IPL 2026: ദെെവത്തിന്റെ പോരാളികൾ ജയിച്ച് തുടങ്ങി, കെകെആറിനെ ആറ് വിക്കറ്റിന് തകർത്ത് മുംബെെ; ഹീറോയായി രോഹിത്

ഇന്ത്യൻ പ്രീമിയർ ലീഗിന്റെ 2026 സീസണിലെ രണ്ടാം മത്സരത്തിൽ കൊൽക്കത്ത നെെറ്റ് റെെഡേഴ്സിനെ ആറ് വിക്കറ്റിന് തോൽപ്പിച്ച് മുംബെെ ഇന്ത്യൻസ് . ആദ്യം ബാറ്റ് ചെയ്ത കെകെആർ നാല് വിക്കറ്റിന് 220 റൺസെടുത്തപ്പോൾ മറുപടിക്കിറങ്ങിയ മുംബെെ 19.1 ഓവറിൽ നാല് വിക്കറ്റ് മാത്രം നഷ്ടപ്പെടുത്തി 224 റൺസോടെ വിജയം നേടിയെടുക്കുകയായിരുന്നു. 4742 ദിവസത്തിന് ശേഷമാണ് മുംബെെ ഐപിഎല്ലിലെ ആദ്യ മത്സരം ജയിക്കുന്നത്. ഇതിന് മുമ്പ് 2012ലാണ് അവസാനമായി മുംബെെ ആദ്യ മത്സരം ജയിച്ചത്. ടോസ് നഷ്ടപ്പെട്ട് ആദ്യം ബാറ്റ് ചെയ്യാനിറങ്ങിയ കൊൽക്കത്ത നെെറ്റ് റെെഡേഴ്സ് മുംബെെ ഇന്ത്യൻസിനെ വിറപ്പിക്കുന്ന ബാറ്റിങ് പ്രകടനമാണ് പുറത്തെടുത്തത്. ഓപ്പണർമാരായ ഫിൻ അലനും അജിൻക്യ രഹാനെയും ചേർന്ന് അതിവേഗം റൺസുയർത്തി. പവർപ്ലേയിൽ മുംബെെയുടെ പേരുകേട്ട ബൗളിങ് നിര നന്നായി തല്ലുവാങ്ങിയപ്പോൾ കെകെആറിന് അനായാസം അടിത്തറ പാകാൻ സാധിച്ചു.

ആറാം ഓവറിലെ രണ്ടാം പന്തിൽ കെകെആറിന്റെ ഓപ്പണിങ് കൂട്ടുകെട്ട് പൊളിഞ്ഞു. ഫിൻ അലനെ ശാർദ്ദുൽ ഠാക്കൂറാണ് പുറത്താക്കിയത്. 17 പന്തിൽ 6 ഫോറും 2 സിക്സും ഉൾപ്പെടെ 37 റൺസാണ് ഫിൻ അലൻ നേടിയത്. ക്യാപ്റ്റൻ അജിൻക്യ രഹാനെ ഒരുവശത്ത് ബാറ്റിങ് വെടിക്കെട്ട് തീർത്തു. മൂന്നാം നമ്പറിലെത്തിയ കാമറൂൺ ഗ്രീൻ വലിയ സ്കോറിലേക്കുയരാതെ മടങ്ങി.

