IPL 2026: ധോണി ചെയ്തത് സഞ്ജു ആവർത്തിക്കുന്നു, ഇനി സിഎസ്കെയുടെ 'തലെെവ', ചേട്ടൻ ടീമിന്റെ നട്ടെല്ലെന്ന് റുതുരാജ് ​ഗെയ്ക് വാദ്

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി പുരോഗമിക്കുമ്പോൾ ചെന്നെെ സൂപ്പർ കിങ്സിന്റെ മഞ്ഞ ജഴ്സിയിൽ കത്തിക്കയറുകയാണ് മലയാളി താരം സഞ്ജു സാംസൺ . 10 മത്സരങ്ങൾ കഴിയുമ്പോൾ 57.43 ശരാശരിയിൽ 402 റൺസ് സഞ്ജു സാംസൺ നേടിക്കഴിഞ്ഞു. 167.50 സ്ട്രെെക്ക് റേറ്റിൽ കളിക്കുന്ന സഞ്ജു രണ്ട് സെഞ്ചുറിയും ഒരു അർധ സെഞ്ചുറിയും നേടിക്കഴിഞ്ഞു. മൂന്ന് കളിയിൽ സഞ്ജു സാംസൺ മാൻ ഓഫ് ദി മാച്ചായിക്കഴിഞ്ഞു. രാജസ്ഥാൻ റോയൽസിന്റെ ക്യാപ്റ്റൻസ്ഥാനമടക്കം ഉപേക്ഷിച്ച് സഞ്ജു സിഎസ്കെയിലേക്കെത്തിയപ്പോൾ പല ചോദ്യങ്ങളും അദ്ദേഹത്തിനെതിരേ ഉയർന്നിരുന്നു. ആദ്യത്തെ മൂന്ന് മത്സരത്തിലും സഞ്ജു നിരാശപ്പെടുത്തിയപ്പോൾ ഈ വിമർശനങ്ങൾ കൂടുതൽ ശക്തമായി മാറി. എന്നാൽ പിന്നീട് പതിയെ താളം കണ്ടെത്തിയ സഞ്ജു ഇന്ന് സിഎസ്കെയുടെ നട്ടെല്ലായി മാറിയിരിക്കുകയാണ്.

ഡൽഹി ക്യാപിറ്റൽസിനെ ഈ സീസണിൽ രണ്ടാം തവണയും സിഎസ്കെ തോൽപ്പിച്ചത് സഞ്ജുവിന്റെ ബാറ്റിങ് മികവിലാണ്. മത്സര ശേഷം സഞ്ജു സിഎസ്കെയുടെ നട്ടെല്ലാണെന്നാണ് ക്യാപ്റ്റനായ റുതുരാജ് ഗെയ്ക് വാദ് പറഞ്ഞത്. ഇത് വെറും ഭംഗി വാക്കല്ലെന്നാണ് സഞ്ജുവിന്റെ പ്രകടനം നോക്കുമ്പോൾ വ്യക്തമാകുന്നത്. സിഎസ്കെ ഈ സീസണിൽ നേടിയ അഞ്ച് ജയങ്ങളിൽ നാല് ജയങ്ങളും സഞ്ജുവിന്റെ ബാറ്റിങ് മികവിലായിരുന്നു എന്നതാണ് എടുത്തു പറയേണ്ടത്.

സഞ്ജു സാംസണെ സിഎസ്കെയിലേക്കെത്തിച്ചത് എംഎസ് ധോണിയുടെ ഇടപെടലായിരുന്നുവെന്നത് പരസ്യമായ രഹസ്യമാണ്. ഇപ്പോൾ ധോണിയുടെ അഭാവത്തിൽ സിഎസ്കെയുടെ പുതിയ വിശ്വാസമായി സഞ്ജു മാറിക്കഴിഞ്ഞു. നേരത്തെ ധോണി ക്രീസിൽ നിന്നാൽ സിഎസ്കെ വിജയിക്കുമെന്ന വിശ്വാസം ആരാധകർക്കുണ്ടായിരുന്നു. ഇപ്പോൾ ആ വിശ്വാസം സഞ്ജു സാംസണായി മാറിയിരിക്കുകയാണെന്ന് പറയാം.
IPL 2026: ടി20യിൽ കിടിലൻ കളി, പക്ഷെ വെെഭവിന് ബഹുമാനം കിട്ടില്ല, അതിന് ഒരു കാര്യം തെളിയിക്കണം; സഞ്ജയ് മഞ്ജരേക്കർ പറയുന്നു
സഞ്ജു ക്രീസിൽ നിൽക്കുമ്പോൾ ടീമിനത് ധോണി നൽകിയപോലൊരു വിശ്വാസം നൽകുകയാണ്. ധോണിയുടെ സ്ഥാനത്ത് ഇനി താനുണ്ടാവുമെന്ന് തെളിയിക്കേണ്ടത് സഞ്ജുവിന്റെ നിലനിൽപ്പിന്റെ പ്രശ്നമായിരുന്നു. അക്കാര്യത്തിൽ മലയാളി താരം വിജയിച്ചുവെന്ന് തന്നെ പറയാം. സ്ഥിരതയില്ലാത്തവനെന്നു വിശ്വസിക്കാൻ കൊള്ളാത്തവനെന്നും വീരേന്ദർ സെവാഗിനെപ്പോലെയുള്ള പല മുതിർന്ന താരങ്ങളും വിശേഷിപ്പിച്ചപ്പോഴും തന്നെക്കുറിച്ച് പറഞ്ഞത് മാറ്റി പറയേണ്ടി വരുമെന്ന് പ്രകടനം കൊണ്ട് തെളിയിക്കുകയാണ് സഞ്ജു.

