് സിങ്ങിന്റെ കെെയിലെത്തിച്ചു. തൊട്ടടുത്ത പന്തിൽ സീനിയർ താരവും ഇന്ത്യയുടെ ടി20 ടീം ക്യാപ്റ്റനുമായ സൂര്യകുമാർ യാദവിനേയും അർഷ്ദീപ് സിങ് പുറത്താക്കി. ഇതോടെ ചരിത്ര നേട്ടത്തിലേക്കെത്താനും അർഷ്ദീപിന് സാധിച്ചിരിക്കുകയാണ്. പഞ്ചാബ് കിങ്സിനായി 100 വിക്കറ്റ് നേടുന്ന ആദ്യത്തെ ബൗളറെന്ന നേട്ടമാണ് അർഷ്ദീപ് നേടിയെടുത്തത്. മറ്റൊരു പഞ്ചാബ് താരത്തിനും നേടാനാവാത്ത റെക്കോഡിലേക്കാണ് അർഷ്ദീപ് പേര് ചേർത്തിരിക്കുന്നത്.

റണ്ണൊഴുകുന്ന പവർപ്ലേയിൽ വിക്കറ്റ് വീഴ്ത്താൻ മിടുക്കുകാട്ടുന്നു എന്നതാണ് അർഷ്ദീപിനെ മറ്റുള്ളവരിൽ നിന്ന് വ്യത്യസ്തനാക്കുന്നത്. ഇന്ത്യയുടെ നിർണ്ണായക താരമായ അർഷ്ദീപ് ടി20യിൽ കിടിലൻ റെക്കോഡുള്ള ബൗളറാണെന്നതാണ് എടുത്തു പറയേണ്ടത്. ഇതിനോടകം ഇന്ത്യക്കായി രണ്ട് ടി20 ലോകകപ്പ് നേടാൻ അർഷ്ദീപിന് സാധിച്ചിട്ടുണ്ട്.

ടി20യിലും ഐപിഎല്ലിലും 100ലധികം വിക്കറ്റുകൾ ഇതിനോടകം പേരിനൊപ്പം ചേർക്കാൻ അർഷ്ദീപിന് സാധിച്ചിട്ടുണ്ട്. ഇന്ത്യക്കായി ടി20യിൽ കൂടുതൽ വിക്കറ്റ് നേടുന്ന ബൗളറെന്ന റെക്കോഡ് അർഷ്ദീപിന്റെ പേരിലാണ്. ടി20 ലോകകപ്പിൽ ഇന്ത്യക്കായി കൂടുതൽ വിക്കറ്റുള്ള രണ്ടാമത്തെ ബൗളറാണ് അർഷ്ദീപ്. ഐസിസിയുടെ ടി20 ക്രിക്കറ്റർ ഓഫ് ദി ഇയർ പുരസ്കാരം നേടിയെടുത്തിട്ടുള്ള താരമാണ് അർഷ്ദീപ് എന്നതാണ് എടുത്തു പറയേണ്ടത്.
വെെഭവ് സൂര്യവംശി ഇന്ത്യൻ ടീമിലേക്കെത്തിയാൽ ഇവർ സൂക്ഷിക്കണം, ആരുടെയൊക്കെ സീറ്റ് പോയേക്കും? സൂര്യക്കടക്കം വെല്ലുവിളി
സമീപകാലത്തെ മത്സരങ്ങളിൽ കൂടുതൽ വെെഡ് ബോളുകൾ എറിഞ്ഞതിന്റെ പേരിൽ വിമർശനം കേട്ട താരമാണ് അർഷ്ദീപ് സിങ്. എന്നാൽ മുംബെെക്കെതിരായ മത്സരത്തിലൂടെ ശക്തമായ തിരിച്ചുവരവ് നടത്താൻ ഇടം കെെയൻ പേസർക്കായി. ന്യൂബോളിലും ഡെത്തോവറിലും ഒരുപോലെ മികവ് കാട്ടുന്ന ബൗളറാണ് അർഷ്ദീപ് എന്നതാണ് എടുത്തു പറയേണ്ട കാര്യം.

എന്നാൽ അർഷ്ദീപ് ഒഴികെയുള്ള പഞ്ചാബിന്റെ മറ്റ് ബൗളർമാർ മുംബെെക്കെതിരേ നിരാശപ്പെടുത്തിയെന്നതാണ് എടുത്തു പറയേണ്ടത്. നമാൻ ധിറിനെ 10 റൺസിൽ യുസ് വേന്ദ്ര ചഹാൽ വിട്ടുകളഞ്ഞത് നിർണ്ണായകമായി. മാർക്കോ യാൻസന്റെ ഓവറിലാണ് അവസരം ലഭിച്ചത്. 31 പന്തിൽ മൂന്ന് ഫോറും സിക്സും ഉൾപ്പെടെ 50 റൺസെടുത്താണ് നമാൻ ധിർ പുറത്തായത്. ഈ വിക്കറ്റ് നേരത്തെ ലഭിച്ചിരുന്നെങ്കിൽ മുംബെെ വലിയ പ്രയാസത്തിലേക്ക് പോയേനെ.

IPL 2026: സിഎസ്കെയ്ക്ക് വീണ്ടും പരിക്കിന്റെ പണി, ഖലീൽ അഹമ്മദ് പുറത്ത്, പകരക്കാരനായി ആര്? രണ്ട് മലയാളികൾ പരിഗണനയിൽ?

പഞ്ചാബിന്റെ തുറുപ്പുചീട്ടായ സ്പിന്നർ യുസ് വേന്ദ്ര ചഹാൽ നന്നായി തല്ലുവാങ്ങി. മൂന്ന് ഓവറിൽ 45 റൺസ് താരം വിട്ടുകൊടുത്തു. പഞ്ചാബ് കിങ്സിനെതിരേ രോഹിത് ശർമ മുംബെെക്കായി കളിക്കുന്നില്ല. പകരമെത്തിയ ക്വിന്റൻ ഡീകോക്കും തകർപ്പൻ അർധ സെഞ്ചുറിയോടെ കസറിയെന്നതാണ് എടുത്തു പറയേണ്ട കാര്യം. ഈ സീസണിലെ മുംബെെക്കായുള്ള ആദ്യ മത്സരത്തിൽത്തന്നെ കരുത്തുകാട്ടാൻ ഡീകോക്കിന് സാധിച്ചു.