10 പന്തിൽ ഓരോ സിക്സും ഫോറും ഉൾപ്പെടെ 18 റൺസാണ് ഗ്രീന് നേടാനായത്. ശാർദ്ദുലാണ് ഗ്രീനേയും പുറത്താക്കിയത്. പവർപ്ലേയിൽ 1 വിക്കറ്റിന് 78 റൺസ് നേടിയ കെകെആർ പിന്നേയും വെടിക്കെട്ട് തുടർന്നു. അജിൻക്യ രഹാനെ 40 പന്തിൽ 3 ഫോറും 5 സിക്സും ഉൾപ്പെടെ 67 റൺസെടുത്ത് മടങ്ങി. ശാർദ്ദുലാണ് രഹാനെയേയും പുറത്താക്കിയത്.
IPL 2026: ആറ് തവണയും ജയിച്ചു, പക്ഷെ ഇത്തവണ ഹെെദരാബാദ് തോറ്റു; വില്ലനായത് ഇഷാന്റെ ക്യാപ്റ്റൻസിയോ? ഈ പിഴവുകൾ തിരിച്ചടിയായി
ജസ്പ്രീത് ബുംറക്കും ട്രന്റ് ബോൾട്ടിനും ഹാർദിക് പാണ്ഡ്യക്കുമൊന്നും പ്രതീക്ഷിച്ച മികവ് കാട്ടാനായില്ല. അൻകൃഷ് രഘുവംശിയും റിങ്കു സിങ്ങും ചേർന്ന് നാലാം വിക്കറ്റിലെ കൂട്ടുകെട്ടിലൂടെ റൺസുയർത്തി. രോഹിത് ശർമ അൻകൃഷിന്റെ ക്യാച്ച് പാഴാക്കിയതും മുംബെെക്ക് തിരിച്ചടിയായി. 29 പന്തിൽ 6 ഫോറും 2 സിക്സും ഉൾപ്പെടെ 51 റൺസെടുത്ത അൻകൃഷിനെ ഹാർദിക് പാണ്ഡ്യ പുറത്താക്കി. 175.86 സ്ട്രെെക്ക് റേറ്റിലാണ് യുവതാരം കസറിയത്.

ടി20 ലോകകപ്പിൽ മോശം ഫോമിലായിരുന്ന റിങ്കു സിങ് കെകെആറിനായി മികവ് കാട്ടി. 21 പന്തിൽ 4 ഫോറടക്കം 33 റൺസോടെ റിങ്കു പുറത്താവാതെ നിന്നു. രമൺദീപ് സിങ് 4 പന്തിൽ 4 റൺസോടെയും ക്രീസിൽ തുടർന്നു. ഇതോടെ 20 ഓവറിൽ നാല് വിക്കറ്റിന് 220 എന്ന മികച്ച സ്കോർ കെകെആർ നേടി. മുംബെെക്കായി ശാർദ്ദുൽ ഠാക്കൂർ മൂന്ന് വിക്കറ്റും ഹാർദിക് പാണ്ഡ്യ ഒരു വിക്കറ്റും നേടി.

IPL 2026: ഇത് ശക്തിമാനോ സൂപ്പർമാനോ? പറക്കും ക്യാച്ചുമായി ഫിൽ സാൾട്ട്; ഒന്നല്ല രണ്ടെണ്ണം, വണ്ടറടിച്ച് ആരാധകർ

മറുപടിക്കിറങ്ങിയ മുംബെെ ഇന്ത്യൻസ് അനായാസം വിജയലക്ഷ്യത്തിലേക്ക് ബാറ്റുവീശി. രോഹിത് ശർമയും റിയാൻ റിക്കിൽട്ടനും ചേർന്ന് 148 റൺസിന്റെ കൂട്ടുകെട്ടാണ് ഒന്നാം വിക്കറ്റിൽ സൃഷ്ടിച്ചത്. 38 പന്തിൽ 6 ഫോറും സിക്സും ഉൾപ്പെടെ 78 റൺസെടുത്ത് രോഹിത് പുറത്തായപ്പോഴേക്കും മുംബെെ അടിത്തറ നേടിയെടുത്ത് കഴിഞ്ഞിരുന്നു. മൂന്നാമനായെത്തിയ സൂര്യകുമാർ യാദവ് 8 പന്തിൽ 3 ഫോറടക്കം 16 റൺസെടുത്ത് പുറത്തായി. എന്നാൽ ഒരുവശത്ത് റിയാൻ റിക്കിൽട്ടൻ വെടിക്കെട്ട് പ്രകടനത്തോടെ സ്കോർ ഉയർത്തി.

43 പന്തിൽ 4 ഫോറും 8 സിക്സും ഉൾപ്പെടെ 81 റൺസെടുത്ത റിയാൻ റിക്കിൽട്ടൻ റണ്ണൗട്ടായാണ് പുറത്തായത്. 188.37 പ്രഹര ശേഷിയിലാണ് താരം കസറിയത്. തിലക് വർമ വിജയത്തിന് തൊട്ടരികെ വീണു. 14 പന്തിൽ 20 റൺസെടുത്താണ് തിലക് പുറത്തായത്. എന്നാൽ ഹാർദിക് പാണ്ഡ്യയും (11 പന്തിൽ 18) നമാൻ ദിറും (5) ചേർന്ന് കൂടുതൽ അപകടമില്ലാതെ മുംബെെയെ ജയിപ്പിച്ചു.