സഞ്ജു താരമെന്ന നിലയിൽ ഒരുപാടി മാറിയിട്ടുണ്ടെന്ന് കഴിഞ്ഞ ഒരു വർഷത്തെ പ്രകടനങ്ങളിലൂടെ വ്യക്തം. ഓപ്പണിങ്ങിലിറങ്ങി പവർപ്ലേയ്ക്കുള്ളിൽ തല്ലിത്തകർത്ത് മടങ്ങേണ്ടവൻ മാത്രമല്ല താനെന്നും കളി ജയിപ്പിക്കാൻ കെൽപ്പുള്ള ബാറ്റിങ് പ്രതിഭ തന്നിലുണ്ടെന്നും സഞ്ജുവിന് ബോധ്യപ്പെട്ടത് അവസാന ന്യൂസീലൻഡ് ടി20 പരമ്പരക്ക് ശേഷമായിരിക്കണം.

IPL 2026: 13 പന്തിൽ 13, അവസരം മുതലാക്കാതെ കരുൺ നായർ; സിഎസ്കെയ്ക്കെതിരേ ഫ്ളോപ്പ്, സ്പിൻ കെണിയിൽ വീണു

കിവീസിനെതിരേ സഞ്ജുവിന്റെ പരീക്ഷണങ്ങളെല്ലാം പാളിയപ്പോൾ ടി20 ലോകകപ്പിന്റെ ആദ്യ മത്സരങ്ങളിൽ ബെഞ്ചിലേക്ക് ഒതുക്കപ്പെട്ടു. കനലെരിയുന്ന മനസുമായി തന്റെ ഊഴത്തിനായി കാത്തിരുന്നത് വെറുതെയായില്ല. ടി20 ലോകകപ്പിൽ സഞ്ജു പ്ലേയിങ് ഇലവനിലേക്കെത്തിയ ശേഷം കണ്ടത് അദ്ദേഹത്തിന്റെ പകർന്നാട്ടമാണ്. പക്വതയോടെ, ശാന്തതയോടെ പിച്ചിനെ മനസിലാക്കി കളിക്കുന്ന സഞ്ജുവിനെയാണ് കാണാനായത്.

സിഎസ്കെയിലേക്കെത്തിയപ്പോഴും സഞ്ജു ഇതേ പക്വത കാട്ടുന്നു. ആദ്യ പന്ത് സിക്സർ പറത്താൻ സാധിക്കുന്ന താരത്തിൽ നിന്ന് മാറി ടീമിന്റെ വിജയത്തിനായി അവസാന പന്തുവരെ പൊരുതാൻ മനക്കരുത്തുള്ളവനായി സഞ്ജു മാറി. ഈ മികവ് സഞ്ജുവിന്റെ അനുഭവസമ്പത്തിലൂടെ ആർജ്ജിച്ചെടുത്തതാണ്. വരുന്ന മത്സരങ്ങളിലും സിഎസ്കെയുടെ പ്രതീക്ഷയായി ഈ മികവ് ഉയർന്ന് നിൽക്കേണ്ടതായുണ്ട്.

പ്ലേ ഓഫ് പ്രതീക്ഷ നിലനിർത്താൻ സിഎസ്കെയ്ക്ക് സാധിച്ചിട്ടുണ്ട്. എന്നാൽ തുടർ ജയങ്ങൾ ഇനിയും ആവശ്യമാണ്. ഇതിനായി സഞ്ജു സാംസൺ മികച്ച ഫോമിൽ തുടരേണ്ടത് അത്യാവശ്യമാണ്. ഇന്ത്യയുടെ ടി20 ലോകകപ്പ് ടീമിനൊപ്പം കാട്ടിയ അത്ഭുതം സിഎസ്കെയ്ക്കൊപ്പവും ആവർത്തിക്കാൻ സഞ്ജുവിന് സാധിക്കുമെന്ന് തന്നെ കരുതാം.