IPL 2026: ധോണിക്കില്ലാത്ത നേട്ടം, അപൂർവ്വ റെക്കോഡ് ക്ലബ്ബിൽ മനീഷ് പാണ്ഡെ; കോഹ്ലിക്കും രോഹിത്തിനും ശേഷം ഇതാദ്യം

ഇന്ത്യൻ‌ പ്രീമിയർ ലീഗിന്റെ 2026 സീസണിലെ 45ാം മത്സരത്തിൽ കൊൽക്കത്ത നെെറ്റ് റെെഡേഴ്സും സൺറെെസേഴ്സ് ഹെെദരാബാദും ഏറ്റുമുട്ടുകയാണ്. മത്സരത്തിൽ ടോസ് നേടിയ ഹെെദരാബാദ് ആദ്യം ബാറ്റ് ചെയ്യുകയാണ്. കൊൽക്കത്ത നെെറ്റ് റെെഡേഴ്സ് ചില മാറ്റങ്ങളോടെയാണ് കളത്തിലിറങ്ങിയത്. ഈ സീസണിൽ ആദ്യമായി മനീഷ് പാണ്ഡെയെ കെകെആർ പ്ലേയിങ് ഇലവനിലേക്ക് എത്തിച്ചിരിക്കുകയാണ്.ഐപിഎല്ലിൽ സെഞ്ചുറി നേടുന്ന ആദ്യ ഇന്ത്യക്കാരനായ മനീഷ് പാണ്ഡെ യിൽ പ്രതീക്ഷവെച്ച് നിർണ്ണായക സമയത്ത് സീനിയർ താരത്തിന് അവസരം നൽകിയിരിക്കുകയാണ്. ഇതോടെ ചരിത്ര നേട്ടത്തിലേക്കാണ് മനീഷ് പാണ്ഡെ പേര് ചേർത്തിരിക്കുന്നത്. ഐപിഎല്ലിൽ പ്രഥമ സീസൺ മുതൽ ഇതുവരെയുള്ള സീസണുകളിൽ ഒരു മത്സരം എങ്കിലും കളിച്ച മൂന്നാമത്തെ താരമായി മനീഷ് മാറിയിരിക്കുകയാണ്. വിരാട് കോഹ്ലിയും രോഹിത് ശർമയും മാത്രമാണ് നിലവിൽ ഈ റെക്കോഡുള്ള താരങ്ങൾ.

മുംബെെ ഇന്ത്യൻസിനൊപ്പമാണ് മനീഷ് പാണ്ഡെ തുടങ്ങിയത്. 2008ൽ മുംബെെക്കായി ഒരു മത്സരം കളിച്ച മനീഷ് പിന്നീട് റോയൽ ചലഞ്ചേഴ്സ് ബംഗളൂരുവിനായി കളിച്ചു. 2009ലും 2010ലും ആർസിബിക്കൊപ്പം കളിച്ച മനീഷ് ആർസിബിക്കായാണ് ഐപിഎല്ലിലെ ഇന്ത്യക്കാരന്റെ ചരിത്ര സെഞ്ചുറി നേടിയെടുത്തത്. രണ്ട് സീസണുകൾക്ക് ശേഷം പൂനെ വാരിയേഴ്സ് ഇന്ത്യയിലേക്ക് മാറിയ മനീഷ് മൂന്ന് സീസൺ അവർക്കൊപ്പം കളിച്ചു.

2014ൽ കൊൽക്കത്ത നെെറ്റ് റെെഡേഴ്സിലേക്കെത്തിയ മനീഷ് 2017വരെ ടീമിനൊപ്പം തുടർന്നു. പിന്നീട് സൺറെെസേഴ്സ് ഹെെദരാബാദിലേക്ക് കൂടുമാറിയ മനീഷ് 2022വരെ ഓറഞ്ച് പടക്കൊപ്പം തുടർന്നു. 2022ൽ ലഖ്നൗ സൂപ്പർ ജയ്ന്റ്സിനൊപ്പവും പിന്നീട് 2023ൽ ഡൽഹി ക്യാപിറ്റൽസിന്റേയും ഭാഗമായി. 2024ൽ കെകെആറിലേക്ക് തിരിച്ചെത്തിയ മനീഷ് ഇപ്പോഴും കെകെആറിനൊപ്പം തുടരുന്നു.
IPL 2026: മുംബെെ പ്ലേ ഓഫ് കാണാതെ പുറത്ത്, എൽക്ലാസിക്കോ തൂത്തുവാരി സിഎസ്കെ; മികവ് കാട്ടി റുതുരാജും കാർത്തികും
ഐപിഎല്ലിലെ 19 സീസണിലും ഒരു മത്സരമെങ്കിലും കളിക്കാനുള്ള ഭാഗ്യം മനീഷിന് ലഭിച്ചുവെന്നതാണ് എടുത്തു പറയേണ്ട കാര്യം. അവസാന സീസൺവരെ എംഎസ് ധോണിയും ഈ പട്ടികയിലുണ്ടായിരുന്നു. എന്നാൽ ഈ സീസണിൽ സിഎസ്കെയ്ക്കായി കളിക്കാൻ ധോണിക്കായിട്ടില്ല. പരിക്കിനെത്തുടർന്ന് വിട്ടുനിൽക്കുന്ന ധോണി ഈ സീസണിൽ ഇനി കളിക്കാൻ സാധ്യതയുമില്ല.

നിലവിൽ എല്ലാ ഐപിഎൽ സീസണിലും ഒരു മത്സരമെങ്കിലും കളിക്കാൻ ഭാഗ്യം ലഭിച്ചത് കോഹ്ലിക്കും രോഹിത്തിനും മനീഷിനും മാത്രമാണ്. ഇതൊട്ടും എളുപ്പമുള്ള നേട്ടമല്ല. കാരണം എല്ലാ സീസണിലും ഫിറ്റ്നസ് നിലനിർത്തുകയെന്നതും കളിക്കാൻ അവസരം ലഭിക്കുകയെന്നതും നിസാരമായ കാര്യമല്ല. അതുകൊണ്ടുതന്നെ മനീഷിന്റേത് എല്ലാവർക്കും ലഭിക്കുന്ന നേട്ടമല്ലെന്ന് തന്നെ പറയാം.

MI vs CSK: 6 റൺസിൽ രക്ഷപെട്ടു, പക്ഷെ 11 റൺസിൽ വീണു; അവസരം മുതലാക്കാതെ സഞ്ജു സാംസൺ, പുറത്താക്കി ജസ്പ്രീത് ബുംറ

ഐപിഎല്ലിൽ കൂടുതൽ മത്സരം കളിച്ച 20ാമത്തെ താരമാണ് മനീഷ് പാണ്ഡെ. 175 മത്സരത്തിൽ നിന്ന് 3942 റൺസാണ് മനീഷ് നേടിയത്. 29.41 ശരാശരിയാണ് മനീഷിനുള്ളത്. ഇപ്പോഴും മനീഷിന് മികവ് കാട്ടാൻ സാധിക്കുമോയെന്നത് പ്രധാനപ്പെട്ട ചോദ്യമാണ്. വലിയ സ്ട്രെെക്ക് റേറ്റിൽ കളിക്കുന്ന താരമല്ലെങ്കിലും പല തവണ മാച്ച് വിന്നിങ് ഇന്നിങ്സ് നടത്തി കെെയടി നേടാൻ മനീഷ് പാണ്ഡെക്ക് സാധിച്ചിട്ടുണ്ടെന്നതാണ് എടുത്തു പറയേണ്ടത്.