IPL 2026: ധോണി എന്തുകൊണ്ട് സിഎസ്കെയ്ക്കായി കളിക്കുന്നില്ല? ആരാധകർ ചെയ്യേണ്ടത് ഒരു കാര്യം; അഭ്യർത്ഥനയുമായി മെെക്കൽ ക്ലാർക്ക്

ഇന്ത്യൻ പ്രീമിയർ ലീഗിന്റെ 2026 സീസൺ പ്ലേ ഓഫിലേക്ക് അടുക്കുകയാണ്. 10 റൗണ്ട് മത്സരങ്ങൾ പിന്നിടവെ ഇഞ്ചോടിഞ്ച് പോരാട്ടമാണ് ഇത്തവണ നടക്കുന്നത്. ചെന്നെെ സൂപ്പർ കിങ്സിനെ സംബന്ധിച്ച് ഇത്തവണ പ്രതീക്ഷിച്ച പ്രകടനം നടത്താൻ സാധിക്കുന്നില്ല. അഞ്ച് ജയങ്ങളുമായി സിഎസ്കെ ആറാം സ്ഥാനത്താണുള്ളത്. ഈ സീസൺ അവസാന ഘട്ടത്തിലേക്ക് കടക്കവെ സിഎസ്കെ ആരാധകർക്ക് നിരാശയുണ്ടാക്കുന്നത് എംഎസ് ധോണിയുടെ അഭാവമാണ്.ധോണി ഈ സീസണിൽ കളിച്ച് വിരമിക്കുമെന്നാണ് എല്ലാവരും കരുതിയിരുന്നത്. എന്നാൽ പരിക്കിനെത്തുടർന്ന് ധോണി ഈ സീസണിലെ ഒറ്റ മത്സരം പോലും കളിച്ചിട്ടില്ല. ഇനി കളിക്കാൻ സാധ്യതയുമില്ലെന്ന് തന്നെ പറയാം. ഇന്ത്യൻ ക്രിക്കറ്റ് ടീമിൽ നിന്ന് അപ്രതീക്ഷിതമായി വിരമിക്കൽ പ്രഖ്യാപിച്ചതുപോലെ ഐപിഎല്ലിലും ധോണി വിരമിക്കുമോയെന്നാണ് എല്ലാവരും ഉറ്റുനോക്കുന്നത്. ആരും പ്രതീക്ഷിക്കാത്ത നീക്കം ധോണിയിൽ നിന്ന് ഉണ്ടായാലും അത്ഭുതപ്പെടാനാവില്ല.

ഇപ്പോഴിതാ ധോണി ഈ സീസണിൽ കളിക്കാത്തതിനെക്കുറിച്ച് തന്റെ നിലപാട് വ്യക്തമാക്കിയിരിക്കുകയാണ് മുൻ ഓസീസ് ക്യാപ്റ്റനായ മെെക്കൽ ക്ലാർക്ക്. 'ധോണി വിരമിച്ചാൽ ക്രിക്കറ്റിൽ അവൻ ഇടപെടുന്നത് പിന്നെ നമുക്ക് കാണാൻ സാധിച്ചേക്കില്ല. കമന്റേറ്ററായി ധോണി വരാൻ സാധ്യതയില്ല. സിഎസ്കെയുടെ ഉപദേഷ്ടാവായി ധോണി വരുമോ എന്ന കാര്യത്തിൽ എനിക്ക് സംശയമുണ്ട്.

ധോണി പരിശീലകനാവുന്നതിനെക്കുറിച്ച് എനിക്ക് ചിന്തിക്കാനാവില്ല. അതുകൊണ്ടുതന്നെ ആരാധകരോട് എനിക്ക് പറയാനുള്ള ധോണിയോട് വിരമിക്കുന്നതുമായി ബന്ധപ്പെട്ട് ഇപ്പോഴേ ആശംസകൾ നേരാതിരിക്കുക. പരമാവധി അവനെ ക്രിക്കറ്റിൽ പിടിച്ചുനിർത്താൻ ശ്രമിക്കുക' എന്നാണ് മെെക്കൽ ക്ലാർക്ക് പറഞ്ഞത്. ധോണി ഈ സീസണിൽ ഇനി സിഎസ്കെയ്ക്കായി കളിക്കാൻ സാധ്യത വിരളമാണ്.
IPL 2026: രാജസ്ഥാനൊപ്പം നേടാനായില്ല, 4 മത്സരം ശേഷിക്കെ സഞ്ജുവിനത് സാധിക്കുമോ? സിഎസ്കെയ്ക്കൊപ്പം പുതിയ നാഴികക്കല്ല് പ്രതീക്ഷിച്ച് താരം
ഈ സീസണ് ശേഷം സാമൂഹ്യ മാധ്യമങ്ങളിൽ ധോണിയുടെ വിരമിക്കൽ കുറിപ്പ് പ്രത്യക്ഷപ്പെടാനാണ് സാധ്യത. അന്താരാഷ്ട്ര ക്രിക്കറ്റിൽ വിരമിക്കൽ മത്സരത്തിന് പോലും കാത്ത് നിൽക്കാത്ത താരമാണ് ധോണി. ഐപിഎല്ലിലും അത് പ്രതീക്ഷിക്കാം. ധോണി ഇന്ത്യയുടെ പരിശീലകനായി എത്തണമെന്നടക്കം ആരാധകർ ആഗ്രഹിക്കുന്നുണ്ട്. എന്നാൽ ഇതിനുള്ള സാധ്യതകളും വിരളമാണ്.

ധോണി താരമെന്ന നിലയിൽ വിരമിച്ചാലും ഐപിഎല്ലിൽ അദ്ദേഹം സിഎസ്കെയോടൊപ്പം തുടർന്നേക്കും. സിഎസ്കെയുടെ ഉപദേഷ്ടാവിന്റെ റോളിൽ ധോണി എത്താനാണ് സാധ്യത കൂടുതൽ. സിഎസ്കെയ്ക്കൊപ്പം തുടരുമെന്ന കാര്യം ധോണി നേരത്തെ തന്നെ വ്യക്തമാക്കിയിട്ടുള്ളതാണ്. അതുകൊണ്ടുതന്നെ ടീമിന്റെ പരിശീലക സംഘത്തോടൊപ്പം ധോണിയെ തീർച്ചയായും പ്രതീക്ഷിക്കാം.
IPL 2026: ക്യാച്ച് വിടാൻ ടീമുകൾ തമ്മിൽ മത്സരമോ? സിഎസ്കെയും പഞ്ചാബും പിഴവുകളിൽ തലപ്പത്ത്, ബെസ്റ്റ് കെകെആർ, കണക്കുകളിതാ

ഇതിനോടകം നിരവധി ബിസിനസുകളും ധോണി ആരംഭിച്ചിട്ടുണ്ട്. അതുകൊണ്ടുതന്നെ വിരമിക്കലിന് ശേഷം കൃഷിയിലേക്കടക്കം ധോണി തിരിയാനുള്ള സാധ്യതകളും തള്ളിക്കളയാൻ സാധിക്കില്ല. ധോണിയുടെ കാര്യങ്ങൾ പ്രവചിക്കുക പ്രയാസമാണ്. അതുകൊണ്ടുതന്നെ എന്താവും ധോണിയുടെ പദ്ധതിയെന്നത് കാത്തിരുന്ന് തന്നെ കണ്ടറിയേണ്ടതാണ്.

2020 ആഗസ്റ്റിലാണ് ധോണി അന്താരാഷ്ട്ര ക്രിക്കറ്റിൽ നിന്ന് വിരമിച്ചത്. ഇതിന് ശേഷം ഐപിഎല്ലിൽ മാത്രമാണ് ധോണി കളിക്കുന്നത്. 2023ൽ ധോണിക്ക് കീഴിൽ സിഎസ്കെ കിരീടം നേടിയിരുന്നു. പിന്നീട് നായകസ്ഥാനമൊഴിഞ്ഞ ധോണി കളിക്കാരനായി തുടർന്നു. പ്രായം ധോണിയെ തളർത്തുന്നുണ്ട്. അതുകൊണ്ടുതന്നെ ധോണിക്ക് ഇനി താരമായി തിരിച്ചുവരവ് നടത്തുക പ്രയാസമായിരിക്കുമെന്ന് പറയാം.